സ്​​നേ​ഹ​സൗ​ഹൃ​ദ​ങ്ങ​ളു​ടെ മ​ഴ​യി​ൽ ന​ന​യാം; ‘ഹാ​ർ​മോ​ണി​യ​സ്​ കേ​ര​ള’ ദ​മ്മാ​മി​ലും

ദ​മ്മാം: ആ​ദ്യ ഇ​ന്ത്യ​ൻ അ​ന്താ​രാ​ഷ്​​ട്ര ദി​ന​പ​ത്രം ‘ഗ​ൾ​ഫ്​ മാ​ധ്യ​മം’ ഗ​ൾ​ഫ്​ മ​ല​യാ​ളി​ക​ളു​ടെ നി​ത്യ​ജീ​വി​ത​ത്തി​ന്‍റെ ഭാ​ഗ​മാ​യ​തി​ന്‍റെ 25-ാം വാ​ർ​ഷി​ക വേ​ള​യി​ൽ ഒ​രു​മ​യു​ടെ മ​ഹോ​ത്സ​വ​മാ​യി ‘ഹാ​മോ​ണി​യ​സ്​ കേ​ര​ള’ ദ​മ്മാ​മി​ലും എ​ത്തു​ന്നു.

പ്ര​തി​സ​ന്ധി​ക​ളി​ലും ആ​ഘോ​ഷ​ങ്ങ​ളി​ലും എ​ല്ലാം മ​റ​ന്ന്​ കൈ​കോ​ർ​ക്കു​ന്ന മ​ല​യാ​ളി മാ​ന​വി​ക​ത​ക്കു​ള്ള​ ആ​ദ​ര​മാ​യി ഒ​രു​മ​യു​ടെ മ​ഹോ​ത്സ​വം ‘ഹാ​ർ​മോ​ണി​യ​സ്​ കേ​ര​ള’ ന​വം​ബ​ർ 29-ന്​ ​ദ​മ്മാ​മി​ലെ ‘ലൈ​ഫ്​ പാ​ർ​ക്ക്​ ആം​ഫി തി​യ​റ്റ​റി’​ലാ​ണ്​ അ​ര​ങ്ങേ​റു​ന്ന​ത്.

ഇ​തി​​ന്‍റെ തീം ​അ​നാച്ഛാ​ദ​ന ച​ട​ങ്ങ്​​ ദ​മ്മാ​മി​ലെ ഓ​ഷ്യാ​ന റ​സ്​​റ്റാ​റ​ന്‍റി​ൽ സൗ​ദി കി​ഴ​ക്ക​ൻ പ്ര​വി​ശ്യ​യി​ലെ പ്ര​മു​ഖ​ര​ട​ങ്ങി​യ പൗ​രാ​വ​ലി​യു​ടെ സാ​ന്നി​ധ്യ​ത്തി​ൽ ന​ട​ന്നു. ഗ​ൾ​ഫ്​ മാ​ധ്യ​മം ആ​ൻ​ഡ്​ മാ​ധ്യ​മം സി.​ഇ.​ഒ പി.​എം. സാ​ലി​ഹ്​ മു​ഖ്യ പ്ര​ഭാ​ഷ​ണം നി​ർ​വ​ഹി​ച്ചു.

നി​ല​പാ​ടു​ക​ളി​ൽ ഉ​റ​ച്ചു​നി​ൽ​ക്കു​ക​യും സ​ത്യ​ത്തി​നു​വേ​ണ്ടി വി​ട്ടു​വീ​ഴ്​​ച​യി​ല്ലാ​തെ പൊ​രു​തു​ക​യും ശ​ബ്​​ദ​മി​ല്ലാ​ത്ത​വ​രു​ടെ ശ​ബ്​​ദ​മാ​യി മാ​റു​ക​യും ചെ​യ്​​താ​ണ്​ ‘ഗ​ൾ​ഫ്​ മാ​ധ്യ​മം’ ജ​ന​കീ​യ​വും ജ​ന​പ്രി​യ​വു​മാ​യ​തെ​ന്ന്​​ അ​ദ്ദേ​ഹം പ​റ​ഞ്ഞു.

