അസീസിയ-ഹറം ബസ്​ സർവീസ്​ ഒാഗസ്​റ്റ്​  15 മുതൽ നിർത്തിവെക്കും

മക്ക: ഇന്ത്യൻ ഹാജിമാർക്ക്​ അസീസിയയിൽ നിന്ന്​ ഹറമിലെത്താനുള്ള ‘അസീസിയ ട്രാൻസ്​പോർ​േട്ടഷൻ‘ ബസ്​ സർവീസ്​ ബുധനാഴ്​ച രാത്രിയോടെ നിർത്തിവെക്കും. ഇനി ഹജ്ജ്​ കഴിഞ്ഞ്​ ഒാഗസ്​റ്റ്​ 26 മുതലേ അസീസിയ-ഹറം ബസ്​ സർവീസ്​ ഉണ്ടാവൂ എന്ന്​ ഇന്ത്യൻ ഹജ്ജ്​ മിഷൻ അറിയിച്ചു. 

മക്കയിൽ തിരക്കേറിയ സാഹചര്യത്തിൽ സൗദി അധികൃതരുടെ നിർദേശപ്രകാരമാണ്​ ബസ്​ സർവീസ്​ നിർത്തിവെക്കുന്നത്​. അവസാന സംഘത്തിൽ വരുന്ന ഇന്ത്യൻ ഹാജിമാർക്ക്​  ഹറമിൽ പോയി ഉംറ നിർവഹിക്കുന്നതിന്​ ഹജ്ജ്​ മിഷൻ പ്ര​േത്യകസൗകര്യം ഒരുക്കും. 15 ലക്ഷത്തിലധികം വിദേശ ഹാജിമാർ മക്കയിൽ എത്തിക്കഴിഞ്ഞു. 

ഇതോടെ മക്ക നഗരം തിരക്കിലമർന്നിരിക്കയാണ്​. മലയാളികൾ ഉൾപെടെ 1,1000 പേരാണ്​ അസീസിയയിൽ താമസിക്കുന്നത്​. 200 പേർക്ക്​ ഒരു ബസ്​ എന്ന നിലയിലാണ്​ ഇവിടെ സർവീസ്​ നടത്തിയിരുന്നത്​. ഹറമിലേക്ക്​ നിരന്തരം വരാതെ ഹാജിമാർ ഇനി റൂമിൽ കഴിയണമെന്നാണ്​ നിർദേശം.