മുസ്ലിം വേൾഡ് സെക്രട്ടറി ജനറലിന് ഓണററി ഡോക്ടറേറ്റ് നൽകി മലയ സർവകലാശാല
text_fieldsമുസ്ലിം വേൾഡ് ലീഗ് സെക്രട്ടറി ജനറൽ ഡോ. മുഹമ്മദ് അൽഇസയെ മലേഷ്യയിലെ മലയ സർവകലാശാല ഓണററി ഡോക്ടറേറ്റ് നൽകി ആദരിച്ചപ്പോൾ
മക്ക: മുസ്ലിം വേൾഡ് ലീഗ് സെക്രട്ടറി ജനറൽ ഡോ. മുഹമ്മദ് അൽഇസയെ മലേഷ്യയിലെ മലയ സർവകലാശാല പൊളിറ്റിക്കൽ സയൻസിൽ ഓണററി ഡോക്ടറേറ്റ് നൽകി ആദരിച്ചു. ഇസ്ലാമിക നയതന്ത്രത്തിൽ അദ്ദേഹത്തിന്റെ അസാധാരണമായ സംഭാവനകളെ ബഹുമാനിച്ചാണിത്. അവാർഡുദാനച്ചടങ്ങിൽ മലേഷ്യൻ പ്രധാനമന്ത്രി അൻവർ ഇബ്രാഹിം പങ്കെടുത്തു. അൽഇസക്ക് ഓണററി ബിരുദം നൽകിയതിൽ മലയ പ്രോ-ചാൻസലർ ഡോ. ഐഷാ ഓങ് അഭിമാനം പ്രകടിപ്പിച്ചു.
ഇസ്ലാമിക ലോകത്ത് വലിയ ബഹുമാനവും വിശ്വാസവും ആസ്വദിക്കുന്ന ശക്തമായ മത സ്വാധീനമുള്ള ഒരു പ്രമുഖ വ്യക്തിയാണ് അൽഈസയെന്ന് പ്രോ-ചാൻസലർ വിശേഷിപ്പിച്ചു. ഇത്രയും പ്രശസ്തമായ ഒരു സർവകലാശാലയിൽനിന്ന് ബിരുദം നേടിയതിന് മുസ്ലിം വേൾഡ് സെക്രട്ടറി ജനറൽ മറുപടി പ്രസംഗത്തിൽ നന്ദി രേഖപ്പെടുത്തി. ഇസ്ലാമിന്റെ സഹിഷ്ണുതയുടെ തത്ത്വങ്ങൾ പ്രചരിപ്പിക്കുന്നതിനും എല്ലാവരുമായും സംഭാഷണവും സഹകരണവും പ്രോത്സാഹിപ്പിക്കുന്നതിനും സമർപ്പിച്ചിരിക്കുന്ന മുസ്ലിംവേൾഡ് ലീഗിന് ഈ ബഹുമതി സമർപ്പിക്കുന്നതായി അദ്ദേഹം പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.