മ​രു​ഭൂ വി​ജ​ന​ത​യി​ലെ അ​ജ്ഞാ​ത​നാ​യ സു​ഹൃ​ത്ത്​

പ്ര​വാ​സം നാ​ലു പ​തി​റ്റാ​ണ്ട്​ പൂ​ർ​ത്തി​യാ​കാ​ൻ ഇ​നി അ​ധി​ക കാ​ല​മി​ല്ല. 30​ വ​ർ​ഷം മു​മ്പ്​ ഒ​രു ആ​പ​ദ്​​ഘ​ട്ട​ത്തി​ൽ ര​ക്ഷ​ക​നാ​യി എ​ത്തി​യ ഒ​രു 'അ​ജ്ഞാ​ത' സു​ഹൃ​ത്തി​നെ കു​റി​ച്ചാ​ണ് എ​നി​ക്ക് പ​റ​യാ​നു​ള്ള​ത്. റി​യാ​ദി​ൽ​നി​ന്നും ബു​റൈ​ദ വ​ഴി മ​ദീ​ന​യി​ലേ​ക്കു​ള്ള യാ​ത്ര​ക്കി​ടെ​യാ​ണ്​ ഇ​ന്നും ഒാ​ർ​മ​യെ ഞെ​ട്ടി​ക്കു​ന്ന ആ ​സം​ഭ​വം. അ​ന്ന് ബു​റൈ​ദ പ​ട്ട​ണം പി​ന്നി​ട്ടാ​ൽ മ​ദീ​ന റോ​ഡി​ൽ കി​ലോ​മീ​റ്റ​റു​ക​ളോ​ളം വി​ജ​ന​മാ​ണ്. പെ​ട്രോ​ൾ പാ​മ്പു​ക​ളോ മ​റ്റു ജ​ന​വാ​സ കേ​ന്ദ്ര​ങ്ങ​ളോ ഇ​ല്ലാ​ത്ത, നോ​ക്കെ​ത്താ ദൂ​ര​ത്തോ​ളം പേ​ടി​പ്പെ​ടു​ത്തു​ന്ന വി​ജ​ന​ത. ഞാ​നും റി​യാ​ദി​ലെ ഇ​ന്ത്യ​ൻ സ്​​കൂ​ൾ മു​ൻ ചെ​യ​ർ​മാ​നാ​യ ഇം​തി​യാ​സ്​ അ​ഹ​മ്മ​ദും ഞ​ങ്ങ​ളു​ടെ ഭാ​ര്യ​മാ​രും നാ​ലു വ​യ​സ്സ്​ പ്രാ​യ​മു​ള്ള എ​െൻറ മ​ക​ളും ഇം​തി​യാ​സി​െൻറ കൈ​ക്കു​ഞ്ഞാ​യ മ​ക​നു​മാ​യി​രു​ന്നു യാ​ത്ര​യി​ലു​ണ്ടാ​യി​രു​ന്ന​ത്. വ​ഴി​യു​ടെ ദു​ർ​ഘ​ട​ത​യെ കു​റി​ച്ച് ധാ​ര​ണ​യു​ള്ള​തി​നാ​ൽ എ​ല്ലാ​വി​ധ മു​ന്നൊ​രു​ക്ക​ങ്ങ​ളോ​ടെ​യു​മാ​യി​രു​ന്നു യാ​ത്ര.

കാ​ർ വ​ഴി​യി​ൽ കേ​ടാ​യാ​ൽ ന​ന്നാ​ക്കാ​നു​ള്ള ടൂ​ളു​ക​ൾ ഉ​ൾ​പ്പെ​ടെ എ​ല്ലാം കൂ​ടെ ക​രു​തി​യി​രു​ന്നു. മ​ദീ​ന​യി​ൽ എ​ത്താ​ൻ ഏ​ക​ദേ​ശം മു​ന്നൂ​റി​ല​ധി​കം കി​ലോ​മീ​റ്റ​ർ ദൂ​രം ബാ​ക്കി​യു​ണ്ട്. അ​സ​ർ ന​മ​സ്ക്കാ​ര​ത്തി​െൻറ സ​മ​യം, റോ​ഡ​രി​കി​ൽ അ​ൽ​പ​മൊ​രു ചെ​രു​വി​ലേ​ക്ക് വാ​ഹ​നം ഇ​റ​ക്കി നി​ർ​ത്തി ഞ​ങ്ങ​ൾ ന​മ​സ്‌​ക​രി​ക്കാ​ൻ തി​രു​മാ​നി​ച്ചു.

