ഹാഇൽ ഫ്രറ്റേണിറ്റി ഫെസ്റ്റ് 'വടംവലി' മത്സരം
text_fieldsവടംവലി മത്സരത്തിലെ ജേതാക്കളായ സിറ്റി സ്വീറ്റ്സ് ഹാഇലിന് ഇന്ത്യൻ സോഷ്യൽ ഫോറം പ്രസിഡന്റ് റഊഫ് ഇരിട്ടി ട്രോഫി
നൽകുന്നു
ഹാഇൽ: ഇന്ത്യ ഫ്രറ്റേണിറ്റി ഫോറം ഹാഇൽ കേരള ചാപ്റ്ററിന്റെ ആഭിമുഖ്യത്തിൽ നടക്കുന്ന 'ഫ്രറ്റേണിറ്റി ഫെസ്റ്റ് 2022' ന്റെ ഭാഗമായി വടംവലി മത്സരം നടത്തി. ബർസാൻ ദർബി സ്റ്റേഡിയത്തിൽ നടന്ന മത്സരത്തിൽ സിറ്റി സ്വീറ്റ്സ് ഹാഇൽ ഒന്നാം സമ്മാനം നേടി.
ദല്ല ഹാഇൽ രണ്ടാം സ്ഥാനവും പെനാൽറ്റി ഷൂട്ടൗട്ട് മത്സരത്തിൽ ന്യൂ സ്റ്റാർ ഹാഇൽ ഒന്നാം സ്ഥാനവും ബ്ലൂസ്റ്റാർ രണ്ടാം സ്ഥാനവും നേടി. ഫ്രറ്റേണിറ്റി ഫോറം ഹാഇൽ പ്രസിഡൻറ് ഷമീം ശിവപുരം ചടങ്ങ് ഉദ്ഘാടനം ചെയ്തു. വടംവലി മത്സരത്തിൽ ഒന്നാം സ്ഥാനം നേടിയ ടീമിന് നിഹാസ് കല്ലമ്പലം സമ്മാനം വിതരണം ചെയ്തു.
മത്സരത്തിൽ വിജയികളായവർക്കുള്ള ട്രോഫി ഇന്ത്യൻ സോഷ്യൽ ഫോറം ഹാഇൽ പ്രസിഡന്റ് റഊഫ് ഇരിട്ടി വിതരണം ചെയ്തു. പ്രോഗ്രാം കൺവീനർ ഷാൻ പാങ്ങോട്, മൊയ്നുദ്ദീൻ എന്നിവർ ചടങ്ങിൽ സംസാരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.