ഹജ്ജ്​: കെട്ടിട ലൈസൻസ്​ അനുവദിക്കുന്നതിന്​​ നിശ്ചയിച്ച സമയപരിധി കഴിഞ്ഞു 

മക്ക: ഹജ്ജ്​ തീർഥാടകരെ താമസിപ്പിക്കുന്നതിന്​ കെട്ടിട ലൈസൻസ്​ അനുവദിക്കുന്നതിന്​​ നിശ്ചയിച്ച സമയപരിധി കഴിഞ്ഞതായി ഹജ്ജ്​ താമസ കെട്ടിട കമ്മിറ്റി മേധാവി എൻജിനീയർ മാസിൻ സിനാരി പറഞ്ഞു.  കഴിഞ്ഞ മുഹറം മുതലാണ്​ കെട്ടിട ലൈസൻസ്​ ഇഷ്യു ​ചെയ്യാൻ ആരംഭിച്ചത്. 
ഇൗ വർഷം 2698 ലൈസൻസ്​ ഇഷ്യൂ ചെയ്​തിട്ടുണ്ട്​.122343 തീർഥാടകരെ താമസിപ്പിക്കാനാവും. 

ഇതിൽ 42 കെട്ടിടം പുതിയതും 2656 എണ്ണം പഴയതുമാണ്​. 975 കെട്ടിടങ്ങൾ നിർമാണ ജോലികൾ പൂർത്തിയാകാൻ കാത്തിരിക്കയാണ്​. 
ഇൗ കെട്ടിടങ്ങളുടെ പണി പൂർത്തിയായാൽ അംഗീകൃത എൻജീനിയറിങ്​ കമ്പനികൾ പരിശോധിച്ച്​ ലൈസൻസ്​ നൽകുന്ന നടപടികൾ സ്വീകരിക്കുമെന്നും ഹജ്ജ്​ കെട്ടിട സമിതി അധ്യക്ഷൻ പറഞ്ഞു.