അ​തി​നു​ശേ​ഷം യാ​ത്ര തു​ട​രാ​ൻ വാ​ഹ​ന​ത്തി​ൽ ക​യ​റി. എ​ന്നാ​ൽ ഞ​ങ്ങ​ളു​ടെ വാ​ഹ​ന​ത്തി​െൻറ ട​യ​റു​ക​ൾ മ​ണ​ലി​ൽ പൂ​ണ്ടു പോ​യ​തി​നാ​ൽ​ മു​ന്നോ​ട്ടു നീ​ങ്ങി​യി​ല്ല എ​ന്ന് മാ​ത്ര​മ​ല്ല, റോ​ഡി​െൻറ നി​ര​പ്പി​ൽ​നി​ന്നും ചെ​രു​വി​ലെ താ​ഴേ​ക്കു​ള്ള ഭാ​ത്തേ​ക്ക് നി​ര​ങ്ങി ഇ​റ​ങ്ങു​ക​യും ചെ​യ്​​തു.

വാ​ഹ​ന​ത്തി​ൽ നി​ന്നി​റ​ങ്ങി​യ ഞ​ങ്ങ​ൾ വ​ണ്ടി​യി​ൽ ക​രു​തി​യി​രു​ന്ന വെ​ള്ളം മു​ഴു​വ​നും ട​യ​റി​െൻറ അ​ടി​ഭാ​ഗ​ത്ത്​ മ​ണ​ലി​ൽ ഒ​ഴി​ച്ച് ഒ​രു ശ്ര​മം ന​ട​ത്തി നോ​ക്കി. ഞ​ങ്ങ​ൾ​ക്കും കു​ട്ടി​ക​ൾ​ക്കും യാ​ത്ര​യി​ൽ ആ​വ​ശ്യ​മാ​യ ര​ണ്ടു വ​ലി​യ ബോ​ട്ടി​ൽ വെ​ള്ളം മു​ഴു​വ​നും അ​ങ്ങ​നെ ഒ​ഴി​ച്ചു​നോ​ക്കി വ​ണ്ടി മു​ക​ളി​ക്ക് ക​യ​റ്റാ​ൻ ശ്ര​മി​ച്ചെ​ങ്കി​ലും ആ ​ശ്ര​മം വി​ഫ​ല​മാ​യി. ഇ​ന്ന​ത്തെ പോ​ലെ വാ​ഹ​ന​ങ്ങ​ളു​ടെ ബാ​ഹു​ല്യം അ​ന്ന് ആ ​റോ​ഡി​ൽ ഇ​ല്ല.

തെ​ന്നി​യും തെ​റി​ച്ചും ചി​ല​ത്​ വ​ന്നാ​ലാ​യി. മൊ​ബൈ​ൽ ഫോ​ൺ പോ​യി​ട്ട് ലാ​ൻ​ഡ് ലൈ​ൻ ഫോ​ൺ പോ​ലും അ​പൂ​ർ​വ​മാ​യി​രു​ന്ന കാ​ലം. എ​ന്ത് ചെ​യ്യ​ണ​മെ​ന്ന് അ​റി​യാ​തെ വാ​ഹ​ന​ത്തി​ന​ടു​ത്ത്​ ഞ​ങ്ങ​ൾ ഏ​ക​ദേ​ശം ര​ണ്ടു മ​ണി​ക്കൂ​ർ ആ​ധി​യോ​ടെ​യും ഭ​യ​പ്പാ​ടോ​ടെ​യും നി​ന്നു. അ​പ്പോ​ൾ ദൂ​രെ നി​ന്നും ഒ​രു കാ​ർ വ​രു​ന്ന​ത് ക​ണ്ടു. എ​തി​ർ​ദി​ശ​യി​ൽ നി​ന്നും വ​ന്ന ആ ​കാ​ർ ഞ​ങ്ങ​ളു​ടെ വാ​ഹ​ന​ത്തി​ന​ട​ത്ത്​ വ​ന്നു​നി​ർ​ത്തി.

അ​തി​ൽ​നി​ന്നും ഇ​റ​ങ്ങി​വ​ന്ന സൗ​ദി പൗ​ര​ൻ ഞ​ങ്ങ​ളെ സ​ഹാ​യി​ക്കാ​ൻ ത​യാ​റാ​യി. എ​െൻറ കാ​റി​ൽ ക​രു​തി​യി​രു​ന്ന വാ​ഹ​നം കെ​ട്ടി​വ​ലി​ക്കാ​നു​ള്ള കേ​ബി​ൾ എ​ടു​ത്ത്​ അ​ദ്ദേ​ഹം ത​െൻറ കാ​റി​െൻറ പി​ന്നി​ൽ കെ​ട്ടി​യ​ശേ​ഷം ഞ​ങ്ങ​ളു​ടെ കാ​റു​മാ​യി ബ​ന്ധി​പ്പി​ച്ചു. കു​ഴി​യി​ൽ കി​ട​ന്ന ഞ​ങ്ങ​ളു​ടെ കാ​റി​നെ മു​ന്നോ​ട്ട് വ​ലി​ച്ചു​ക​യ​റ്റാ​ൻ ശ്ര​മി​ച്ചു.

