ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​ൻ യൂ​സു​ഫ്​ കാ​ക്ക​ഞ്ചേ​രി​ക്ക് യാ​ത്ര​യ​യ​പ്പ്

റി​യാ​ദ്: ഇ​ന്ത്യ​ൻ എം​ബ​സി​യി​ൽ കാ​ൽ നൂ​റ്റാ​ണ്ട് സേ​വ​നം പൂ​ർ​ത്തി​യാ​ക്കി മ​ല​പ്പു​റം കാ​ക്ക​ഞ്ചേ​രി സ്വ​ദേ​ശി യൂ​സു​ഫ്​ മ​ട​ങ്ങു​ന്നു. അം​ബാ​സ​ഡ​ർ ഡോ. ​സു​ഹൈ​ൽ അ​ജാ​സ്​ ഖാ​ൻ ഉ​ൾ​പ്പെ​ടെ മു​തി​ർ​ന്ന ഉ​ദ്യോ​സ്ഥ​രു​ടെ സാ​ന്നി​ധ്യ​ത്തി​ൽ എം​ബ​സി അ​ങ്ക​ണ​ത്തി​ൽ ഒ​രു​ക്കി​യ ച​ട​ങ്ങി​ൽ യാ​ത്ര​യ​യ​പ്പ് ന​ൽ​കി. അം​ബാ​സ​ഡ​ർ ഓ​ർ​മ​ഫ​ല​കം സ​മ്മാ​നി​ച്ചു.

മ​ല​യാ​ളി​ക​ൾ ഉ​ൾ​പ്പെ​ടെ സൗ​ദി​യി​ലെ ഇ​ന്ത്യ​ക്കാ​ർ​ക്ക് വേ​ണ്ടി സ​ദാ സേ​വ​ന​സ​ന്ന​ദ്ധ​നാ​യി​രു​ന്ന യൂ​സു​ഫ്​ വി​വി​ധ കേ​സു​ക​ളി​ൽ​പെ​ട്ട്​ ജ​യി​ലി​ൽ ക​ഴി​യു​ന്ന​വ​ർ​ക്ക്​ നി​യ​മാ​നു​സൃ​ത സ​ഹാ​യം ല​ഭ്യ​മാ​ക്കാ​ൻ കോ​ട​തി​യി​ലും ജ​യി​ലു​ക​ളി​ലു​മെ​ത്താ​റു​ണ്ട്. ഏ​റെ ച​ർ​ച്ച ചെ​യ്യ​പ്പെ​ട്ട കോ​ഴി​ക്കോ​ട് കോ​ട​മ്പു​ഴ സ്വ​ദേ​ശി അ​ബ്​​ദു​ൽ റ​ഹീ​മി​​ന്റെ കേ​സു​മാ​യി ബ​ന്ധ​പ്പെ​ട്ട് 2006 മു​ത​ൽ നീ​ണ്ട 18 വ​ർ​ഷം ജ​യി​ലി​ലും കോ​ട​തി​യി​ലു​മെ​ല്ലാം എം​ബ​സി​യു​ടെ പ്ര​തി​നി​ധി​യാ​യി ഇ​ട​പെ​ട്ടി​രു​ന്ന​തും അ​ദ്ദേ​ഹ​മാ​ണ്. മു​ൻ ഉ​പ​രാ​ഷ്​​ട്ര​പ​തി​യും സൗ​ദി​യി​ലെ ഇ​ന്ത്യ​ൻ അം​ബാ​സ​ഡ​റു​മാ​യി​രു​ന്ന ഹാ​മി​ദ​ലി അ​ൻ​സാ​രി, ക​മാ​ലു​ദ്ദീ​ൻ അ​ഹ്മ​ദ്, എം.​ഒ.​എ​ച്ച്. ഫാ​റൂ​ഖ്, ത​ൽ​മീ​സ് അ​ഹ്മ​ദ്, ഹ​മീ​ദ് അ​ലി റാ​വു, അ​ഹ്മ​ദ് ജാ​വേ​ദ്, ഡോ. ​ഔ​സാ​ഫ് സ​ഈ​ദ്, ഡോ. ​സു​ഹൈ​ൽ അ​ജാ​സ്ഖാ​ൻ എ​ന്നീ അം​ബാ​സ​ഡ​ർ​മാ​രോ​ടൊ​പ്പം സേ​വ​ന​മ​നു​ഷ്ഠി​ച്ചി​ട്ടു​ണ്ട്.

എം​ബ​സി​യി​ലെ ച​ട​ങ്ങി​ൽ, വി​ര​മി​ച്ച മ​റ്റ്​ ഉ​ദ്യോ​ഗ​സ്​​ഥ​രാ​യ ശി​വാ​ങ്​ സി​ങ്​ റാ​വ​ത്ത്, ദീ​പ​ക്​ യാ​ദ​വ്, റ​ഈ​സ്​ അ​ഹ്മ​ദ്, ഷാ​ബു​ദ്ദീ​ൻ എ​ന്നി​വ​ർ​ക്കും യാ​ത്ര​യ​യ​പ്പ്​ ന​ൽ​കി.