അനുമതിയില്ലാതെ ഹജ്ജ്​ ചെയ്​തത്​ ഒരു ലക്ഷത്തിലധികം പേർ 

ജിദ്ദ: അനുമതിയില്ലാതെ ഇൗ വർഷം  ഹജ്ജ്​ ചെയ്​തത്​ ഒരു ലക്ഷത്തിലധികം പേർ. ഹജ്ജ്​ കുറ്റമറ്റതാവാൻ അധികൃതർ നടത്തിയ മുന്നൊരുക്കങ്ങൾ കർശനമായതിനാലാണ്​ അനധികൃത ഹാജിമാരുടെ എണ്ണം കുറക്കാനായത്​ എന്നാണ്​ വിലയിരുത്തൽ. അനുമതിയില്ലാതെ ഹജ്ജിന്​ വരുന്നവരുടെ എണ്ണം 93 ശതമാനം കുറഞ്ഞതായണ്​ ഒൗദ്യോഗിക കണക്ക്​.  ആറ്​ വർഷം മുമ്പ്​ 14 ലക്ഷമായിരുന്നു അനധികൃത ഹാജിമാരുടെ എണ്ണം. അതുകൊണ്ട്​ തന്നെ നിയന്ത്രിക്കാനുള്ള പ്രായോഗിക ബുദ്ധിമുട്ടുകളും അധികമായിരുന്നു. മക്ക ഗവർണർ അവസാനം നടത്തിയ വാർത്താസമ്മേളനത്തിൽ പറഞ്ഞത്​ പ്രകാരം ഏഴ്​ ശതമാനം ഹാജിമാരാണ്​ അനുമതി ഇല്ലാതെ ഹജ്ജ്​ നിർവഹിച്ചത്​. 1.10,000 ത്തിന്​ ചുവടെ പേർ നിയമം ലംഘിച്ചെത്തി.

സിവിൽ സൈനിക രംഗത്തെ രണ്ടര ലക്ഷത്തിലധികമാളുകളുടെ  സേവനം ഹജ്ജി​​​െൻറ വിജയത്തിന്​ സഹായിച്ചതായി ഗവർണർ അമീർ ഖാലിദ്​ അൽഫൈസൽ വ്യക്​തമാക്കിയിട്ടുണ്ട്. മെട്രോ ​ട്രെയിനിൽ 3,60,000 തീർഥാടകരും ബസുകളിൽ 18 ലക്ഷം തീർഥാടകരും ഇൗ വർഷം  യാത്രക്കാരായി. ആരോഗ്യ സേവനത്തിന്​ ഡോക്​ടർമാരും ആരോഗ്യ പ്രവർത്തകരുമായി 32000 പേർ സേവനത്തിനുണ്ടായിരുന്നു. മക്കയിലും പുണ്യസ്​ഥലങ്ങളിലുമായി 25 ആശുപത്രികളിലും 135 മെഡിക്കൽ​ സ​​െൻററുകളുമാണ്​ പ്രവർത്തിച്ചത്​. 40 ദശലക്ഷം ക്യൂബിക്​ മീറ്റർ ജലം മക്കയിലേക്കും പുണ്യസ്​ഥലങ്ങളിലേക്ക്​ പമ്പ്​ ചെയ്​തു​. മുനിസിപ്പൽ മന്ത്രാലയത്തിന്​ കീഴിൽ എൻജിനീയർമാരും സൂപർവൈസർമാരും ശുചീകരണ തൊഴിലാളികളുമായി 23,000 പേരെ ഒരുക്കിയിരുന്നു. ഇറാനിൽ നിന്ന്​ 86,000 ഹാജിമാർ എത്തിയിട്ടുണ്ട്​.

ഖത്തറിൽ നിന്ന്​ കുറച്ച്​ ഹാജിമാരാണ്​ ​ എത്തിയത്​ എന്നാണ്​ മക്ക ഗവർണർ അറിയിച്ചത്​. വിദേശ ഹാജിമാരുടെ എണ്ണം സംബന്ധിച്ച തീരുമാനമെടുക്കുന്നത്​ സൗദി മാത്രമല്ലെന്നും  അദ്ദേഹം പറഞ്ഞു. ഹജ്ജ്​ നിയമങ്ങൾ ലംഘിച്ചെത്തുന്നവരുടെ എണ്ണം കുറഞ്ഞത്​ വലിയ വിജയമായി കണക്കാക്കുന്നുവെന്ന്​  ‘അൽ അറബിയ’ ചാനലിന്​ നൽകിയ അഭിമുഖത്തിൽ ഗവർണർ പറഞ്ഞു.  തീർഥാടകരുടെ പ്രവേശന നടപടികൾ പൂർത്തിയാക്കാൻ അധിക സമയം വേണ്ടി വന്നിരുന്നില്ല. ചില രാജ്യങ്ങളിലെ തീർഥാടകരുടെ നടപടികൾ അതതു രാജ്യങ്ങളിൽ തന്നെ പൂർത്തിയാക്കിയിരുന്നു. ഭാവിയിൽ ഹജ്ജ്​ തീർഥാടകരുടെ എണ്ണത്തിലുണ്ടാകുന്ന വർധനവ്​ കണക്കിലെടുത്താണ്​  മക്കയിലേയും പുണ്യസ്​ഥലങ്ങളിലേയും മുഴുവൻ പദ്ധതികളും. സാ​​േങ്കതികമായി ഉയർന്ന നിലവാരത്തിലുള്ളതാണ്​ ഒരോ പദ്ധതിയും.