അൽഐൻ ഗ്രേസ്​വാലി മദ്​റസ ഓൺലൈൻ ക്ലാസിന്​ തുടക്കം

അൽ​ഐൻ: ലോക്​ഡൗൺ കാലത്ത്​ മത വിദ്യാഭ്യാസം മുടക്കാതെ അൽഐൻ ഗ്രേസ്​ വാലി ഇന്ത്യൻ സ്​കൂളിലെ വാദി റഹ്​മ മദ്റസ. സമസ്​ത കേരള ഇസ്​ലാം മത വിദ്യാഭ്യാസ ബോർഡി​നു കീഴിൽ പതിറ്റാണ്ടായി പ്രവർത്തിക്കുന്ന മദ്​റസയുടെ പുതിയ അധ്യയന വർഷാരംഭം സമസ്​ത കേരള ജംഇയത്തുൽ മുഅല്ലിമീൻ മുഖ്യ കാര്യദർശിയും ദാറുൽഹുദാ ഇസ്​ലാമിക്​ യൂനിവേഴ്​സിറ്റി വി.സിയുമായ ഡോ. ബഹാഉദ്ദീൻ നദ്​വി ഓൺലൈനിലൂടെ നിർവഹിച്ചു.​

നൂതന വിദ്യയുടെ സാധ്യതകൾ പ്രയോജന​പ്പെടുത്തി പഠനം കൂടുതൽ ക്രിയാത്​മകമാക്കണമെന്ന്​ അദ്ദേഹം ആഹ്വാനം ചെയ്​തു.

വാദി റഹ്​മ ചെയർമാൻ പൂക്കോയ തങ്ങൾ ബാ അലവി അധ്യക്ഷത വഹിച്ചു. എം.ഡി ഇ​.കെ. മൊയ്​തീൻ ഹാജി, ഗ്രേസ്​വാലി പ്രിൻസിപ്പൽ ഡോ. ഇബ്രാഹിം, മദ്​റസ പ്രധാനാധ്യാപകൻ ബഷീർ ഹുദവി തുടങ്ങിയവർ സംസാരിച്ചു. കുട്ടികളുടെ കലാ പ്രകടനങ്ങളും അരങ്ങേറി.