ബിൻസി സാമുവലിന് ഹാഇൽ നവോദയ യാത്രയയപ്പ് നൽകി
text_fieldsബിൻസി സാമുവലിന് ഹാഇൽ നവോദയ സാംസ്കാരികവേദി യാത്രയയപ്പ് നൽകിയപ്പോൾ
ഹാഇൽ: പ്രവാസം അവസാനിപ്പിക്കുന്ന നവോദയ സാംസ്കാരിക വേദി വനിതവേദി കൺവീനറും സെൻട്രൽ കമ്മിറ്റിയംഗവുമായ ബിൻസി സാമുവലിന് യാത്രയയപ്പ് നൽകി. ജീവകാരുണ്യ രംഗത്ത് സജീവമായിരുന്ന ബിൻസി 22 വർഷമായി ഹാഇലിൽ നഴ്സായി സേവനം അനുഷ്ഠിക്കുകയായിരുന്നു.
നവോദയ മുഖ്യ രക്ഷാധികാരി സുനിൽ മാട്ടൂൽ യാത്രയയപ്പ് ചടങ്ങ് ഉദ്ഘാടനം ചെയ്തു. വൈസ് പ്രസിഡൻറ് രാജേഷ് തലശ്ശേരി അധ്യക്ഷത വഹിച്ചു. ജീവകാരുണ്യ പ്രവർത്തകൻ ചാൻസ അബ്ദുറഹ്മാൻ, നവോദയ കേന്ദ്രകമ്മിറ്റി അംഗങ്ങളായ ജസീൽ കുന്നക്കാവ്, സോമരാജ് ഏലംകുളം, മുസ്തഫ മുക്കം, ഫൈസൽ കാവുംപടി, മൻസൂർ ചെറുവഞ്ചേരി, അരുൺകുമാർ, ഗഫാർ, യൂനിറ്റ് സെക്രട്ടറി സന്തോഷ് കുമാർ, സിറ്റി യൂനിറ്റ് പ്രസിഡൻറ് മൊയ്നു വല്ലപ്പുഴ, സിറ്റി ഏരിയകമ്മിറ്റിയംഗം സത്താർ പുന്നാട്, സ്മിത എന്നിവർ സംസാരിച്ചു.
രക്ഷാധികാരി സുനിൽ മാട്ടൂൽ നവോദയയുടെ ഉപഹാരം ബിൻസി സാമുവലിന് നൽകി. പ്രശാന്ത് കൂത്തുപറമ്പ് സ്വാഗതവും സെക്രട്ടറി ഹർഷാദ് കോഴിക്കോട് നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.