സാംസ്കാരിക മേഖലയിൽ ഇന്ത്യയുമായി സഹകരണ സാധ്യത ചർച്ചചെയ്തു
text_fieldsബഹ്റൈൻ പാരമ്പര്യ, സാംസ്കാരിക അതോറിറ്റി ചെയർപേഴ്സൻ ശൈഖ മയ് ബിൻത് മുഹമ്മദ് ആൽ ഖലീഫ ഇന്ത്യൻ അംബാസഡർ പിയൂഷ് ശ്രീവാസ്തവയുമായി കൂടികാഴ്ച നടത്തുന്നു
മനാമ: സാംസ്കാരിക മേഖലയിൽ ഇന്ത്യയുമായി സഹകരിക്കുന്നതിനുള്ള സാധ്യതകൾ ബഹ്റൈൻ പാരമ്പര്യ, സാംസ്കാരിക അതോറിറ്റി ചെയർപേഴ്സൻ ശൈഖ മയ് ബിൻത് മുഹമ്മദ് ആൽ ഖലീഫ ആരാഞ്ഞു.
ബഹ്റൈനിലെ ഇന്ത്യൻ അംബാസഡർ പിയൂഷ് ശ്രീവാസ്തവയെ സ്വീകരിക്കുകയായിരുന്നു അവർ. സാംസ്കാരിക രംഗത്ത് ഇന്ത്യയുടെ സംഭാവനകൾ വളരെ വലുതാണെന്നും അവ തമ്മിലുള്ള പാരസ്പര്യം കാലങ്ങളായി സൂക്ഷിച്ചുവരുന്നുണ്ടെന്നും അവർ പറഞ്ഞു.
ബഹ്റൈനും ഇന്ത്യയും തമ്മിലുള്ള നയതന്ത്ര ബന്ധത്തിന്റെ 50 വർഷം പൂർത്തിയായ വേളയും അവർ അനുസ്മരിച്ചു. ബഹ്റൈനിൽ നടപ്പാക്കുന്ന വിവിധ സാംസ്കാരിക പരിപാടികളിൽ ഇന്ത്യൻ എംബസിയുടെ സഹകരണം അംബാസഡർ വാഗ്ദാനം ചെയ്തു.
ഇരുരാജ്യങ്ങളിൽനിന്നുമുള്ള കലാകാരന്മാരെ ഉൾപ്പെടുത്തിയുള്ള പരിപാടികൾ ആവിഷ്കരിക്കുന്നതിനുള്ള സാധ്യതകളും ചർച്ചയായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.