ഗ്രേ​റ്റ്‌ ഇ​ന്ത്യ ഫെ​സ്റ്റ് ഒ​ക്​​ടോ​ബ​ർ നാല്​, അ​ഞ്ച്​ തീയതികളിൽ​; ടി​ക്ക​റ്റു​ക​ൾ ഓ​ൺ​ലൈ​നി​ൽ ല​ഭ്യ​മാ​യി​ത്തു​ട​ങ്ങി

റി​യാ​ദ്:ഒക്ടോബർ ആദ്യവാരത്തിൽ തെന്നിന്ത്യൻ സെലിബ്രിറ്റികളും കലാകാരന്മാരും അണിനിരക്കുന്ന ഗ്രേറ്റ് ഇന്ത്യൻ മഹോത്സവത്തി​െൻറ ടിക്കറ്റുകൾ ഓൺലൈനിൽ ലഭ്യമായി തുടങ്ങി. സാധാരണക്കാരായ പ്രവാസികൾക്ക് പ്രാപ്തമാകുന്ന മിതമായ നിരക്കിലാണ് നിരക്ക് നിശ്ചയിച്ചട്ടുള്ളത്. https://greatindiafest.com എന്ന ഓൺലൈൻ ലിങ്കിൽനിന്നും ടിക്കറ്റുകൾ ലഭിക്കുന്നതാണ്. രണ്ടു ദിവസത്തിനുള്ളിൽ നഗരത്തി​െൻറ വിവിധ കേന്ദ്രങ്ങളിൽ നിന്നും ടിക്കറ്റുകൾ നേരിട്ട് കരസ്ഥമാക്കാനും സൗകര്യം ഒരുക്കിയിട്ടുണ്ട്.

ടി​ക്ക​റ്റ് നി​ര​ക്കു​ക​ൾ

പ്ര​വേ​ശ​നം ഒ​രാ​ൾ​ക്ക്: ഒരു ദിവസത്തേക്ക്

സി​ൽ​വ​ർ (40 റി​യാ​ൽ)

ഗോ​ൾ​ഡ് (75 റി​യാ​ൽ)

പ്ലാ​റ്റി​നം (150 റി​യാ​ൽ)

റെ​ഡ് കാ​ർ​പ​റ്റ് (500 റി​യാ​ൽ)

പ്ര​വേ​ശ​നം നാ​ല് പേ​ർ​ക്ക്: ഒരു ദിവസത്തേക്ക്

ഗോ​ൾ​ഡ് ഫാ​മി​ലി (250 റി​യാ​ൽ)

പ്ലാ​റ്റി​നം ഫാ​മി​ലി (500 റി​യാ​ൽ)

റെ​ഡ് കാ​ർ​പ​റ്റ് ഫാ​മി​ലി (1500 റി​യാ​ൽ)

റിയാദ്​ ഇൻറർനാഷനൽ ഇന്ത്യൻ ബോയ്​സ്​ സ്കൂൾ അങ്കണത്തിൽ ഒക്​ടോബർ നാല്​, അഞ്ച്​ തീയതികളിലാണ് പ്രവാസി ഇന്ത്യക്കാരുടെ മരുഭൂവാസത്തിന് പുതുചരിതം എഴുതിചേർക്കുന്ന സാംസ്കാരിക കാർണിവെൽ അരങ്ങേറുക. നമ്മുടെ നാടി​െൻറ കലാസാംസ്കാരിക പൈതൃകങ്ങളിലേക്കും വാണിജ്യ വ്യാവസായിക തുറകളിലേക്കും ലോകത്തി​െൻറ ശ്രദ്ധ ക്ഷണിക്കുന്ന അപൂർവമായൊരു സാംസ്കാരിക ഇടപെടലായിരിക്കും ഗ്രേറ്റ് ഇന്ത്യൻ ഫെസ്​റ്റ്​. ദേശ ഭാഷാതീതമായ സ്നേഹത്തി​െൻറയും സൗഹൃദത്തി​െൻറയും പുതുവഴികൾ തീർക്കാൻ ഒരുങ്ങുകയാണ് കാൽ നൂറ്റാണ്ട് പൂർത്തിയാക്കിയ ‘ഗൾഫ് മാധ്യമം’ ദിനപത്രം.

സംഗീത കലാനിശയോടൊപ്പം ഇന്ത്യൻ രുചിവൈവിധ്യങ്ങൾ, വിവിധ വാണിജ്യകേന്ദ്രങ്ങളുടെ പ്രൊപ്പെർട്ടി ഷോകൾ, ഉത്പന്നങ്ങളുടെ പ്രദർശനങ്ങൾ എല്ലാം അടങ്ങിയ ഒരു ഇന്ത്യൻ സാംസ്കാരിക ഉത്സവമാണ് ഇവിടെ അരങ്ങേറുക. കുട്ടികൾക്കും മുതിർന്നവർക്കും മത്സരിക്കാനും സമ്മാനം നേടാനുമായി പെയിൻറിങ്, സിങ്​ ആൻഡ് വിൻ തുടങ്ങിയ മത്സരങ്ങളും ഉണ്ടായിരിക്കും. ഒക്‌ടോബർ നാലിന് പാൻ ഇന്ത്യൻ പ്രേക്ഷകരെ ആകർഷിക്കുന്ന സംഗീത സാംസ്കാരിക വിരുന്നായിരിക്കും വേദിയിൽ അരങ്ങേറുക.

‘കേരള വൈബ്’ എന്ന പേരിലെ സമാപന ദിന പരിപാടി കൈരളിയുടെ സർഗസൗന്ദര്യം വിളിച്ചോതുന്നതായിരിക്കും. മലയാള സിനിമ തറവാട്ടിൽനിന്നും കുഞ്ചാക്കോ ബോബൻ, മാന്ത്രിക വിരലുകളാൽ സംഗീതപ്പെരുമഴ തീർക്കുന്ന സ്​റ്റീഫൻ ദേവസ്സി, ഇന്ത്യൻ സിനിമ പിന്നണി ഗായിക നിത്യ മാമ്മൻ, യുവഗായകരായ കെ.എസ്. ഹരിശങ്കർ, ക്രിസ്​റ്റകല, അക്ബർ ഖാൻ, രാമു, നടനും നർത്തകനുമായ മുഹമ്മദ്‌ റംസാൻ, അവതാരകനായ മിഥുൻ രമേശ്‌ എന്നിവർ വിവിധ കലാപ്രകടനങ്ങൾ കൊണ്ട് വേദിയെ മനോഹരമാക്കും. പ്രവാസത്തി​െൻറ ഓണാഘോഷത്തിന് നിറപ്പകിട്ടുള്ള ഒരു സമാപനം കൂടിയായിരിക്കും ഒക്ടോബർ അഞ്ചിലെ കേരളീയ സംഗീത കലാവിരുന്ന്.