വിദ്യാഭ്യാസ മേന്മ പുരസ്കാരം കൊല്ലം ആദിച്ചനല്ലൂരിൽ കൈമാറി
text_fieldsആദിച്ചനല്ലൂർ ഗ്രാമപഞ്ചായത്ത് പ്രസിഡൻറ് സുഭാഷ്, കേളി വിദ്യാഭ്യാസ മേന്മ പുരസ്കാരം അക്ഷര എസ്. ലാലിന് കൈമാറുന്നു
റിയാദ്: കേളി കലാ സാംസ്കാരിക വേദി അംഗങ്ങളുടെ കുട്ടികൾക്കായി വർഷംതോറും നൽകുന്ന വിദ്യാഭ്യാസ മേന്മ പുരസ്കാര വിതരണം കൊല്ലം ആദിച്ചനല്ലൂരിൽ നടന്നു. എസ്.എസ്.എൽ.സി പരീക്ഷയിൽ ഉന്നത വിജയം നേടിയ കേളി മുസാഹ്മിയ ഏരിയ അംഗമായ പി. ശശീന്ദ്രലാലിെൻറ മകൾ അക്ഷര എസ്. ലാലിനാണ് പുരസ്കാരം കൈമാറിയത്.
അക്ഷരയുടെ വീട്ടിൽ നടന്ന ചടങ്ങിൽ ആദിച്ചനല്ലൂർ ഗ്രാമപഞ്ചായത്ത് പ്രസിഡൻറ് സുഭാഷാണ് പുരസ്കാരം കൈമാറിയത്. കേരള പ്രവാസി സംഘം കൊട്ടിയം ഏരിയ പ്രസിഡൻറ് ജോയ് അധ്യക്ഷത വഹിച്ചു. സി.പി.എം ചാത്തന്നൂർ ലോക്കൽ കമ്മിറ്റി അംഗം ദസ്തഖീർ, ബ്രാഞ്ച് സെക്രട്ടറി രംഗകുമാർ എന്നിവർ സംസാരിച്ചു. കേരള പ്രവാസി സംഘം കൊല്ലം ജില്ല കമ്മിറ്റി അംഗം സന്തോഷ് മാനവം സ്വാഗതവും അക്ഷര എസ്. ലാൽ നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.