മക്കയിൽ ഇന്ത്യൻ ഹജ്ജ്​ മിഷൻ പൂർണസജ്ജം; ഇതുവരെ എത്തിയത്​ 82,000 ഹാജിമാർ

മക്ക: ഇന്ത്യൻ ഹജ്ജ്​ മിഷൻ മക്കയിൽ പൂർണസജ്ജം. കോൺസൽ ജനറൽ മുഹമ്മദ്​ നൂർ റഹ്​മാൻ ശൈഖ്​, ഹജ്ജ്​ കോൺസൽ മുഹമ്മദ്​ ശാഹിദ്​ ആലം, മക്ക ഇൻ ചാർജ്​ ആസിഫ്​ സെയ്​ദ്​ എന്നിവരുടെ നേതൃത്വത്തിൽ ഇന്ത്യൻ സംഘം 24 മണിക്കൂറും സജീവമാണ്​. ഞായാറഴ്​ച വരെ 82,000 ഇന്ത്യൻ ഹാജിമാർ സൗദിയിലെത്തിയതായി കോൺസൽ ജനറൽ നൂർ റഹ്​മാൻ ശൈഖ്​ മക്കയിൽ മാധ്യമപ്രവർത്തകരോട്​ പറഞ്ഞു. മദീനയിൽ ഇറങ്ങിയ ഹാജിമാർ മക്കയിലേക്ക്​ വന്നുകൊണ്ടിരിക്കുകയാണ്​. ജൂലൈ 29 മുതൽ ജിദ്ദയിലാണ്​ ഇന്ത്യൻ വിമാനങ്ങൾ എത്തുന്നത്​. ഹാജിമാർക്ക്​ വേണ്ട സർവസഹായങ്ങളും ഒരുക്കിയിട്ടുണ്ട്​. അസീസിയ ഗതാഗത സംവിധാനത്തിനായി 400 ഒാളം പുതിയ ബസുകളാണ്​ ഉള്ളത്​. മദീന യാത്രക്കും തിരിച്ചും മുൻവർഷങ്ങളേക്കാൾ മികച്ച ബസുകൾ ഉപയോഗിക്കുന്നു. ആശുപത്രികളും ക്ലിനിക്കുകളും പൂർണതോതിൽ പ്രവർത്തിച്ചുതുടങ്ങിയിട്ടുണ്ട്​. അസീസിയയിലെ പ്രധാന ആശുപത്രിയിൽ എല്ലാ സംവിധാനങ്ങളും ഉണ്ട്​. ഇവിടെ 16 ഡോക്​ടർമാരും 25 പാരാമെഡിക്കൽ സ്​റ്റാഫും പ്രവർത്തിക്കുന്നു. കൂടുതൽ പരിചരണവും ചികിത്സയും ആവശ്യമുള്ളവരെ സൗദി ആശുപത്രികളിലേക്ക്​ മാറ്റുകയാണ്​. ഇതുവരെയായി അരലക്ഷത്തോളം ഒൗട്ട്​പേഷ്യൻറ്​ കേസുകൾ കൈകാര്യം ചെയ്​തുകഴിഞ്ഞു. 14 പേർ മരിച്ചു. 

ഇതിൽ രണ്ടുവാഹനാപകടങ്ങളുണ്ട്​. അവയുമായി ബന്ധപ്പെട്ട കാര്യങ്ങൾ സൗദി അധികൃതരുടെ പരിഗണനയിലാണ്​. വനിതകൾക്കായി പ്രത്യേകസംഘമാണ്​ ഇത്തവണ വന്നിട്ടുള്ളത്​. മോയിന ബേനസീറി​​​െൻറ നേതൃത്വത്തിൽ 12 വനിത ഒാഫീസർമാർ എത്തിയിട്ടുണ്ട്​. ഇവരിൽ മലയാളികളുമുണ്ട്​. ചരിത്രത്തിലാദ്യമായാണ്​ വനിതകൾ ഹാജിമാരുടെ സേവനത്തിനായി വന്നത്​. മഹ്​റം ഇല്ലാതെ എത്തിയ 1,300 ഒാളം വനിതകൾക്കും മറ്റ്​ വനിതകൾക്കും ഇവരുടെ സേവനം ലഭിക്കും. മഹ്​റം ഇല്ലാത്തവർക്കായി മാത്രം മൂന്നുകെട്ടിടങ്ങൾ തയാറാക്കിയിട്ടുണ്ട്​. ^ കോൺസൽ ജനറൽ പറഞ്ഞു.

ഇൗ വർഷം നടപ്പാക്കിയ ചില സംവിധാനങ്ങൾ ഹാജിമാർക്ക്​ ഏറെ ഗുണം ചെയ്​തിട്ടുണ്ട്​. ഹാജിമാരുടെ ചികിത്സക്കായുള്ള ഒാൺലൈൻ സംവിധാനമാണ്​ ഇതിൽ പ്രധാനം. ഇമസിഹ എന്ന ഇൗ പദ്ധതിയിൽ കാര്യക്ഷമമായി ചികിത്സയും രോഗപരിചരണവും നടക്കുന്നു. ഒാൺലൈൻ കംപ്ലയിൻറ്​ മാനേജ്​മ​​െൻറ്​ സിസ്​റ്റമാണ്​ മറ്റൊന്ന്​. പരാതികൾ അതിവേഗം പരിഹരിക്കാൻ ഇതുവഴി കഴിയുന്നു. പുതുതായി ഏർപ്പെടുത്തിയ ബാഗേജ്​ സ്ലിപ്പ്​ വഴി ബാഗുകൾ നഷ്​ടപ്പെടുന്നതും മാറിപ്പോകുന്നതും കുറയ്​ക്കാനായി. 

600 ഒാളം സ്​റ്റാഫ്​ ഹാജിമാരുടെ ​സഹായത്തിനായി സദാസമയം രംഗത്തുണ്ട്​. 600 ലേറെ ലോക്കൽ സ്​റ്റാഫും. ഇതുകൂടാതെ അസംഖ്യം സന്നദ്ധപ്രവർത്തകരും ഹജ്ജ്​മിഷനുമായി സഹകരിച്ച്​ പ്രവർത്തിക്കുന്നുണ്ട്​. ^ കോൺസൽ ജനറൽ കൂട്ടിച്ചേർത്തു. വാർത്തസമ്മേളനത്തിൽ കോൺസൽ ജനറലിനൊപ്പം ഹജ്ജ്​ കോൺസൽ ശാഹിദ്​ ആലം, മക്ക ഇൻ ചാർജ്​ ആസിഫ്​ സെയ്​ദ്​ എന്നിവരും പ​െങ്കടുത്തു.