ഇൗ വർഷത്തെ ഹജ്ജ്​ പദ്ധതിക്ക്​ തുടക്കമായി

ജിദ്ദ: ഇരുഹറം കാര്യാലയത്തിന്​ കീഴിൽ ഇൗ വർഷത്തെ ഹജ്ജ്​ പദ്ധതിക്ക്​ തുടക്കമായി. രണ്ടുമാസം നീണ്ടുനിൽക്കുന്ന പദ്ധതി ദുൽഹജ്ജ്​ അവസാനം വരെ തുടരും. തീർഥാടകർക്ക്​ ആയാസരഹിതമായും സമാധാനത്തോടെയും കർമങ്ങൾ നിർവഹിക്കാൻ അവസരമൊരുക്കുകയാണ്​ പ്രധാന ലക്ഷ്യമെന്ന്​ ഇരുഹറം കാര്യാലയ മേധാവി ശൈഖ്​ അബ്​ദുറഹ്​മാൻ അൽ സുദൈസ്​ പറഞ്ഞു. പ്രമുഖ പണ്ഡിതരും അധ്യാപകരും പ​െങ്കടുക്കുന്ന സെമിനാറുകൾ, ഖുർആൻ, ലഘുലേഖകൾ എന്നിവയുടെ വിതരണം, വെള്ളിയാഴ്​ചകളിലെ ഖുതുബ പ്രഭാഷണത്തി​​െൻറ തർജമ, മദീന മസ്​ജിദുന്നബവിയിലെ പ്രത്യേക സന്ദർശനങ്ങൾ എന്നിവയും നടപ്പാക്കും. 

ഹജ്ജ്​ തീർഥാടന കാലത്ത്​​ മക്ക ഹറമിൽ 210 കവാടങ്ങളും മദീന മസ്​ജിദുന്നബവിയിൽ നൂറു കവാടങ്ങളും തുറന്നിടും. മസ്​ജിദുൽ ഹറാമിൽ 28 എസ്​കലേറ്ററുകൾ തയാറായി കഴിഞ്ഞു. മദീനയിൽ നാലും. പ്രത്യേക കരുതൽ വേണ്ടവർക്കായി 38 കവാടങ്ങളാണ്​ മക്കയിൽ ഉള്ളത്​. വനിതകൾക്ക്​ ഏഴും. 25,000 സംസം വെള്ളത്തി​​െൻറ കണ്ടെയ്​നറുകളാണ്​ മസ്​ജിദുൽ ഹറാമിൽ. മദീനയിൽ 23,000 വും. 10 ഭാഷകളിലേക്കാണ്​ പ്രഭാഷണങ്ങൾ തത്സമയം പരിഭാഷപ്പെടുത്തുന്നത്​. ബധിരർക്കായി ആംഗ്യഭാഷയിലും ഉണ്ടാകും. വൃദ്ധർക്കും അംഗപരിമിതർക്കുമായി ആവശ്യമായ ഗോൾഫ്​ കാർട്ടുകൾ സജ്ജമാക്കിയിട്ടുണ്ട്​. 

മത്വാഫിലും മുകൾ നിലകളിലുമായി ഒരുമണിക്കൂർ 1,07,000 പേർക്ക്​ ത്വവാഫ്​ ചെയ്യാനാകും. ബേസ്​മ​െൻറിലെയും ഗ്രൗണ്ട്​ ഫ്ലോറിലേയും ശീതീകരണ സംവിധാനങ്ങൾ പൂർത്തിയായി കഴിഞ്ഞു. ഇരുഹറമുകളിലുമായി ആയിരക്കണക്കിന്​ പുതിയ ഫാനുകൾ ഘടിപ്പിച്ചിട്ടുണ്ട്​. രണ്ടിടത്തുമായി 8,441 ടോയ്​ലെറ്റുകളും 6,000 അംഗശുദ്ധി വരുത്തുന്നതിനുള്ള യൂനിറ്റുകളുമുണ്ട്​. തീർഥാടനത്തിന്​ എത്തുന്ന വിശ്വാസികൾക്കായി സൗദി അറേബ്യ ഒരുക്കുന്ന സംവിധാനങ്ങൾ വിശദീകരിക്കുന്ന നിരവധി ടി.വി, റേഡിയോ പരിപാടികളും തയാറായി. ലോകത്തി​​െൻറ സകല കോണുകളിലുമുള്ള വിശ്വാസികളെ തീർഥാടനത്തിനായി സ്വാഗതം ചെയ്യുകയാണെന്ന്​ അൽസുദൈസ്​ പറഞ്ഞു. അവർക്ക്​ ഏറ്റവും മികച്ച സേവനം നൽകാൻ രാഷ്​ട്രം ബദ്ധശ്രദ്ധരാണെന്നും അദ്ദേഹം കൂട്ടിച്ചേർത്തു.