ഇടുക്കി സ്വദേശി ദമാമില്‍ കൊവിഡ് ബാധിച്ചു മരിച്ചു

ദമ്മാം: മലയാളി ദമ്മാമിൽ കോവിഡ്​ ബാധിച്ച്​ മരിച്ചു. ഇടുക്കി രാമക്കൽമേട്, കല്ലാർ പട്ടം കോളനി സ്വദേശി പനവിളയിൽ കോമളൻ കുട്ടപ്പൻ (58) ആണ്​ മരിച്ചത്​. 35 വർഷമായി പ്രവാസിയായ ഇദ്ദേഹം ഒരു സ്വകാര്യ കമ്പനിയിൽ മെയിൻറനൻസ് കോൺട്രാക്​റ്റ്​ ജോലി ചെയ്തുവരികയായിരുന്നു.

ഇടുക്കി രാമക്കൽമേട്‌ ലിമോൺ റിസോർട്സ് ഉടമകൂടിയായ ഇദ്ദേഹം ദമ്മാമിലെ സാമൂഹിക രംഗത്തെ സജീവ സാന്നിധ്യമായിരുന്നു. കഴിഞ്ഞ രണ്ടാഴ്ചയായി ന്യുമോണിയ ബാധിച്ചതിനെ തുടര്‍ന്ന് ദമ്മാം സെന്‍ട്രല്‍ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്നു. കോവിഡ് പരിശോധനയില്‍ പോസിറ്റീവ് സ്ഥിരീകരിച്ചിരുന്നു. വെള്ളിയാഴ്​ച രാത്രിയോടെ ആരോഗ്യ സ്ഥിതി വഷളാവുകയും ശനിയാഴ്​ച പുലര്‍ച്ചയോടെ മരണം സംഭവിക്കുകയുമായിരുന്നു.

ഭാര്യ: ബിന്ദു, മക്കള്‍: സരിഗ, സരിൻ. മരുമകൻ: രാഹുൽ. ദമ്മാം മെഡിക്കല്‍ കോംപ്ലക്​സ്​ മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം സംസ്ക്കരിക്കുന്നതിനുള്ള നടപടിക്രമങ്ങള്‍ സാമൂഹിക പ്രവര്‍ത്തകന്‍ നാസ് വക്കത്തി​െൻറ നേതൃത്വത്തില്‍ പുരോഗമിക്കുന്നു.