ഹ​ജ്ജ്​: അ​നു​മ​തി​പ​ത്ര​മി​ല്ലാ​ത്ത 108 കേ​സു​ക​ളി​ൽ ശി​ക്ഷ

ജി​ദ്ദ: ഹ​ജ്ജ്​ വേ​ള​യി​ൽ അ​നു​മ​തി പ​ത്ര​മി​ല്ലാ​ത്ത​വ​രെ മ​ക്ക​യി​ലേ​ക്ക്​ ക​ട​ത്തി​യ​തി​നു പി​ഴ​യും ശി​ക്ഷ​യു​മാ​യി​ 108 വി​ധി​ക​ൾ പു​റ​പ്പെ​ടു​വി​ച്ച​താ​യി റി​പ്പോ​ർ​ട്ട്. മ​ക്ക​ക്ക​ടു​ത്ത പ്ര​വേ​ശ​ന ക​വാ​ട​ങ്ങ​ളി​ൽ പ്ര​വ​ർ​ത്തി​ച്ച പാ​സ്​​പോ​ർ​ട്ട്​ സ​മി​തി​യാ​ണ്​ ഇ​ത്ര​യും വി​ധി​ക​ൾ പു​റ​പ്പെ​ടു​വി​ച്ച​ത്. മൊ​ത്തം പി​ഴ സം​ഖ്യ 50 ല​ക്ഷ​ത്തി​ല​ധി​കം റി​യാ​ൽ വ​രും. 1540 ദി​വ​സം ജ​യി​ൽ ശി​ക്ഷ​യും വി​ധി​ച്ചി​ട്ടു​ണ്ട്. 15 വാ​ഹ​ന​ങ്ങ​ളാ​ണ്​ പി​ടി​ച്ചെ​ടു​ത്ത​ത്.

ശി​ക്ഷ​ക്കും പി​ഴ​ക്കും ശേ​ഷം നാ​ട്​ ക​ട​ത്താ​ൻ വി​ധി​ച്ച വി​ദേ​ശി​ക​ളു​ടെ എ​ണ്ണം 19 ആ​ണ്. ഏ​റ്റ​വും വ​ലി​യ പി​ഴ 1,40,000 റി​യാ​ലും ഏ​റ്റ​വും കു​റ​ഞ്ഞ​ത്​ 10,000 റി​യാ​ലു​മാ​ണ്. പി​ഴ, ശി​ക്ഷ വി​ധി​ച്ച​വ​രി​ൽ സ്​​ത്രീ​ക​ളാ​രും ഉ​ൾ​പ്പെ​ട്ടി​ട്ടി​ല്ല. ഹ​ജ്ജ്​ അ​നു​മ​തി പ​ത്ര​മി​ല്ലാ​ത്ത​വ​രെ മ​ക്ക​യി​ലേ​ക്ക്​ ക​ട​ത്തു​ന്ന​വ​ർ​ക്കും ഹ​ജ്ജ്​ നി​യ​മ​ങ്ങ​ൾ ലം​ഘി​ക്കു​ന്ന​ർ​ക്കു​മെ​തി​രെ പി​ഴ​യും ശി​ക്ഷ​യും ചു​മ​ത്താ​ൻ പാ​സ്​​പോ​ർ​ട്ട്​ വ​കു​പ്പി​ന്​ കീ​ഴി​ലെ പ്ര​ത്യേ​ക സ​മി​തി മു​ഴു​സ​മ​യം പ്ര​വേ​ശ​ന ക​വാ​ട​ങ്ങ​ളി​ൽ പ്ര​വ​ർ​ത്തി​ച്ചി​രു​ന്നു.

ഹ​ജ്ജ്​ അ​നു​മ​തി പ​ത്ര​മി​ല്ലാ​ത്ത​വ​രെ മ​ക്ക​യി​ലേ​ക്ക്​ ക​ട​ത്തി പി​ടി​യി​ലാ​കു​ന്ന​വ​ർ​ക്ക്​ ആ​ദ്യ​ത​വ​ണ 15 ദി​വ​സം ജ​യി​ലും 10,000 റി​യാ​ൽ പി​ഴ​യും ര​ണ്ടാം ത​വ​ണ​യാ​ണെ​ങ്കി​ൽ ര​ണ്ടു​ മാ​സം ത​ട​വും 25,000 റി​യാ​ൽ പി​ഴ​യും മൂ​ന്നാം ത​വ​ണ​യാ​ണെ​ങ്കി​ൽ ആ​റു​ മാ​സം ത​ട​വും 50,000 റി​യാ​ൽ പി​ഴ​യും വി​ദേ​ശി​യാ​ണെ​ങ്കി​ൽ ശി​ക്ഷ​ക്കും പി​ഴ​ക്കും ശേ​ഷം നാ​ട്​ ക​ട​ത്തു​മെ​ന്നും പാ​സ്​​പോ​ർ​ട്ട്​ വ​കു​പ്പ്​ നേ​ര​ത്തേ വ്യ​ക്ത​മാ​ക്കി​യി​രു​ന്നു.