‘ഗ്രീ​ൻ റി​യാ​ദ്’ പ​ദ്ധ​തി; റി​യാ​ദി​ൽ മൂ​ന്ന്​ പ്ര​ധാ​ന പാ​ർ​ക്കു​ക​ളു​ടെ നി​ർ​മാ​ണ​മാ​രം​ഭി​ച്ചു

റി​യാ​ദ്​: ‘ഗ്രീ​ൻ റി​യാ​ദ്’ പ​ദ്ധ​തി​യു​ടെ ഭാ​ഗ​മാ​യി റി​യാ​ദ് ന​ഗ​ര​ത്തി​ൽ മൂ​ന്ന് പ്ര​ധാ​ന പാ​ർ​ക്കു​ക​ളു​ടെ നി​ർ​മാ​ണ​മാ​രം​ഭി​ച്ചു. മു​ൻ​സി​യ്യ, റി​മാ​ൽ, ഖാ​ദി​സി​യ എ​ന്നീ ഡി​സ്​​ട്രി​ക്​​റ്റു​ക​ളി​ലാ​യി ആ​കെ 5,50,000 ച​തു​ര​ശ്ര മീ​റ്റ​റി​ലാ​ണ്​ പാ​ർ​ക്കു​ക​ൾ നി​ർ​മി​ക്കു​ന്ന​ത്. ന​ഗ​ര​ത്തി​ലെ ജീ​വി​ത​നി​ല​വാ​രം ഉ​യ​ർ​ത്തു​ക എ​ന്ന​തി​നൊ​പ്പം ഹ​രി​ത​യി​ട​ങ്ങ​ളു​ടെ പ്ര​തി​ശീ​ർ​ഷ നി​ര​ക്ക് ഇ​പ്പോ​ഴു​ള്ള​തി​​ന്റെ 16 മ​ട​ങ്ങ് വ​ർ​ധി​പ്പി​ക്കു​ക​യും ലോ​ക​ത്തി​ലെ ഏ​റ്റ​വും സു​സ്ഥി​ര ന​ഗ​ര​ങ്ങ​ളി​ലൊ​ന്നാ​യി റി​യാ​ദി​നെ മാ​റ്റു​ക​യു​മാ​ണ്​ ല​ക്ഷ്യം.

ന​ഗ​ര​ത്തി​​ന്റെ കി​ഴ​ക്ക് ഭാ​ഗ​ത്താ​ണ്​ മൂ​ന്നു​ പാ​ർ​ക്കു​ക​ളും. സു​ലൈ പ​ർ​വ​ത​നി​ര​യു​ടെ താ​ഴ്​​വ​ര​യി​ലെ (വാ​ദി അ​ൽ സു​ലൈ) പ്ര​കൃ​തി​യു​മാ​യി ചേ​രും വി​ധ​മാ​യി​രി​ക്കും ഈ ​പാ​ർ​ക്കു​ക​ളു​ടെ രൂ​പ​ക​ൽ​പ​ന. പാ​ർ​ക്കു​ക​ളു​ടെ 65 ശ​ത​മാ​ന​വും പ​ച്ച​പ്പാ​യി​രി​ക്കും. 5,85,000 മ​ര​ങ്ങ​ളും കു​റ്റി​ച്ചെ​ടി​ക​ളും ന​ട്ടു​പി​ടി​പ്പി​ക്കും. 18 കി​ലോ​മീ​റ്റ​റി​ലും എ​ട്ട്​ കി​ലോ​മീ​റ്റ​റി​ലും ര​ണ്ട്​ ന​ട​പ്പാ​ത​ക​ൾ, 8.5 കി​ലോ​മീ​റ്റ​റി​ൽ സൈ​ക്കി​ൾ പാ​ത​ക​ൾ എ​ന്നി​വ പാ​ർ​ക്കു​ക​ളി​ലു​ണ്ടാ​വും.

കു​ട്ടി​ക​ളു​ടെ പ​രി​സ്ഥി​തി അ​വ​ബോ​ധം വ​ർ​ധി​പ്പി​ക്കു​ന്ന​തി​ന് നൂ​ത​ന രീ​തി​യി​ൽ വി​ദ്യാ​ഭ്യാ​സാ​നു​ഭ​വം ന​ൽ​കു​ന്ന 22 ക​ളി​സ്ഥ​ല​ങ്ങ​ളു​ണ്ടാ​കും. പാ​ർ​ക്കു​ക​ളി​ൽ ഹ​രി​ത ടെ​റ​സു​ക​ൾ, സ്ക്വ​യ​റു​ക​ൾ, ഇ​വ​ൻ​റു​ക​ൾ​ക്കും ഉ​ത്സ​വ​ങ്ങ​ൾ​ക്കും ഓ​പ​ൺ തി​യ​റ്റ​റു​ക​ൾ, വി​വി​ധ പ്രാ​യ​ക്കാ​ർ​ക്കു​ള്ള കാ​യി​ക സ്ഥാ​പ​ന​ങ്ങ​ൾ, ചു​റ്റു​മു​ള്ള പ​രി​സ്ഥി​തി​യി​ൽ ന​ല്ല സ്വാ​ധീ​നം ചെ​ലു​ത്തു​ന്ന ജ​ലാ​ശ​യ​ങ്ങ​ൾ എ​ന്നി​വ​യും ഉ​ൾ​പ്പെ​ടു​മെ​ന്നും ഗ്രീ​ൻ റി​യാ​ദ്​ പ​ദ്ധ​തി അ​ധി​കൃ​ത​ർ പ​റ​ഞ്ഞു. കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​​ന്റെ മു​ൻ​കൈ​യി​ൽ​ സ​ൽ​മാ​ൻ രാ​ജാ​വ് ആ​രം​ഭി​ച്ച റി​യാ​ദി​ലെ പ്ര​ധാ​ന പ​ദ്ധ​തി​ക​ളി​ലൊ​ന്നാ​ണ് ‘ഗ്രീ​ൻ റി​യാ​ദ്’.

