ആശുപത്രിക്ക്​ നേരെ  ഹൂതി ഷെല്ലാക്രമണം

റിയാദ്​: അതിർത്തി മേഖലയിലെ ആശുപത്രിക്ക്​ നേരെ യമനിൽ നിന്ന്​ ഹൂതി വിമതരുടെ ഷെല്ലാക്രമണം. 
ആശുപത്രിക്കും സമീപത്തെ വാസമേഖലയിലെ കെട്ടിടങ്ങൾക്കും കേടുപാടുകൾ പറ്റി. രണ്ടുപേർക്ക്​ നിസ്സാര പരിക്കേറ്റു. നജ്​റാനിലാണ്​ വ്യാഴം വൈകി​േട്ടാടെയാണ്​ സംഭവം. ​

പ്രവിശ്യയിലെ പ്രധാന വാസമേഖലയിലാണ്​ ഷെല്ലുകൾ പതിച്ചത്​. ആശുപത്രിക്ക്​ നേരെയുണ്ടായ ആക്രമണത്തിൽ ഒ​േട്ടറെ ഉപകരണങ്ങൾ നശിക്കുകയും കെട്ടിടത്തിന്​ ഭാഗികമായി കേടുപാടുകൾ സംഭവിക്കുകയും ചെയ്​തു. നഗരത്തി​​​െൻറ മറ്റൊരുഭാഗത്ത്​ വീണ ഷെല്ലിൽ നിന്നാണ്​ രണ്ടുപേർക്ക്​ നിസാര പരിക്കേറ്റതെന്ന്​ നജ്​റാൻ സിവിൽ ഡിഫൻസ്​ വക്​താവ്​ കാപ്​റ്റൻ അബ്​ദുല്ല സഇൗദ്​ അൽ ഫറാഇൗ അറിയിച്ചു.