ആ​രോ​ഗ്യം: തണുപ്പിനെ വെല്ലുവിളിക്കരുത്: ആസ്ത്മ രോഗികൾ കരുതലെടുക്കണം

റി​യാ​ദ്: സൗ​ദി അ​റേ​ബ്യ​യി​ലെ വി​വി​ധ പ്ര​വി​ശ്യ​ക​ളി​ൽ വ​രും​നാ​ളു​ക​ളി​ൽ ശൈ​ത്യം ക​ടു​ത്തേ​ക്കാ​വു​ന്ന സാ​ഹ​ച​ര്യ​ത്തി​ൽ ശ്വാ​സ​കോ​ശ​സം​ബ​ന്ധ​മാ​യ രോ​ഗ​മു​ള്ള​വ​ർ ക​രു​ത​ലെ​ടു​ക്ക​ണ​മെ​ന്ന് റി​യാ​ദി​ലെ പ്ര​മു​ഖ ആ​സ്ത്മ രോ​ഗ വി​ദ​ഗ്ധ​ൻ ഡോ. ​എം. അ​സ്‌​ക​ർ പ​റ​ഞ്ഞു. അ​മി​ത ത​ണു​പ്പ് നേ​രി​​ട്ടേ​ൽ​ക്കു​ന്ന എ​ല്ലാ സാ​ഹ​ച​ര്യ​ങ്ങ​ളി​ലും ആ​സ്ത്മ, അ​ല​ർ​ജി രോ​ഗി​ക​ൾ ജാ​ഗ്ര​ത പു​ല​ർ​ത്ത​ണം. കൊ​ടും​ത​ണു​പ്പി​ലും ആ​വ​ശ്യ​മാ​യ മു​ൻ​ക​രു​ത​ലി​ല്ലാ​തെ പു​റ​ത്തി​റ​ങ്ങു​ന്ന ചെ​റു​പ്പ​ക്കാ​ർ ധാ​രാ​ള​മു​ണ്ട്. താ​ൽ​കാ​ലി​ക​മാ​യ അ​വ​രു​ടെ ആ​രോ​ഗ്യാ​വ​സ്ഥ പെ​ടു​ന്ന​നെ പ​രി​ക്കേ​ൽ​പി​ക്കി​ല്ലെ​ങ്കി​ലും സ​മീ​പ​ഭാ​വി​യി​ൽ അ​ത് വ​ലി​യ ആ​രോ​ഗ്യ​പ്ര​ശ്ന​ങ്ങ​ളി​ലേ​ക്ക്​ ന​യി​ക്കും. കാ​ലാ​വ​സ്ഥ മാ​റ്റ​ങ്ങ​ളെ വെ​ല്ലു​വി​ളി​ക്കാ​തെ അ​തി​ന​നു​സ​രി​ച്ചു വ​സ്ത്ര​വും ഭ​ക്ഷ​ണ​വും ക്ര​മ​പ്പെ​ടു​ത്താ​നാ​ണ്​ ശ്ര​ദ്ധി​ക്കേ​ണ്ട​ത്.

ആ​സ്ത്മ ഉ​ൾ​പ്പ​ടെ​യു​ള്ള രോ​ഗ​ബാ​ധ​യു​ള്ള​വ​ർ പ​ര​മാ​വ​ധി യാ​ത്ര​ക​ൾ ഒ​ഴി​വാ​ക്ക​ണം. നി​ർ​ബ​ന്ധി​ത സാ​ഹ​ച​ര്യ​ത്തി​ൽ യാ​ത്ര​ക്ക് ത​ണു​പ്പി​നെ പ്ര​തി​രോ​ധി​ക്കു​ന്ന വ​സ്ത്ര​വും ഭ​ക്ഷ​ണ​വും ഉ​ൾ​പ്പെ​ടെ ആ​വ​ശ്യ​മാ​യ മു​ൻ ക​രു​ത​ലെ​ടു​ക്ക​ണം. മ​ഴ​യു​ണ്ടാ​കു​ന്ന സാ​ഹ​ച​ര്യ​ങ്ങ​ളി​ൽ പ​ല​ർ​ക്കും ശ്വാ​സ​കോ​ശം ചു​രു​ങ്ങി ശ്വാ​സ​ത​ട​സ്സം നേ​രി​ടേ​ണ്ടി​വ​രാ​റു​ണ്ട്. അ​ങ്ങ​നെ അ​നു​ഭ​വ​മു​ള്ള​വ​ർ ഡോ​ക്ട​റെ ക​ണ്ട് മ​രു​ന്നും ഇ​ൻ​ഹേ​ല​ർ വേ​ണ​മെ​ങ്കി​ൽ അ​തും കൈ​യി​ൽ ക​രു​ത​ണം. ത​ണു​പ്പ് സ​മ​യ​ത്ത് ശ്വാ​സ​ത​ട​സ്സ​ത്തി​​​ന്റെ സൂ​ച​ന ല​ഭി​ച്ചാ​ൽ​തൊ​ട്ട​ടു​ത്തു​ള്ള ആ​ശു​പ​ത്രി​യി​ലോ ക്ലി​നി​ക്കി​ലോ ചി​കി​ത്സ തേ​ട​ണം.