രാ​ജ്യ​ത്തി​ന​ക​ത്ത് 10 ശ​ത​കോ​ടി മ​ര​ങ്ങ​ൾ ന​ടു​ന്ന സൗ​ദി ഗ്രീ​ൻ ഇ​നി​ഷ്യേ​റ്റി​വി​​ന്റെ ഭാ​ഗ​മാ​ണി​ത്​. റി​യാ​ദി​ൽ 75 ല​ക്ഷം മ​ര​ങ്ങ​ൾ ന​ട്ടു​പി​ടി​പ്പി​ക്കാ​നും ന​ഗ​ര​വി​സ്തൃ​തി​യു​ടെ ഒ​മ്പ​ത്​ ശ​ത​മാ​നം വ​രെ സ​സ്യ​ങ്ങ​ൾ വ​ർ​ധി​പ്പി​ക്കാ​നും ഹ​രി​ത​യി​ട​ത്തി​​ന്റെ പ്ര​തി​ശീ​ർ​ഷ വി​ഹി​തം 1.7 ച​തു​ര​ശ്ര മീ​റ്റ​റി​ൽ​നി​ന്ന് 28 ച​തു​ര​ശ്ര മീ​റ്റ​റാ​യി ഉ​യ​ർ​ത്താ​നു​മാ​ണ്​ ഗ്രീ​ൻ റി​യാ​ദി​ലൂ​ടെ ല​ക്ഷ്യ​മി​ടു​ന്ന​ത്. മ​ലി​നീ​ക​ര​ണ​വും പൊ​ടി​യും കു​റ​ക്കു​ന്ന​തി​ലൂ​ടെ താ​പ​നി​ല കു​റ​ക്കാ​നും വാ​യു ഗു​ണ​നി​ല​വാ​രം മെ​ച്ച​പ്പെ​ടു​ത്താ​നു​മാ​ണ് ഇ​ത്ത​രം പ​ദ്ധ​തി​ക​ൾ ന​ട​പ്പാ​ക്കു​ന്ന​ത്​.

ന​ഗ​ര​ത്തി​ലെ വി​വി​ധ സ്ഥ​ല​ങ്ങ​ളി​ൽ പ്ര​ധാ​ന പൂ​ന്തോ​ട്ട​ങ്ങ​ൾ സ്ഥാ​പി​ക്ക​ൽ, മ​ര​ങ്ങ​ൾ ന​ട്ടു​പി​ടി​പ്പി​ക്ക​ൽ, മ​ര​ങ്ങ​ൾ നി​റ​ഞ്ഞ ന​ട​പ്പാ​ത​ക​ളും കാ​ൽ​ന​ട​ക്കു​ള്ള​പാ​ത​ക​ളും ഒ​രു​ക്ക​ൽ, പ​ള്ളി​ക​ൾ, സ്കൂ​ളു​ക​ൾ, പാ​ർ​ക്കി​ങ്​ സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ൽ മ​ര​ങ്ങ​ൾ ന​ട്ടു​പി​ടി​പ്പി​ക്ക​ൽ എ​ന്നി​വ​ക്കാ​യു​ള്ള പ്ര​വ​ർ​ത്ത​നം ഗ്രീ​ൻ റി​യാ​ദി​ന്​ കീ​ഴി​ൽ തു​ട​രു​ക​യാ​ണ്. ഇ​തി​ന് ന​ഗ​ര​ത്തി​ലു​ട​നീ​ളം മൊ​ത്തം 1350 കി​ലോ​മീ​റ്റ​ർ നീ​ള​മു​ള്ള ജ​ല​സേ​ച​ന ജ​ല ശൃം​ഖ​ല​ക​ൾ ന​ട​പ്പാ​ക്കു​ന്നു. വ​ന​വ​ത്ക​ര​ണ ആ​വ​ശ്യ​ങ്ങ​ൾ​ക്കാ​യി പ്ര​തി​വ​ർ​ഷം 30 ല​ക്ഷം മ​ര​ങ്ങ​ളും കു​റ്റി​ച്ചെ​ടി​ക​ളും ഉ​ൽ​പാ​ദി​പ്പി​ക്കാ​നും റി​യാ​ദി​ൽ ഹ​രി​ത ന​ഴ്സ​റി​ക​ൾ പ്ര​വ​ർ​ത്തി​ക്കു​ന്നു​ണ്ട്.