എ​ന്നാ​ൽ അ​ത്​ റോ​ഡി​ലേ​ക്ക് ക​യ​റി​യി​ല്ല എ​ന്ന് മാ​ത്ര​മ​ല്ല അ​ദ്ദേ​ഹ​ത്തി​െൻറ കാ​ർ കൂ​ടി റോ​ഡി​െൻറ ചെ​രു​വി​ലേ​ക്ക് നി​ര​ങ്ങി ഇ​റ​ങ്ങി. പി​ന്നെ ആ ​കാ​റി​നെ റോ​ഡി​ലേ​ക്ക് ക​യ​റ്റാ​ൻ ഞ​ങ്ങ​ൾ ഏ​റെ പ​ണി​പ്പെ​ട്ടു.

ഒ​രു​വി​ധം ഞ​ങ്ങ​ൾ എ​ല്ലാ​വ​രും കൂ​ടി ത​ള്ളി ആ ​സൗ​ദി​യു​ടെ വാ​ഹ​നം റോ​ഡി​ലെ​ത്തി​ച്ചു. ത​െൻറ നി​സ്സ​ഹാ​യാ​വ​സ്ഥ അ​റി​യി​ച്ച്​ അ​ദ്ദേ​ഹം കാ​റോ​ടി​ച്ചു പോ​യി.ഫോ​ർ​വീ​ൽ ഡ്രൈ​വു​ള്ള ഒ​രു ക്ര​യി​ൻ വാ​ഹ​നം കൊ​ണ്ട് മാ​ത്ര​മേ ഞ​ങ്ങ​ളു​ടെ വാ​ഹ​നം റോ​ഡി​ലെ​ത്തി​ക്കാ​ൻ സാ​ധി​ക്കൂ എ​ന്ന് മ​ന​സ്സി​ലാ​യി.

മൂ​ന്ന്​ മ​ണി​ക്കൂ​റി​ല​ധി​കം ഞ​ങ്ങ​ൾ അ​വി​ടെ എ​ന്ത്​ ചെ​യ്യ​ണ​മെ​ന്ന​റി​യാ​തെ നി​ന്നു. അ​തി​നി​ടെ ആ​കെ മൂ​ന്നോ നാ​ലോ വാ​ഹ​ന​ങ്ങ​ളാ​ണ് അ​തു​വ​ഴി ക​ട​ന്നു​പോ​യ​ത്.സൂ​ര്യ​ൻ പ​ടി​ഞ്ഞാ​റ്​ ചു​വ​പ്പ് രാ​ശി പാ​കി അ​സ്​​ത​മി​ക്കാ​ൻ പോ​കു​ന്നു. ഇ​രു​ൾ പ​ര​ക്കാ​ൻ തു​ട​ങ്ങു​ന്നു. ചെ​റു​പ്പ​ക്കാ​രാ​യ ഞ​ങ്ങ​ൾ നാ​ല് പേ​രും ചെ​റി​യ ര​ണ്ടു​കു​ട്ടി​ക​ളും മാ​ത്രം... ഭ​യ​വും ക​ര​ച്ചി​ലു​മൊ​ക്കെ വ​ന്നു.

അ​പ്പോ​ൾ വ​ള​രെ ദൂ​രെ​നി​ന്നും ഒ​രു​വാ​ഹ​നം വ​രു​ന്ന​തി​െൻറ പ്ര​കാ​ശം ക​ണ്ടു. ഞാ​ൻ ഞ​ങ്ങ​ളു​ടെ വാ​ഹ​ന​ത്തി​ന്​ അ​ടു​ത്തു​നി​ന്നും റോ​ഡ​രി​കി​ലേ​ക്ക് ക​യ​റി​നി​ന്നു. ആ ​വാ​ഹ​നം അ​ടു​ത്തെ​ത്തി​യ​പ്പോ​ൾ മ​ന​സ്സി​ലാ​യി അ​ത്​ ക്രെ​യി​ൻ ഉ​ള്ള ഫോ​ർ​വീ​ൽ ഡ്രൈ​വ് ജി.​എം.​സി വാ​ഹ​നം ആ​ണെ​ന്ന്.