ജീ​വി​ത ആ​ദ​ർ​ശ​ങ്ങ​ളി​ൽ വി​ട്ടു​വീ​ഴ്​​ച​യി​ല്ലാ​തെ പോ​രാ​ടി​യ മു​ൻ​കാ​ല നാ​യ​ക​രു​ടെ ആ​ദ​ർ​ശ​ങ്ങ​ളാ​ണ്​ ത​ങ്ങ​ളു​ടെ ധൈ​ര്യ​വും വ​ഴി​യു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ആ​ർ​ട്ടി​​ഫി​ഷ്യ​ൽ ഇ​ന്‍റ​ലി​ജ​ൻ​സി​ന്​ പോ​ലും മ​നു​ഷ്യ​രു​ടെ മാ​ന​വി​ക മൂ​ല്യ​ങ്ങ​ളെ​യും വി​കാ​ര​ങ്ങ​ളെ​യും മ​റി​ക​ട​ക്കാ​ൻ സാ​ധി​ക്കു​ക​യി​ല്ലെ​ന്ന തി​രി​ച്ച​റി​വി​ൽ ആ​ധു​നി​ക​ത​യി​ൽ ആ ​മൂ​ല്യ​ങ്ങ​ളെ​ ചേ​ർ​ത്തു​വെ​ക്കു​ന്ന​തി​ലൂ​ടെ മാ​ത്ര​മേ കാ​ല​ത്തി​നു​ മു​ന്നോ​ട്ട്​ സ​ഞ്ച​രി​ക്കാ​ൻ സാ​ധി​ക്കു​ക​യു​ള്ളൂ​​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഗ​ൾ​ഫ്​ ​മാ​ധ്യ​മം ​ഗ്ലോ​ബ​ൽ ഹെ​ഡ്​ മു​ഹ​മ്മ​ദ്​ റ​ഫീ​ഖ്​ ‘ഹാ​ർ​മോ​ണി​യ​സ്​ കേ​ര​ള’​യെ​ക്കു​റി​ച്ച്​ വി​ശ​ദീ​ക​രി​ച്ചു. മാ​ന​വി​ക​ത​യു​ടെ മ​ഹ​ദ്​ സ​ന്ദേ​ശ​ങ്ങ​ളെ ഈ ​കാ​ല​ത്തി​ന്‍റെ ഇ​രു​ട്ടി​ലും ​കൊ​ളു​ത്തി​വെ​ക്കു​ക​യും പ്ര​കാ​ശം പ​ര​ത്തു​ക​യും ചെ​യ്യേ​ണ്ട​തു​ണ്ടെ​ന്ന തി​രി​ച്ച​റി​വി​ൽ നി​ന്നാ​ണ്​ സൗ​ഹൃ​ദ​ങ്ങ​ളു​ടെ ആ​ഘോ​ഷ​പ്പെ​രു​മ​യെ സൃ​ഷ്​​ടി​ക്കാ​ൻ ഗ​ൾ​ഫ്​ മാ​ധ്യ​മം മു​ന്നി​ട്ടി​റ​ങ്ങി​യ​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

മ​ല​യാ​ളി​ക​ളു​ടെ പ്രി​യ​പ്പെ​ട്ട ച​ല​ച്ചി​ത്ര താ​ര​ങ്ങ​ളാ​യ ആ​സി​ഫ​ലി, നി​ഖി​ല വി​മ​ൽ, പി​ന്ന​ണി ഗാ​യ​ക​രാ​യ സി​താ​ര, മ​ധു​ബാ​ല​കൃ​ഷ്​​ണ​ൻ, ഐ​ഡി​യാ സ്​​റ്റാ​ർ സിം​ഗ​റി​ലെ ഗാ​യ​ക​ർ, അ​നു​ക​ര​ണ ക​ല​യി​ലെ ഏ​റ്റ​വും മി​ക​ച്ച ക​ലാ​കാ​ര​ൻ എ​ന്നി​വ​രാ​ണ്​ ഹാ​ർ​മോ​ണി​യ​സ്​ കേ​ര​ള​യെ മ​ധു​ര​ത​ര​വും വ​ർ​ണാ​ഭ​വും ആ​ഘോ​ഷ​വു​മാ​ക്കാ​നെ​ത്തു​ന്ന​ത്.

