ഹൈ​ദ​ര​ലി ശി​ഹാ​ബ് ത​ങ്ങ​ൾ സി​ൻ​സി​യൊ​റി​റ്റി അ​വാ​ർ​ഡ് മാ​ഹീ​ൻ വി​ഴി​ഞ്ഞ​ത്തി​ന്

ദ​മ്മാം: പൊ​തു​പ്ര​വ​ർ​ത്ത​ന​ത്തി​ലെ ആ​ത്മാ​ർ​ഥ​ത​ക്കും സേ​വ​ന​മി​ക​വി​നും ക്രി​യാ​ത്മ​ക മാ​ന​ത്തി​നും ജ​ന​സ​മ്മ​തി​ക്കു​മു​ള്ള മി​ക​വാ​ർ​ന്ന അം​ഗീ​കാ​ര​മാ​യി സ​മ​സ്ത ഇ​സ്​​ലാ​മി​ക് സെൻറ​ർ ദ​മ്മാം സെ​ൻ​ട്ര​ൽ ക​മ്മി​റ്റി പാ​ണ​ക്കാ​ട് ഹൈ​ദ​ര​ലി ശി​ഹാ​ബ് ത​ങ്ങ​ളു​ടെ സ്മ​ര​ണാ​ർ​ഥം ഏ​ർ​പ്പെ​ടു​ത്തി​യ എ​സ്.​ഐ.​സി സി​ൻ​സി​യൊ​റി​റ്റി അ​വാ​ർ​ഡി​ന് മാ​ഹീ​ൻ വി​ഴി​ഞ്ഞ​ത്തെ തി​ര​ഞ്ഞെ​ടു​ത്തു. കോ​ഴി​ക്കോ​ട് ഖാ​ദി​യും സു​ന്നി യു​വ​ജ​ന സം​ഘം സം​സ്ഥാ​ന ജ​ന​റ​ൽ സെ​ക്ര​ട്ട​റി​യു​മാ​യ മു​ഹ​മ്മ​ദ്‌ കോ​യ ജ​മ​ലു​ല്ലൈ​ലി, സം​സ്ഥാ​ന പ്ര​സി​ഡ​ൻ​റ്​ പാ​ണ​ക്കാ​ട് ഹ​മീ​ദ​ലി ശി​ഹാ​ബ് ത​ങ്ങ​ൾ തു​ട​ങ്ങി​യ​വ​ർ അം​ഗ​ങ്ങ​ളാ​യ ജൂ​റി​യാ​ണ് അ​വാ​ർ​ഡ് ജേ​താ​വി​നെ തി​ര​ഞ്ഞെ​ടു​ത്ത​ത്.

കാ​ൽ നൂ​റ്റാ​ണ്ടി​ല​ധി​ക​മാ​യി സൗ​ദി അ​റേ​ബ്യ​യി​ലെ പ്ര​വാ​സി​ക​ൾ​ക്കി​ട​യി​ൽ സ​മ​സ്ത കേ​ര​ള മു​സ്​​ലിം ക​ൾ​ച​റ​ൽ സെൻറ​ർ, തി​രു​വ​ന​ന്ത​പു​രം സി.​എ​ച്ച്​ സെൻറ​ർ മു​ത​ലാ​യ സം​ഘ​ട​ന​ക​ളി​ലൂ​ടെ അ​ദ്ദേ​ഹം ന​ട​ത്തി​യ ആ​ത്മാ​ർ​ഥ സേ​വ​ന​ങ്ങ​ളെ മു​ൻ​നി​ർ​ത്തി​യാ​ണ് അ​വാ​ർ​ഡി​ന് തി​ര​ഞ്ഞെ​ടു​ത്ത​തെ​ന്ന്​ ജൂ​റി പാ​ന​ൽ അ​റി​യി​ച്ചു. 50,001 രൂ​പ​യും ഫ​ല​ക​വും പ്ര​ശ​സ്​​ത പ​ത്ര​വു​മ​ട​ങ്ങു​ന്ന അ​വാ​ർ​ഡ് മാ​ർ​ച്ച് ആ​ദ്യ​വാ​രം ദ​മ്മാ​മി​ൽ ന​ട​ക്കു​ന്ന പൊ​തു​പ​രി​പാ​ടി​യി​ൽ സ​മ്മാ​നി​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.