തലാൽ മദ്ദാക്ക്​ ആദരവുമായി  ഗൂഗ്​ൾ ഡൂഡ്​ൽ

ജിദ്ദ: പ്രശസ്​ത സൗദി സംഗീതജ്​ഞൻ തലാൽ മദ്ദായ്​ക്ക്​ ആദരവുമായി ഗൂഗ്​ൾ ഡൂഡ്​ൽ. അദ്ദേഹത്തി​​​െൻറ 78ാം ജന്മദിനമായിരുന്നു ആഗസ്​റ്റ്​ അഞ്ച്​. ടെലിവിഷൻ പരിപാടിയിൽ തത്സമയം പ​െങ്കടുക്കുന്നതിനിടെ ഹൃദയാഘാതത്തെ തുടർന്ന്​ കുഴഞ്ഞുവീണ്​ 2000 ലാണ്​ അദ്ദേഹം മരണപ്പെട്ടത്​. ‘മണ്ണി​​​െൻറ സ്വരം’ എന്ന്​ ആരാധകർ സ്​നേഹപൂർവം വിശേഷിപ്പിക്കുന്ന തലാലിന്​ മരിക്കു​േമ്പാൾ 60 വയസായിരുന്നു. തലാൽ ഡൂഡ്​ൽ സൗദിക്ക്​ പുറമേ, അറബ്​ ലോകത്തും ഉത്തരാഫ്രിക്കയിലും ആസ്​ത്രേലിയ, ന്യൂസിലാൻറ്​, സ്വീഡൻ എന്നിവിടങ്ങളിലും ഞായറാഴ്​ച ഇൻറർനെറ്റ്​ ഉപയോക്​താക്കൾക്ക്​ ദൃശ്യമായി. 

1940 ൽ മക്കയിലാണ്​ തലാൽ മദ്ദാ ജനിച്ചത്​. ഹിജാസി ഗായകരായ ഹസ്സർ ജാവക്കും മുഹമ്മദ്​ അലി സിന്ദിക്കും ഒപ്പമാണ്​ തലാൽ പാടിതുടങ്ങിയത്​. റേഡിയോ ജിദ്ദയുടെ ഡയറക്​ടറായിരുന്ന അബ്ബാസ്​ ഫയ്യേഗ്​ ഗസ്സാവിയെ പരിചയപ്പെട്ടതാണ്​ സംഗീത ജീവിതത്തിൽ വഴിത്തിരിവായത്​. പാട്ടുകൾ റെക്കോഡുകളാക്കാൻ തലാലിനെ പ്രേരിപ്പിച്ചതും സഹായിച്ചതും അദ്ദേഹമാണ്​. അദ്ദേഹത്തി​​​െൻറ ആദ്യകാല ഹിറ്റുകളിലൊന്നായ ‘വർദക്​ യാ സാരിയ അൽ വർദ്​’ 1950 കളുടെ മധ്യത്തിൽ റേഡിയോ നിരന്തരം ​പ്രക്ഷേപണം ​െചയ്യപ്പെട്ടു. ’60 കളിൽ സൗദി അറേബ്യയുടെ ഒൗദ്യോഗിക ​റേഡിയോ സ്​റ്റേഷ​​​െൻറ സ്​ഥാപനത്തോടെ തലാൽ പ്രശസ്​തിയിലേക്ക്​ കുതിച്ചുയർന്നു. അദ്ദേഹത്തി​​​െൻറ ഗാനങ്ങൾ സൗദി നഗരങ്ങളിലും ഗ്രാമങ്ങളിലും അലയടിക്കാൻ തുടങ്ങി. 
1960 മുതൽ മരണപ്പെടുന്ന 2000 വരെ സൗദി അറേബ്യയിലുടനീളം നൂറുകണക്കിന്​ വേദികളിൽ അദ്ദേഹം പാടി. ജി.സി.സി രാഷ്​ട്രങ്ങൾ, ഇൗജിപ്​ത്​, സിറിയ, ലെബനാൻ, അൾജീരിയ, തുനീഷ്യ, ലിബിയ എന്നിവിടങ്ങളിലും തലാലി​​​െൻറ ശബ്​ദമുയർന്നു. 

സൗദി ദേശീയ ടി.വി ചാനലിൽ തത്സമയം സ​ംപ്രേഷണം ചെയ്​തുകൊണ്ടിരുന്ന ഒരുപരിപാടിയായിരുന്നു അദ്ദേഹത്തി​​​െൻറ അവസാന വേദി. ത​​​െൻറ ആദ്യഗാനം പാടി അൽപം കഴിഞ്ഞപ്പോൾ അദ്ദേഹം കുഴഞ്ഞുവീണു. അപ്പോൾ തന്നെ മരണം സംഭവിച്ചു. തലാലി​​​െൻറ പാട്ടുകേൾക്കാനിരുന്ന ആസ്വാദകർക്ക്​ മുന്നിൽ പിന്നീട്​ വന്നത്​ മരണത്തി​​​െൻറ അറിയിപ്പാണ്​. മക്കയിൽ ഖബറടക്കി. 66 ഒൗദ്യോഗിക ആൽബങ്ങളും 40 മറ്റ്​ ആൽബങ്ങളുമാണ്​ അദ്ദേഹത്തി​​​െൻറ പേരിലുള്ളത്​. 1984 ൽ ഫഹദ്​ രാജാവി​​​െൻറ കൈയിൽ നിന്ന്​ തലാൽ​ വിശിഷ്​ട സേവാ മെഡൽ ഏറ്റുവാങ്ങിയിരുന്നു.