ഹ​ജ്ജി​ന് പ​രി​സ​മാ​പ്തി; ഹാ​ജി​മാർ ഇ​ന്ന് മി​ന​യോ​ട്​ വിടപറയും

മ​ക്ക: അ​വ​സാ​ന​ത്തെ ക​ല്ലേ​റും പൂ​ർ​ത്തി​യാ​ക്കി ഈ ​വ​ർ​ഷ​ത്തെ ഹ​ജ്ജി​ന്​ ബു​ധ​നാ​ഴ്​​ച പ​രി​സ​മാ​പ്തി​യാ​കും. ഹ​ജ്ജി​ലെ സു​പ്ര​ധാ​ന ക​ർ​മ​ങ്ങ​ൾ തീ​ർ​ന്ന​തോ​ടെ ചൊ​വ്വാ​ഴ്ച വൈ​കു​ന്നേ​ര​ത്തോ​ടെ ഹാ​ജി​മാ​ർ മി​ന​യി​ൽ​നി​ന്നും മ​ട​ങ്ങി​യി​രു​ന്നു. അ​വ​ശേ​ഷി​ക്കു​ന്ന ഹാ​ജി​മാ​രാ​ണ് ബു​ധ​നാ​ഴ്​​ച കൂ​ടി ജം​റ സ്തൂ​പ​ങ്ങ​ളി​ൽ ക​ല്ലേ​റ് പൂ​ർ​ത്തി​യാ​ക്കി മി​ന താ​ഴ്വാ​രം വി​ടു​ക.

ഹ​ജ്ജ് അ​തി​​ന്റെ സം​ശു​ദ്ധി​യോ​ടെ നി​ർ​വ​ഹി​ക്കു​ന്ന​തി​ലൂ​ടെ അ​പ്പോ​ൾ പി​റ​ന്ന കു​ഞ്ഞി​​ന്റെ പ​രു​ശു​ദ്ധി​യോ​ടെ​യാ​ണ് ഹാ​ജി​മാ​ർ മി​ന​യോ​ടു യാ​ത്ര​പ​റ​യു​ക. ഫ​ല​സ്തീ​ൻ എ​ന്ന നീ​റു​ന്ന പ്ര​ശ്ന​ത്തി​ൽ ത​ന്നെ​യാ​യി​രു​ന്നു ഹ​ജ്ജി​ൽ ഏ​വ​രു​ടെ​യും മാ​ന​മു​രു​കി​യു​ള്ള പ്രാ​ർ​ഥ​ന. ലോ​ക​ത്തി​ലെ വി​വി​ധ ദി​ക്കി​ൽ​നി​ന്നു​വ​ന്ന വി​ശ്വാ​സി ല​ക്ഷ​ങ്ങ​ൾ ദേ​ശ വ​ർ​ണ ഭാ​ഷ അ​തി​ർ​വ​ര​മ്പു​ക​ളി​ല്ലാ​തെ, വി​ശു​ദ്ധ ഭൂ​മി​യി​ൽ തീ​ർ​ത്ത സ്നേ​ഹ​ത്തി​ന്റെ​യും സാ​ഹോ​ദ​ര്യ​ത്തി​​ന്റെ​യും മ​നോ​ഹ​ര മു​ഹൂ​ർ​ത്ത​ങ്ങ​ളാ​ണ്​ ഹ​ജ്ജി​നെ വി​ശ്വ മാ​ന​വ​സം​ഗ​മ​മാ​ക്കി മാ​റ്റു​ന്ന​ത്. ഇ​ത്​ ലോ​ക​ത്തി​ന്​ മാ​തൃ​ക​യാ​ണ്. ഏ​ക മാ​ന​വി​ക​ത​യു​ടെ​യും സ​ഹോ​ദ​ര്യ​ത്തി​​ന്റെ​യും സ്നേ​ഹ​ത്തി​ന്റെ​യും സ​ന്ദേ​ശം ത​ങ്ങ​ളു​ടെ നാ​ടു​ക​ളി​ൽ എ​ത്തി​ക്കു​മെ​ന്നും അ​വി​ടെ അ​തി​ന്റെ പ്ര​ചാ​ര​ക​രാ​കു​മെ​ന്നും പ്ര​തി​ജ്ഞ​യെ​ടു​ത്താ​ണ്​ ഓ​രോ ഹാ​ജി​യും മ​ക്ക വി​ടു​ക. രാ​ജ്യ​ത്തി​​ന്റെ മു​ഴു​വ​ൻ വി​ഭ​വ സ്രോ​ത​സ്സു​ക​ളും ഉ​പ​യോ​ഗി​ച്ചാ​ണ് സൗ​ദി ഭ​ര​ണ​കൂ​ടം അ​ല്ലാ​ഹു​വി​​ന്റെ അ​തി​ഥി​ക​ളെ സേ​വി​ച്ച​ത്.