ഗ​ൾ​ഫ്​ മാ​ധ്യ​മം ​ഡ​യ​റ​ക​ട്ർ സ​ലീം അ​മ്പ​ല​ൻ ആ​ശം​സ​ക​ൾ അ​ർ​പ്പി​ച്ചു. പ്ര​വാ​സി​ക​ളോ​ടു​ള്ള ഗ​ൾ​ഫ്​ മാ​ധ്യ​മ​ത്തി​​ന്‍റെ ന​ന്ദി​യും ക​ട​മ​യു​മാ​ണ്​ ഇ​ത്ത​രം പ​രി​പാ​ടി​ക​ളെ​ന്നും അ​ത്​ ഏ​​റ്റെ​ടു​ത്ത​വ​രോ​ട്​ എ​ന്നും ക​ട​പ്പെ​ട്ടി​രി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു.

ഗ​ൾ​ഫ് ​മാ​ധ്യ​മം-​മീ​ഡി​യ വ​ൺ കോ​ഓ​ഡി​നേ​ഷ​ൻ ക​മ്മി​റ്റി ചെ​യ​ർ​മാ​ൻ കെ.​എം.​ബ​ഷീ​ർ സ്വാ​ഗ​ത​വും ക​ൺ​വീ​ന​ർ എ.​കെ. അ​സീ​സ്​ ന​ന്ദി​യും പ​റ​ഞ്ഞു. റ​യാ​ൻ മൂ​സ അ​വ​താ​ര​ക​നാ​യി​രു​ന്നു. ഗ​ൾ​ഫ്​ മാ​ധ്യ​മം സൗ​ദി റ​സി​ഡ​ന്‍റ് മാ​നേ​ജ​ർ സ​ലീം മാ​ഹി, മാ​ർ​ക്ക​റ്റി​ങ്​ ക​ൺ​ഡ്രി ഹെ​ഡ്​ ഹി​ലാ​ൽ ഹു​സൈ​ൻ, അ​ൻ​വ​ർ ഷാ​ഫി, ദ​മ്മാം ബ്യൂ​റോ ചീ​ഫ്​ സാ​ജി​ദ്​ ആ​റാ​ട്ടു​പു​ഴ എ​ന്നി​വ​ർ പ​രി​പാ​ടി​ക​ൾ​ക്ക്​ നേ​തൃ​ത്വം ന​ൽ​കി.

ആ​ദ്യ ടി​ക്ക​റ്റ്​ വി​ൽ​പ​ന

ദ​മ്മാം: ‘ഹാ​ർ​മോ​ണി​യ​സ്​ കേ​ര​ള’ യു​ടെ ആ​ദ്യ ടി​ക്ക​റ്റ്​ ജീ​വ​കാ​രു​ണ്യ സം​സ്​​കാ​രി​ക കൂ​ട്ടാ​യ്​​മ​യാ​യ ‘മേ​ഴ്​​സി കോ​ർ​പ്പി’​​ന്‍റെ ചെ​യ​ർ​മാ​നും സ​ഹ​പ്ര​വ​ർ​ത്ത​ക​രും ഗ​ൾ​ഫ്​ മാ​ധ്യ​മം-​മാ​ധ്യ​മം സി.​ഇ.​ഒ പി.​എം. സാ​ലി​ഹി​ൽ​നി​ന്ന്​ ഏ​റ്റു​വാ​ങ്ങി. ഗ​ൾ​ഫ്​ മാ​ധ്യ​മ​ത്തി​​ന്‍റെ മു​ൻ പ​രി​പാ​ടി​ക​ളി​ലും മേ​ഴ്​​സി കോ​ർ​പ്പ്​ സ​ഹ​ക​രി​ച്ചി​ട്ടു​ണ്ട്. മേ​ഴ്​​സി കോ​ർ​പ്​ ചെ​യ​ർ​മാ​ൻ എ.​ആ​ർ. മാ​ഹീ​​ന്‍റെ നേ​തൃ​ത്വ​ത്തി​ൽ സ്​​റ്റേ​റ്റ്​ പ്ര​സി​ഡ​ന്‍റ്​ അ​നീ​സ്​ ത​മ്പി, ജി.​സി.​സി പ്ര​സി​ഡ​ന്‍റ്​ ഷ​ജ​ബു മു​ര​ളി, എ​ക്​​സി​ക്യു​ട്ടീ​വ്​ മെ​മ്പ​ർ സ​ലാം എ​ന്നി​വ​ർ ചേ​ർ​ന്ന്​ ടി​ക്ക​റ്റ്​ സ്വീ​ക​രി​ച്ചു.