സ്വർണാഭരണങ്ങളും പണവുമടങ്ങിയ ബാഗ്​  തിരികെ നൽകി  ഇൗജിപ്​ഷ്യൻ ഹാജി

മക്ക: ഹജ്ജിനിടയിൽ വീണുകിട്ടിയ  വിലപിടിപ്പുള്ള വസ്​തുക്കൾ അടങ്ങിയ ബാഗ്​ ഇൗജിപ്​തുകാരനായ തീർഥാടകൻ അധികൃതർക്ക്​ നൽകി. കിങ്​ സൽമാൻ ഹജ്ജ്​ പ്രോഗ്രാമിന്​ കീഴിൽ എത്തിയ ലുത്​ഫി മുഹമ്മദ്​ അബ്​ദുൽ കരീമാണ്​ തിരക്കിനിടയിലും ബുദ്ധിമുട്ടി ബാഗ്​ അധികൃതരെ ഏൽപ്പിച്ചത്​. ജംറകളിൽ എറിയേണ്ട ചെറുകല്ലുകൾ പെറുക്കി നടക്കുകയായിരുന്നു ലുത്​ഫി.അതിനിടയിലാണ്​ ഉപേക്ഷിക്കപ്പെട്ട നിലയിൽ ഒരുബാഗ്​ നിലത്ത്​ കണ്ടത്​. സ്വർണാഭരണങ്ങളും പണവും മറ്റ്​ രേഖകളും ഉൾപ്പെ​െട വിലപിടിപ്പിള്ള വസ്​തുക്കളാണ്​ അതിനുള്ളിൽ ഉണ്ടായിരുന്നത്​. ആരുടെ ബാഗാണെന്ന്​ ചുറ്റും നടന്ന്​ ചോദിച്ചെങ്കിലും ഉടമയെ കണ്ടെത്താനായില്ല. ബാഗിലുണ്ടായിരുന്ന തിരിച്ചറിയൽ കാർഡിൽ നിന്ന്​ നൈജീരിയക്കാരിയുടേതാണെന്ന്​ മനസിലായി. ഏറെ നേരം തിരഞ്ഞിട്ടും ഉടമയെ കണ്ടെത്താൻ കഴിയാതായതോടെ കിങ്​ സൽമാൻ ഹജ്ജ്​, ഉംറ പ്രോഗ്രാം അധികൃതരെ അദ്ദേഹം ബാഗ്​ ഏൽപ്പിക്കുകയായിരുന്നു. 

ഇൗജിപ്​തിലെ ഒരു പൊലീസുകാര​​െൻറ പിതാവാണ്​ ലുത്​ഫി മുഹമ്മദ്​ അബ്​ദുൽ കരീമെന്ന്​ കിങ്​ സൽമാൻ ഹജ്ജ്​, ഉംറ പ്രോഗ്രാമി​​െൻറ ശരീഅത്ത്​ സമിതി അംഗം അഹമദ്​ ജൈലാൻ പറഞ്ഞു. രാജ്യസേവനത്തിനിടയിൽ മകൻ രക്​തസാക്ഷിത്വം വരിച്ചിരുന്നു. അതി​​െൻറ അടിസ്​ഥാനത്തിലാണ്​ ലുത്​ഫിക്ക്​ സൽമാൻ രാജാവി​​െൻറ അതിഥിയായി ഹജ്ജിനെത്താൻ അനുമതി ലഭിച്ചത്​. ബാഗും രേഖകളും ഉടമയെ കണ്ടെത്തി കൈമാറുമെന്നും അഹമദ്​ ജൈലാൻ കൂട്ടിച്ചേർത്തു.