ഇന്ത്യൻ കോൺസുൽ ജനറൽ സൗദി സാമൂഹിക വികസ മന്ത്രാലയം ജിദ്ദ ആസ്ഥാനം സന്ദർശിച്ചു

ജിദ്ദ: മക്ക മേഖല മാനവവിഭവശേഷി, സാമൂഹിക വികസ മന്ത്രാലയ ബ്രാഞ്ച്​ ഓഫീസ്​ ഇന്ത്യൻ കോൺസുൽ ജനറൽ മുഹമ്മദ്​ ശാഹിദ്​ ആലം സന്ദർശിച്ചു. ജിദ്ദയിലെ ആസ്ഥാനത്തെത്തിയ കോൺസുൽ ജനറലിനെയും സംഘത്തെയും മാനവ വിഭവശേഷി സാമൂഹിക വികസന ഓഫീസ്​ മേധാവി ഫഹദ്​ റഷീദ്​ ബിൻ റഖൂശ്​ സ്വീകരിച്ചു.

സ്വീകരണ വേളയിൽ പൊതു താൽപ്പര്യമുള്ള, പ്രത്യേകിച്ച് തൊഴിൽ കാര്യങ്ങളുമായി ബന്ധപ്പെട്ട വിവിധ പ്രശ്നങ്ങൾ ഇരുവരും ചർച്ച നടത്തി. ഇന്ത്യൻ തൊഴിലാളികളുടെ ക്ഷേമത്തിനായി മാനവ വിഭവശേഷി സാമൂഹിക വികസന ഓഫീസിന്റെ പിന്തുണക്ക് കോൺസുൽ ജനറൽ അഭിനന്ദനം അറിയിച്ചു.