ആ ​വ​ണ്ടി റോ​ഡി​ൽ നി​ർ​ത്തി അ​തി​ൽ​നി​ന്നും യു​വാ​വ് ഇ​റ​ങ്ങി​വ​ന്നു. ത​െൻറ വ​ണ്ടി​യു​ടെ ഹെ​ഡ്‌​ലൈ​റ്റ് പ്ര​കാ​ശ​ത്തി​ൽ അ​ദ്ദേ​ഹം പ​രി​സ​രം വീ​ക്ഷി​ച്ചു. പി​ന്നെ സ്വ​ന്തം വ​ണ്ടി​യു​ടെ പി​റ​കു​വ​ശം ഞ​ങ്ങ​ളു​ടെ വ​ണ്ടി​യു​ടെ മു​ൻ​ഭാ​ഗ​ത്തി​ന്​ ഏ​ക​ദേ​ശം നേ​രെ​യാ​ക്കി നി​ർ​ത്തി. അ​യാ​ളു​ടെ വാ​ഹ​ന​ത്തി​ൽ സീ​റ്റി​ന​ടി​യി​ൽ ഉ​ണ്ടാ​യി​രു​ന്ന വ​ണ്ണ​മു​ള്ള കേ​ബി​ളി​െൻറ ഒ​ര​റ്റം എ​െൻറ വ​ണ്ടി​യു​ടെ ചെ​യ്‌​സി​ന് അ​ടി​യി​ലും മ​റു​ഭാ​ഗം അ​യാ​ളു​ടെ വാ​ഹ​ന​ത്തി​ന്​ പി​ൻ​വ​ശ​ത്തു​ള്ള ഹൂ​ക്കി​ലും ഘ​ടി​പ്പി​ച്ചു. ഞ​ങ്ങ​ളു​ടെ യാ​തൊ​രു​വി​ധ സ​ഹാ​യ​ത്തി​നും കാ​ത്തു​നി​ൽ​ക്കാ​തെ അ​തെ​ല്ലാം അ​യാ​ൾ സ്വ​യം ചെ​യ്​​തു.

ഈ ​സ​മ​യം ഞാ​ൻ കാ​റി​െൻറ ഡ്രൈ​വി​ങ് സീ​റ്റി​ൽ ക​യ​റി ഇ​രു​ന്നി​രു​ന്നു. അ​യാ​ൾ വാ​ഹ​നം മു​ന്നോ​ട്ട് വ​ലി​പ്പി​ച്ചു, ഞ​ങ്ങ​ളു​ടെ വ​ണ്ടി പൂ​ർ​ണ​മാ​യും റോ​ഡി​ലെ​ത്തി. ന​ന്ദി എ​ന്ന ഒ​രു വാ​ക്ക് കേ​ൾ​ക്കാ​ൻ പോ​ലും നി​ൽ​ക്കാ​തെ അ​തി​വേ​ഗ​ത്തി​ൽ ആ ​അ​ജ്ഞാ​ത​ൻ വാ​ഹ​നം ഓ​ടി​ച്ചു​പോ​യി. ഞ​ങ്ങ​ൾ അ​ത്ഭു​താ​ദ​ര​ങ്ങ​ളോ​ടെ ആ ​മ​നു​ഷ്യ​ൻ പോ​യ വ​ഴി​യേ നോ​ക്കി നി​ന്നു​പോ​യി.

വി​ജ​ന മ​രു​ഭൂ​മി​യി​ൽ, ആ ​രാ​ത്രി​യി​ൽ ഞ​ങ്ങ​ളെ ആ​പ​ത്തി​ൽ​നി​ന്ന്​ ര​ക്ഷി​ക്കാ​നെ​ത്തി​യ ആ ​മ​നു​ഷ്യ​ൻ ആ​രാ​ണെ​ന്ന്​ ഇ​ന്നും ഞ​ങ്ങ​ൾ​ക്ക​റി​യി​ല്ല. എ​ന്നാ​ൽ ഒ​ന്ന​റി​യാം, അ​യാ​ളാ​ണ്​ ഞ​ങ്ങ​ളു​ടെ ജീ​വി​ത​ത്തി​ലു​ണ്ടാ​യി​ട്ടു​ള്ള ഏ​റ്റ​വും വ​ലി​യ സു​ഹൃ​ത്ത്. കാ​ര​ണം, അ​യാ​ൾ അ​പ്പോ​ൾ വ​ന്ന്​ ര​ക്ഷി​ച്ചി​ല്ലാ​യി​രു​ന്നെ​ങ്കി​ൽ ഞ​ങ്ങ​ളു​ടെ അ​വ​സ്ഥ എ​ന്താ​കു​മാ​യി​രു​ന്നെ​ന്ന്​ അ​റി​യി​ല്ല. ഇ​ന്നും ആ ​സം​ഭ​വ​ത്തെ കു​റി​ച്ചോ​ർ​ക്കു​േ​മ്പാ​ൾ ഒ​രു ഞെ​ട്ട​ലാ​ണ്. അ​ജ്ഞാ​ത​നാ​യ സു​ഹൃ​ത്തേ, അ​ങ്ങ​യോ​ട്​ ക​ട​പ്പെ​ട്ടി​രി​ക്കു​ന്നു ഞ​ങ്ങ​ളു​ടെ ജീ​വി​തം.