ഹാജിമാരുടെ യാത്ര സുഖകരമാക്കി മികച്ച ബസുകൾ

മക്ക: ഹാജമാരുടെ യാത്ര സുഖകരമാക്കാൻ ഇത്തവണ നിരത്തിലിറക്കിയത്​ മികച്ച ബസുകൾ.  പുണ്യനഗരങ്ങളിലേക്കും മക്കയിൽ അസീസിയയില്‍ നിന്ന്​ ഹമിലേക്കും ഉള്ള യാത്രകൾക്കായി ആധുനിക സൗകര്യങ്ങളോട്​ കൂടിയ ബസുകൾ സജ്ജീകരിച്ചത്​. ഇന്ത്യന്‍ ഹജ്ജ് മിഷനും ഹജ്ജ് ഏജന്‍സി (മുതവിഫ്) കളുമാണ് ഇതിന്​ ചുക്കാൻ പിടിക്കുന്നത്​. ആറും ഏഴും മണിക്കൂർ യാത്ര ചെയ്യേണ്ടുന്ന മക്ക-മദീന റൂട്ടിലാണ് ഹാജി മാര്‍ക്ക് ഈ ബസുകളുടെ സേവനം ഏറെ ആശ്വാസമാകുന്നത്​.

മുന്‍ വര്‍ഷങ്ങളില്‍ ബസുകളുടെ പഴക്കവും നിലവാര കുറവും ഹാജിമാരെ ബുദ്ധിമുട്ടിച്ചിരുന്നു. ബസുകൾ വഴിയില്‍ കേടായി കിടക്കുന്നതും എ.സി തകരാറിലാവുന്നതും പതിവായിരുന്നു. ഇത്തരം തലവേദനകളാണ്​ ഇൗ വർഷം ഒഴിവായത്​. റാബിത്ത, ഖാഇദ കമ്പനികളുടെ കിങ്​ ലോങ്ങ്‌ ബസ്സുകള്‍ ആണ് പ്രധാനമായും ഉപയോഗിക്കുന്നത്​. എല്ലാബസുകളും 2016-17 മോഡലാണ്​.