ഹജ്ജ്, ഉംറ പുതിയ ഫീസ്​ പ്രവാസികളെ ബാധിക്കും

ജിദ്ദ: സൗദി ഹജ്ജ് മന്ത്രാലയത്തി​​െൻറ നിർദ്ദേശ പ്രകാരം ഇന്ത്യയിലെ കേന്ദ്ര ഹജ്ജ് കമ്മിറ്റി കഴിഞ്ഞദിവസം പുറത്തിറക്കിയ സർക്കുലർ പ്രവാസികളെ ബാധിക്കുമെന്ന്​ ആശങ്ക. മുൻപ്​ ഹജ്ജ്​, ഉംറ നിർവഹിച്ചവർ ഇൗ വർഷം മുതൽ വീണ്ടും ഹജ്ജിന്​ പോകുകയാണെങ്കിൽ അധികഫീസായി 2000 റിയാൽ നൽകണമെന്നാണ്​ സർക്കുലർ. ഇപ്പോൾ നാട്ടിലുള്ള ജിദ്ദയിലേയും പരിസര പ്രദേശങ്ങളിലേയും  പ്രവാസികളുടെ കുടുംബങ്ങളിൽ അധികവും മുൻ കാലങ്ങളിൽ ഹ​േജ്ജാ ഉംറയോ നിർവഹിച്ചവരാണ്. 

കേരളത്തിൽ ഏപ്രിൽ, മെയ് മാസങ്ങളിൽ സ്​കൂളുകൾ മധ്യവേനലവധിക്ക് അടക്കുന്നതോടെ നാട്ടിലെ മിക്ക പ്രവാസി കുടുംബങ്ങളും ഒരു മാസത്തെ ഉംറ വിസയിൽ എത്തുന്നത് എല്ലാ വർഷവും പതിവുള്ള കാര്യമാണ്.  ഉംറ വിസ ഫീസ്​, വിമാന ടിക്കറ്റ് അടക്കം ഇതിന് 30,000 രൂപ മുതൽ 40,000 രൂപ വരേ നാട്ടിലുള്ള ട്രാവൽ ഏജൻസികൾ ഈ സേവനത്തിന് ഫീ ഈടാക്കിയിരുന്നു. ഇങ്ങനെ വരുന്നവർക്ക് മക്കയിലോ മദീനയിലോ താമസ സൗകര്യമോ ഭക്ഷണമോ ലഭിക്കില്ല.   

സൗദി അറേബ്യയിലെ പ്രവാസികൾ കുടുംബതെത മൂന്നുമാസത്തെ വിസിറ്റിങ്​ വിസക്ക് കൊണ്ടുവരികകയാണെങ്കിലും ഓരോ അംഗത്തിനും 2000 റിയാൽ ഫീസ്​ നൽകേണ്ടതുണ്ട്​. ഈ വലിയ തുകയും വിസ ലഭിക്കാനുള്ള പ്രയാസവും കാരണം പല പ്രവാസികളും ഉംറ വിസയെ ആശ്രയിച്ചാണ്​ കുടുംബത്തെ കൊണ്ടുവന്നിരുന്നത്. ഹജ്ജ്, ഉംറ നേരത്തെ നിർവഹിച്ചവർക്ക്​ വരുന്ന അധിക ഫീസ്​ ഇത്തരം പ്രവാസികളെയാണ്​ ബാധിക്കുക.