ഗ്രാൻഡ്​​ ഹൈപ്പറി​െൻറ സൗദിയിലെ ആദ്യ ഔട്ട്​ലെറ്റ്​ റിയാദിൽ പ്രവർത്തനം തുടങ്ങി

റിയാദ്: യു.എ.ഇ കേന്ദ്രീകരിച്ചു സ്ഥാപിതമായ ഗ്രാൻഡ്​​ ഹൈപ്പർ മാർക്കറ്റ് ശൃംഖല സൗദി അറേബ്യയുടെ മണ്ണിലുമെത്തി. റിയാദിലെ അൽമൻസൂറയിലുള്ള അൽഹംറ പ്ലാസയിൽ ഗ്രാൻഡി​െൻറ ആദ്യ ഹൈപ്പർ മാർക്കറ്റ് ബുധനാഴ്​ച വൈകിട്ട് 4.30 ന്​ തുറന്ന്​ പ്രവർത്തനം ആരംഭിച്ചു. സൗദി റീ​ട്ടെയിൽ മാർക്കറ്റിലേക്കുള്ള മുന്നേറ്റത്തിന് 30 കോടി സൗദി റിയാലി​െൻറ ഊർജ്ജസ്വല പദ്ധതികളുമായാണ്​ ഗ്രാൻഡി​െൻറ രംഗപ്രവേശം. യു.എ.ഇ, കുവൈത്ത്​, ഖത്തർ, ഒമാൻ, ഇന്ത്യ എന്നിവിടങ്ങളിൽ മുഖമുദ്ര പതിപ്പിച്ചതിന്​ ശേഷമാണ് അവർ സൗദി അറേബ്യയിലേക്ക്​ ചുവടുവെക്കുന്നത്.

ഗ്രൂപ്പി​െൻറ 93-ാമത്തെ ഔട്ട്​ലെറ്റായി റിയാദിൽ തുറന്ന ഹൈപ്പറിൽ രാജ്യത്തി​െൻറ വികസിച്ചുകൊണ്ടിരിക്കുന്ന ഉപഭോക്തൃ ആവശ്യങ്ങൾ തൃപ്തിപ്പെടുത്തുന്നതിനുള്ള എല്ലാ സൗകര്യങ്ങളും ഒരുക്കിയിട്ടുണ്ട്. 55,000 ചതുരശ്ര അടി വിസ്തൃതിയിൽ വ്യാപിച്ചുകിടക്കുന്ന ഔട്ട്​ലെറ്റിൽ പലചരക്ക്, ഫാംഫ്രഷ്​ പഴങ്ങൾ, പച്ചക്കറികൾ, ചൂടുള്ള ഭക്ഷണം, പുതിയതും രുചികരവുമായ ബേക്കറി, വീട്ടുപകരണങ്ങൾ, ഫാഷൻ ആൻഡ്​ ലൈഫ്​ സ്​റ്റൈൽ ഉൽപ്പന്നങ്ങൾ, ഇലക്ട്രോണിക്സ്, ഗൃഹോപകരണങ്ങൾ തുടങ്ങി നിരവധിയിനങ്ങൾ അണിനിരത്തിയിട്ടുണ്ട്​.