രോ​ഗ​ശ​മ​ന​ത്തി​ന് കാ​ത്തി​രി​ക്ക​രു​തെ​ന്നും പെ​ട്ട​ന്ന് ഗു​രു​ത​രാ​വ​സ്ഥ​യി​ലേ​ക്ക് നീ​ങ്ങു​മെ​ന്നും അ​ദ്ദേ​ഹം പ​റ​ഞ്ഞു. ത​ണു​പ്പ് തൊ​ലി​പ്പു​റ​ത്തും ശ്വാ​സ​കോ​ശ​ത്തി​ലു​മാ​ണ് വേ​ഗ​ത്തി​ൽ പ​രി​ക്കേ​ൽ​പി​ക്കു​ന്ന​ത്. അ​തി​നാ​ൽ ത​ണു​പ്പ് ഏ​ൽ​ക്കാ​തി​രി​ക്കാ​നു​ള്ള മു​ൻ​ക​രു​ത​ലെ​ടു​ക്കേ​ണ്ട​താ​ണ്. സ​ന്ദ​ർ​ശ​ക​രാ​യി സൗ​ദി​യി​ലെ​ത്തു​ന്ന​വ​ർ ആ​സ്ത്മ​യു​മാ​യി ബ​ന്ധ​പ്പെ​ട്ട മ​രു​ന്നു​ക​ൾ എ​ടു​ക്കു​ന്ന​വ​രാ​ണെ​ങ്കി​ൽ സൗ​ദി​യി​ലെ ത​ണു​പ്പി​​നെ കു​റി​ച്ച് ഡോ​ക്ട​റെ ബോ​ധ്യ​പ്പെ​ടു​ത്തി മ​രു​ന്നു​ക​ൾ ക​രു​ത​ണം. ചി​കി​ത്സ​രേ​ഖ​ക​ളും കൈ​യി​ൽ ക​രു​ത​ണം.

സൗ​ദി​യു​ടെ ക​ട​ലോ​ര ന​ഗ​ര​ങ്ങ​ളി​ൽ നി​ന്ന് റി​യാ​ദ് പോ​ലു​ള്ള സ്ഥ​ല​ങ്ങ​ളി​ലെ​ത്തു​മ്പോ​ൾ അ​ന്ത​രീ​ക്ഷ​ത്തി​ലെ ഈ​ർ​പ്പ​ക്കു​റ​വ് ചി​ല​രി​ൽ ശ്വാ​സ​ത​ട​സ്സ​മു​ണ്ടാ​ക്കും. അ​ത് ഗു​രു​ത​ര പ്ര​ശ്‌​ന​ങ്ങ​ൾ ഉ​ണ്ടാ​ക്കി​ല്ലെ​ങ്കി​ലും അ​സ്വ​സ്ഥ​ത തോ​ന്നു​​​മ്പോ​ൾ ചി​കി​ത്സ തേ​ട​ണം. ത​ണു​പ്പി​ൽ ര​ക്ത​യോ​ട്ട​ത്തി​ലു​ണ്ടാ​കു​ന്ന ഏ​റ്റ​ക്കു​റ​ച്ചി​ലു​ക​ൾ മ​ര​വി​പ്പും സ​ന്ധി​വേ​ദ​ന​ക​ളു​മു​ണ്ടാ​ക്കും. കൃ​ത്യ​മാ​യ വ്യാ​യാ​മം ചെ​യ്യു​ക​യാ​ണ് അ​തി​നു​ള്ള പ്ര​തി​വി​ധി. ശ്വ​സ​ന​വ്യാ​യാ​മ​വും നി​ർ​ബ​ന്ധ​മാ​യി തു​ട​ര​ണ​മെ​ന്നും ഡോ. ​അ​സ്‌​ക​ർ കൂ​ട്ടി​ച്ചേ​ർ​ത്തു.