മു​ഴു​വ​ൻ സു​ര​ക്ഷ വി​ഭാ​ഗ​ങ്ങ​ളി​ലെ​യും സു​ര​ക്ഷ ഉ​ദ്യോ​ഗ​സ്ഥ​ർ ഹ​ജ്ജി​​ന്റെ മു​ഴു​ദി​ന​വും സ്വ​യം കോ​ട്ട​ക​ളാ​യി അ​ല്ലാ​ഹു​വി​​ന്റെ അ​തി​ഥി​ക​ൾ​ക്ക് കാ​വ​ലാ​യി. മു​ൻ വ​ർ​ഷ​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി ഒ​രു ല​ക്ഷ​ത്തി​ല​ധി​കം സൈ​നി​ക, അ​ർ​ധ സൈ​നി​ക വി​ഭാ​ഗ​ങ്ങ​ൾ ഹ​ജ്ജി​​ന്റെ ഭാ​ഗ​മാ​യി. ശ​ക്ത​മാ​യ ചൂ​ട് ഒ​ഴി​ച്ചാ​ൽ ഇ​ത്ത​വ​ണ ഹ​ജ്ജ് ഏ​റെ ആ​യാ​സ​രഹിത​മാ​യി​രു​ന്നു. എ​ല്ലാ​ത്തി​നും നേ​തൃ​ത്വം ന​ൽ​കാ​ൻ സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ മു​ഴു​സ​മ​യ​വും ഹ​ജ്ജി​ൽ പ​ങ്കു​കൊ​ണ്ടു. വി​ശു​ദ്ധ ഭൂ​മി​യി​ൽ അ​ല്ലാ​ഹു​വി​​ന്റെ അ​തി​ഥി​ക​ൾ​ക്ക് സൗ​ദി​ഭ​ര​ണ​കൂ​ടം ന​ൽ​കു​ന്ന സേ​വ​ന​ങ്ങ​ൾ ഹാ​ജി​മാ​ർ സ്നേ​ഹ​ത്തോ​ടെ ഓ​ർ​ക്കു​ന്നു​ണ്ട്. ഹ​ജ്ജ് ക​ർ​മ​ങ്ങ​ൾ​ക്ക് വി​രാ​മ​മാ​യ​തോ​ടെ തീ​ർ​ഥാ​ട​ക​ര്‍ വി​ട​വാ​ങ്ങ​ൽ ത്വ​വാ​ഫ് പൂ​ർ​ത്തി​യാ​ക്കി വി​ശു​ദ്ധ മ​ക്ക​യോ​ട് വി​ട പ​റ​ഞ്ഞു​തു​ട​ങ്ങി. മ​ദീ​ന സ​ന്ദ​ർ​ശ​നം ന​ട​ത്താ​ത്ത​വ​ർ അ​ത് കൂ​ടി പൂ​ർ​ത്തി​യാ​ക്കി​യാ​വും മ​ട​ങ്ങു​ക.