സമ്പൂർണ വിവരങ്ങളുമായി ആഭ്യന്തര ഹജ്ജിനുള്ള  ഇ ട്രാക്ക്​ തുറന്നു

ജിദ്ദ: ആഭ്യന്തര ഹജ്ജ്​ സ്​ഥാപനങ്ങൾക്കുള്ള ഇ ട്രാക്ക്​ സംവിധാനം ഹജ്ജ്​ മന്ത്രാലയം തുറന്നു. ഇൗ വർഷം ഹജ്ജ്​ ചെയ്യാൻ ആഗ്രഹിക്കുന്ന സ്വദേശികളും വിദേശികളുമായവർക്ക്​ ഹജ്ജ്​ പദ്ധതികളും കാറ്റഗറികളും തുകയും സംബന്ധിച്ച വിവരങ്ങൾ ലഭ്യമാക്കുന്നതിനാണിത്​. പതിവിലും നേര​ത്തെയാണ്​ ഇ ട്രാക്ക്​ തുറന്നിരിക്കുന്നത്​.  

localhaj.haj.gov.sa എന്ന വെബ്​സൈറ്റിൽ പ്രവേശിച്ചാൽ ഹജ്ജ്​ പദ്ധതികൾ അറിയാനും കാറ്റഗറി തെരഞ്ഞെടുക്കാനും സാധിക്കും. സീറ്റ്​ ബുക്കിങ്​ ഉറപ്പിക്കലും പണം അടക്കലും ദുൽഖഅദ്​ ഒന്നു മുതൽ ദുൽഹജ്ജ്​ ഏഴ്​ വരെയാണ്​. ഇതിനായി വീണ്ടും ഇ ട്രാക്കിൽ പ്രവേശിക്കേണ്ടതുണ്ട്​. ബുക്കിങ്​ നടപടികളും ഹജ്ജ്​ മന്ത്രാലയം ആവശ്യപ്പെട്ട കാര്യങ്ങളും പൂർത്തിയായാൽ ഇ ട്രാക്ക്​ വഴിയാണ്​ പണം അടക്കേണ്ടതെന്ന്​ ഹജ്ജ്​ മന്ത്രാലയം പ്രത്യേകം അറിയിച്ചിട്ടുണ്ട്​. ഒരോ പദ്ധതിക്കും നിശ്ചയിച്ച കാശിനു പുറമെ കൂടുതൽ കാശ്​ അടക്കരുതെന്നും വ്യക്​തമാക്കുന്നു​. ജനറൽ ഹജ്ജ്​, ചെലവ്​ കുറവ്​ കുറഞ്ഞ ഹജ്ജ്​, ലളിതമായ ഹജ്ജ്​ (ഹജ്ജ്​ മുഅയ്​സർ) എന്നിങ്ങനെ മൂന്ന്​ ഹജ്ജ്​ പദ്ധതികളാണുള്ളത്​. ഒരോ പദ്ധതിക്ക്​ കീഴിലും വ്യത്യസ്​ഥ ചാർജിലുള്ള കാറ്റഗറികളുണ്ട്​. 

ഇൗ വർഷം ആഭ്യന്തര ഹജ്ജ്​ സേവന സ്​ഥാപനങ്ങളുടെ എണ്ണം 193 വരെയെത്തുമെന്ന്​ ആഭ്യന്തര ഹജ്ജ്​ കോ ഒാഡിനേഷൻ കൗൺസിൽ വ്യക്​തമാക്കി. മൊത്തം സീറ്റുകൾ ഏകദേശം 2,33,076 ആണ്​.  ടവർ കാറ്റഗറിയിൽ 12052 സീറ്റും ജനറൽ കാറ്റഗറിയിൽ 184341 ഉം ചെലവ്​ കുറഞ്ഞ ഹജ്ജ്​ പദ്ധതിക്ക്​ കീഴിൽ 26,458 ഉം ലളിത ഹജ്ജ്​ പദ്ധതി (മുഅയ്​സർ)  10000 സീറ്റുമാണുണ്ടാകുക. ഇ ട്രാക്ക്​ തുറന്ന്​ 12 മണിക്കൂറിനുള്ളിൽ സ്വദേശികളും വിദേശികളുമായവരുടെ 1,70,000 ലധികം അപേക്ഷ വിവരങ്ങൾ റജിസ്​റ്റർ ചെയ്​തതായി റിപ്പോർട്ടുണ്ട്​. രജിസ്​ട്രേഷൻ സമയ പരിധി ശവ്വാൽ അവസാനം വരെയാണ്​​. 

അതേ സമയം, അറഫയിൽ ഹാജിമാരുടെ തമ്പുകളിൽ അവശിഷ്​ടങ്ങൾക്ക്​ പ്രത്യേക സ്​ഥലം വേണമെന്ന്​​ ഹജ്ജ്​ മന്ത്രാലയം നിർബന്ധമാക്കി. ഒരോ ഹജ്ജ്​ സേവന സ്​ഥാപനങ്ങളും 4x8 അളവിൽ അവശിഷ്​ടങ്ങൾക്ക്​ സ്​ഥലമൊരുക്കിയിരിക്കണം. തമ്പുകൾക്ക്​ പുറത്ത്​ അവശിഷ്​ടങ്ങൾ നിക്ഷേപിച്ചാലുണ്ടാകുന്ന പരിസ്​ഥിതി മലിനീകരണവും ആരോഗ്യപ്രശ്​നങ്ങളും തടയുന്നതി​​​െൻറ ഭാഗമായാണിത്​.