ഹൃദയാഘാതം: തൃശൂർ സ്വദേശി സൗദിയിൽ മരിച്ചു

ജിസാൻ: ഹൃദയാഘാതത്തെതുടർന്ന് തൃശൂർ സ്വദേശി സൗദിയിലെ ബൈഷിൽ മരിച്ചു. വെസ്റ്റ് ചേർപ്പ് സ്വദേശി സത്യൻ (60) ആണ് മരിച്ചത്. ഉച്ച ഭക്ഷണം കഴിച്ച്​ വിശ്രമിക്കുന്നതിനിടയിൽ പെട്ടെന്ന് നെഞ്ചു വേദന അനുഭവപ്പെട്ടതിനെ തുടർന്ന് ബൈഷ് ജനറൽ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.

പത്തു വർഷമായി ബൈഷിലെ ഷെല്ലാൽ മിനി സ്റ്റോറിൽ ജോലി ചെയ്തു വരികയായിരുന്നു. 30 വർഷമായി ജിസാനിൽ പ്രവാസിയാണ്.

പിതാവ്: മണിയാംപറമ്പിൽ കൃഷ്ണൻ നായർ, മാതാവ്: മാധവി അമ്മ. ഭാര്യ: ഇന്ദിര. രണ്ടു പെൺമക്കൾ ഉണ്ട്. ബൈഷ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിൽ കൊണ്ടുപോകാനുള്ള നടപടിക്രമങ്ങൾ പുരോഗമിക്കുന്നു.