സ്വിമ്മിങ്​ പൂളിൽ കുളിക്കുന്നതിനിടെ ഹൃദയാഘാതം; കായംകുളം സ്വദേശി റിയാദിൽ മരിച്ചു

റിയാദ്: സ്വിമ്മിങ്​ പൂളിൽ കുളിക്കുന്നതിനിടെ ഹൃദയാഘാതമുണ്ടായി ആലപ്പുഴ കായംകുളം സ്വദേശി മരിച്ചു. വരമ്പത്തു വീട്ടിൽ ആഷിഖ് (25) ആണ് മരിച്ചത്. കൂട്ടുകാരുമൊപ്പം റിയാദ്​ എക്‌സിറ്റ് ഒമ്പതിലെ വിനോദ കേ​ന്ദ്രത്തിലെ (ഇസ്തിറാഹ) സ്വിമ്മിങ്​ പൂളിൽ കുളിക്കുന്നതിനിടെയായിരുന്നു സംഭവം.

ഉടൻ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു. മൂന്നര വർഷമായി സൗദിയിലുള്ള ആഷിഖ് ഒന്നര വർഷം മുമ്പാണ് അവസാനമായി നാട്ടിൽ പോയി മടങ്ങിയത്. അൽ ഫുർസൻ കമ്പനിയിലെ ജീവനക്കാരാനായിരുന്നു. അവിവാഹിതനാണ്.

പിതാവ്: മുഹമ്മദ്‌ സഫീർ. മാതാവ്: സജി മോൾ. സഹോദരി: ഫാത്തിമ. മൃതദേഹം ആസ്​റ്റർ ആശുപത്രി മോർച്ചറിയിൽ.

മൃതദേഹം റിയാദിൽ ഖബറടക്കുന്നതിന് നടപടികൾക്ക് റാഫി, മരുമകൻ, സുഹൈൽ, കെ.എം.സി.സി വെൽഫെയർ വിങ് ചെയർമാൻ സിദ്ദിഖ് തൂവൂർ, ഫിറോസ് ഖാൻ കൊട്ടിയം എന്നിവർ രംഗത്തുണ്ട്.