ഹൃദയാഘാതം: പാലക്കാട്​ സ്വദേശി റിയാദിൽ മരിച്ചു

റിയാദ്​: ഹൃദയാഘാതം മൂലം ആശുപത്രിയിൽ ​പ്രവേശിപ്പിക്കപ്പെട്ട മലയാളി റിയാദിൽ നിര്യാതനായി. പാലക്കാട് ആലത്തൂർ ഇരട്ടകുളം കുന്നത്ത് പടി സ്വദേശി സക്കീർ (52) ആണ്​ തിങ്കളാഴ്​ച പുലർച്ചെ സനദ് ആശുപത്രിയിൽ മരിച്ചത്​. അഞ്ച്​ വർഷമായി റിയാദി​ൽ​ ഹൗസ്​ ഡ്രൈവറായിരുന്നു. മൃതദേഹം റിയാദിൽ ഖബറടക്കും. പിതാവ്​: മൊയ്തീൻ, മാതാവ്​: ബിഫാത്തിമ, ഭാര്യ: റഷീദ,

മക്കൾ: ഷകീബ് ഹുസൈൻ, റിഷാന, നാഷിഫ്. മരണാനന്തര നിയമനടപടികൾ പൂർത്തീകരിക്കാൻ കെ.എം.സി.സി പാലക്കാട് ജില്ല, പട്ടാമ്പി മണ്ഡലം കമ്മിറ്റി ഭാരവാഹികളും ഫൈസൽ ആലത്തൂർ, മലപ്പുറം ജില്ലാ കെ.എം.സി.സി വെൽഫെയർ വിങ്​ ചെയർമാൻ റഫീഖ് പുല്ലൂർ, ജനറൽ കൺവീനർ ശറഫ് പുളിക്കൽ എന്നിവരും രംഗത്തുണ്ട്.