ഹൃദയാഘാതം; കൊല്ലം സ്വദേശി റിയാദിൽ മരിച്ചു

റിയാദ്: ഹൃദയാഘാതത്തെത്തുടർന്ന് കൊല്ലം സ്വദേശി റിയാദിൽ മരിച്ചു. പത്തനാപുരം പട്ടാഴി സ്വദേശി ബിജു ജോർജ്ജ് (54) ആണ് മരിച്ചത്. റിയാദ് എക്സിറ്റ് 30 തുവൈക്കിൽ സൂപ്പർ മാർക്കറ്റ് ജീവനക്കാരനായിരുന്നു. പിതാവ്: പരേതനായ ജോർജ്ജ്, മാതാവ്: തങ്കമ്മ, ഭാര്യ: മിനി ബിജു, മകൻ: അഖിൽ ബിജു.

നിയമനടപടികൾ പൂർത്തിയാക്കി മൃതദേഹം നാട്ടിലെത്തിച്ചു സംസ്കരിക്കും. നടപടികൾ പൂർത്തിയാക്കാൻ റിയാദ് കെ.എം.സി.സി വെൽഫയർ വിങ് ചെയർമാൻ സിദ്ധീഖ് തുവ്വൂർ, കൊല്ലം ജില്ലാ ജനറൽ സെക്രട്ടറി ഫിറോസ് ഖാൻ കൊട്ടിയം എന്നിവർ രംഗത്തുണ്ട്.