ഹൃദയാഘാതം; കോഴിക്കോട്​ സ്വദേശി റിയാദിൽ നിര്യാതനായി

റിയാദ്: കോഴിക്കോട് സ്വദേശി റിയാദിൽ ഹൃദയാഘാതത്തെ തുടർന്ന്​ നിര്യാതനായി. കോഴിക്കോട് കടലുണ്ടി മണ്ണൂർ പെരുമുഖം സ്വദേശി അബ്​ദുറസാഖ് (55) ആണ്​ വെള്ളിയാഴ്​ച വൈകീട്ട്​ നാലോടെ റിയാദ്​ എക്സിറ്റ് 26ലെ സുലൈമാൻ ഹബീബ് ആശുപത്രിയിൽ മരിച്ചത്​.

റിയാദിലെ സ്വകാര്യ കമ്പനിയിൽ ജോലി ചെയ്യുകയായിരുന്നു. പിതാവ്: അലവി. മാതാവ്: ആമിനക്കുട്ടി. ഭാര്യ: സാഹിദ. മക്കൾ: അൻഫാസ് (ദമ്മാം), അൻഷാദ്, അമിന.

മൃതദേഹം റിയാദിൽ ഖബറടക്കുന്നതിനുള്ള നടപടിക്രമങ്ങൾ റിയാദ് കെ.എം.സി.സി വെൽഫെയർ വിങ്​ ഭാരവാഹികളായ റഫീഖ് പുല്ലൂർ, റഫീഖ് ചെറുമുക്ക്, റിയാസ് തിരൂർക്കാട്, നൗഫൽ തിരൂർ എന്നിവരുടെ നേതൃത്വത്തിൽ നടക്കുന്നു.