ലോകോത്തര ഉൽപന്നങ്ങളും സേവനങ്ങളും ഉപയോഗിച്ച് ഉപഭോക്തൃ ആവശ്യങ്ങളും നിറവേറ്റുന്നതിനായി ഞങ്ങളുടെ സമ്പന്നമായ പാരമ്പര്യത്തെ അടിസ്ഥാനമാക്കി സൗദി അറേബ്യൻ ജനതയുടെ മനസ്സിൽ ശാശ്വതമായ മുദ്ര പതിപ്പിക്കുമെന്ന്​ ഗ്രാൻഡ്​ ഹൈപ്പർ ചെയർമാൻ ഷംസുദ്ധീൻ ബിൻ മൊഹിയുദ്ദീൻ മമ്മു ഹാജി പറഞ്ഞു. ഗ്രാൻഡിെൻറ സൗദി അറേബ്യൻ മണ്ണിലേക്കുള്ള വരവ്​ പ്രഖ്യാപിച്ചത്​ മുതൽ ഇവിടുത്തെ വിദേശികളുടെയും സ്വദേശികളുടെയും ഞങ്ങളിൽ അർപ്പിച്ച പ്രതീക്ഷകൾ നിറവേറ്റാൻ ഞങ്ങളുടെ വിവിധ രാജ്യങ്ങളിലുള്ള ഉറവിടങ്ങളിൽനിന്ന് ഉൽപ്പന്നങ്ങൾ നേരിട്ട്​ കൊണ്ടുവന്ന്​ ഗുണമേന്മയിൽ യാതൊരുവിധ വിട്ടുവീഴ്ച്ചയുമില്ലാതെ ഏറ്റവും മികച്ച വിലയിൽ ഉപഭോക്താക്കൾക്ക്​ ലഭ്യമാക്കാൻ സാധിച്ചതിൽ തങ്ങൾ കൃതാർത്ഥരാണെന്ന്​ ഉദ്ഘാടനവേളയിൽ ഗ്രാൻഡ്​ ഹൈപ്പർ മാനേജിങ്​ ഡയറക്ടർ ഡോ. അൻവർ അമീൻ ചേലാട്ട്​ പറഞ്ഞു.

ഉദ്ഘാടനത്തിന്​ ശേഷം, സമ്പദ്​ വ്യവസ്ഥയുടെ എല്ലാ മേഖലകൾക്കും അതിശയകരമായ ഒരു മാറ്റം പ്രദാനം ചെയ്യുന്നതിലുള്ള രാജ്യത്തെ ഭരണാധികാരികളുടെ ശ്രമങ്ങളെ ചെയർമാനും മാനേജിങ്​ ഡയറക്ടറും അഭിനന്ദിക്കുകയും അടുത്ത 28 മാസത്തിനുള്ളിൽ രാജ്യത്തുടനീളം 15 ഔട്ട്​ലെറ്റുകൾ ആരംഭിക്കുന്നതിനുള്ള ബൃഹദ്​ പദ്ധതിയെ കുറിച്ച്​ വിശദീകരിക്കുകയും ചെയ്തു. 30 കോടി സൗദി റിയാൽ നിക്ഷേപിക്കുകയും സൗദി യുവാക്കൾക്കായി ചുരുങ്ങിയത് 1,000 തൊഴിലവസരങ്ങൾ സൃഷ്​ടിച്ച്​ സൗദിവൽക്കരണ യജ്ഞത്തിൽ ഭാഗവാക്കാകുമെന്നും അവർ കൂട്ടിച്ചേർത്തു.

സമൂഹത്തി​െൻറ നാനാതുറകളിൽനിന്നുള്ളവർ ഉദ്​ഘാടന ചടങ്ങിൽ സംബന്ധിച്ചു. റിയാദ്​ മൻസൂറയിലെ അൽഹംറ പ്ലാസയിൽ അത്യാധുനിക ഔട്ട്​ലെറ്റ്​ സ്ഥാപിച്ച് എല്ലാവരുടെയും പ്രതീക്ഷകൾ നിറവേറ്റുന്നതിൽ ഞങ്ങൾക്ക്​ സന്തോഷമുണ്ടെന്ന്​ ഗ്രാൻഡ്​ ഹൈപ്പർ എക്സിക്യൂട്ടീവ്​ ഡയറക്ടർമാരായ എം.കെ. അബൂബക്കർ, റാഷിദ് അസ്​ലം, അബ്​ദു സുബ്ഹാൻ, ഡയറക്ടർ എൻ.വി. മുഹമ്മദ് എന്നിവർ പറഞ്ഞു. കുവൈത്ത്​ റീജനൽ ഡയറക്ടർ അയ്യൂബ്​ കച്ചേരി, റീട്ടെയിൽ ഓപ്പറേഷൻ ഡയറക്ടർ തഹ്സീർ അലി, ചീഫ് ഓപ്പറേറ്റിങ്​ ഓഫീസർ സനിൻ വാസിം, ജനറൽ മാനേജർ മുഹമ്മദ് ആതിഫ്​ റഷീദ് തുടങ്ങിയവർ ചടങ്ങിൽ പങ്കെടുത്തു.