സൗദിയിലേക്ക് ഹൂതി ആക്രമണം; സഖ്യസേന വിഫലമാക്കി

ജിദ്ദ: ദക്ഷിണ സൗദിയിലെ ഖമീസ് മുശൈത്ത് ലക്ഷ്യമാക്കി വന്ന ഡ്രോൺ തകർത്തതായി സൗദി സഖ്യസേന അറിയിച്ചു. ഞായറാഴ്ച രാവിലെയാണ് ഹൂതികളുടെ ഡ്രോൺ ആക്രമണം.

ശനിയാഴ്ച അബ്ഹയിലേക്കും ഖമീസ് മുശൈത്തിലേക്കും യമനിലെ വിമതവിഭാഗമായ ഹൂതികളുടെ ഡ്രോൺ ആക്രണം ഉണ്ടായിരുന്നു. രണ്ടും സൗദി വ്യോമ പ്രതിരോധ സംവിധാനം ഉപയോഗിച്ച് തകർത്തിരുന്നു.

ജനവാസ മേഖലകളും വിമാനത്താവളങ്ങളും ലക്ഷ്യമാക്കി ഹൂതികൾ ഇറാൻ സഹായേത്താടെ നടത്തുന്ന ഭീകരാക്രമണങ്ങൾ തുടരുകയാണെന്ന് സഖ്യസേന വക്താവ് പറഞ്ഞു.