അതിർത്തി സേന പിടികൂടിയത്​   നാല്​ ക്വിൻറൽ ഹഷീഷ്

റിയാദ്​: രാജ്യത്ത്​ വൻ മയക്കുമരുന്ന്​ വേട്ട. കോടികൾ വിലമതിക്കുന്ന മരുന്നാണ്​​ അതിർത്തിസേന പിടികൂടിയത്​. വിവിധ കേസുകളിലായി  പിടികുടിയത്​ നാല്​ ക്വിൻറലിലധികം ഹഷീഷ് ആണെന്ന്​ അധികൃതർ അറിയിച്ചു. അറസ്​റ്റ്​ ചെയ്​തത്​ 34 പേരെ. ഇതിൽ 32 പേരും ഇൗജിപ്​ഷ്യൻ വംശജർ.  അതിർത്തിസേന വക്​താവ്​ ഷഹർ ബിൻ മുഹമ്മദ്​ അൽ ഹർബിയാണ്​ റിയാദിൽ വിവരം പുറത്തുവിട്ടത്​.

416 കിലോ ഹഷീഷാണ്​ പിടികൂടിയതെന്ന്​ അദ്ദേഹം വ്യക്​തമാക്കി. കര, കടൽ മാർഗം രാജ്യത്തേക്ക്​ കടത്താൻ ശ്രമിച്ച മയക്കുമരുന്നാണ്​ പിടികൂടിയത്​. 85 ഗ്രാം കഞ്ചാവും പിടികൂടി. 32 ഇൗജിപ്​ഷ്യൻസും രണ്ട്​ യമനികളുമാണ്​ അറസ്​റ്റിലായത്​​.  അതിർത്തി വഴിയുള്ള ഒരു നിയമ വിരുദ്ധപ്രവർത്തനവ​ും സേന അനുവദിക്കില്ലെന്ന്​ അദ്ദേഹം പറഞ്ഞു. പ്രതികളെ കൂടുതൽ നടപടികൾക്കായി ബന്ധപ്പെട്ട വകുപ്പിന്​ കൈമാറിയിട്ടുണ്ട്​.  കടുത്ത ശിക്ഷയാണ്​ രാജ്യത്ത്​ മയക്കുമരുന്ന്​ കടത്തിന്​ നൽകാറുള്ളത്​. അടുത്തിടെയാണ്​ മയക്കുമരുന്ന്​ കേസിൽ പാകിസ്​ഥാനിക്ക്​ വധശിക്ഷ നടപ്പിലാക്കിയത്​.