അമ്പത്​ ലക്ഷം പേർക്ക്​ ഹജ്ജിന്​ സൗകര്യമൊരുക്കും -മക്ക ഗവർണർ

മക്ക: അമ്പത്​ ലക്ഷം പേർക്ക്​ ഹജ്ജ്​ നിർവഹിക്കാനുള്ള സൗകര്യം ഒരുക്കുമെന്ന്​ മക്ക ഗവർണറും ഹജ്ജ്​ സെൻട്രൽ കമ്മിറ്റി ചെയർമാനുമായ അമീർ ഖാലിദ്​ അൽ ഫൈസൽ പറഞ്ഞു. മിനയിലെ ആസ്​ഥാനത്ത്​ വാർത്താസമ്മേളനത്തിലാണ്​ പ്രഖ്യാപനം. പുണ്യഭൂമികളിലെ വൻവികസന പദ്ധതികൾ അടുത്ത വർഷം  നടപ്പിലാക്കണമെന്നാണ്​ പ്രതീക്ഷിക്കുന്നത്​. അടുത്ത വർഷത്തെ ഹജ്ജിനുള്ള ഒരുക്കങ്ങൾ അടുത്ത ആഴ്​ച തന്നെ ആരംഭിക്കുമെന്നും അദ്ദേഹം പറഞ്ഞു. രണ്ടര ലക്ഷം സുരക്ഷാ ജീവനക്കാരെയാണ്​ ഇൗ വർഷം ഹജ്ജ്​ സേവനത്തിന്​ നിയോഗിച്ചത്​. 135  ആരോഗ്യകേന്ദ്രങ്ങളിലായി 32,000  ഡോകടർമാരുടെ സേവനമുണ്ടായിരുന്നതായും ഖാലിദ്​ അൽ ഫൈസൽ പറഞ്ഞു.
അനധികൃതമായി ഹജ്ജ്​ നിർവഹിക്കുന്നവരുടെ എണ്ണം മുൻവർഷങ്ങളേക്കാൾ പകുതിയോളം കുറക്കാനായി. അതത്​ രാജ്യങ്ങളിൽ വെച്ചു തന്നെ ഹാജിമാരുടെ എമി​േ​ഗ്രഷൻ  നടപടികൾ പൂർത്തിയാക്കുന്ന പദ്ധതി കൂടുതൽ രാജ്യങ്ങളിലേക്ക്​ വ്യാപിപ്പിക്കും.