സൗദിയിൽ നിന്ന്​ അന്താരാഷ്​ട്ര വിമാനസർവിസ്:​ തീയതി നിശ്ചയിച്ചിട്ടില്ല​

​ജിദ്ദ: അന്താരാഷ്​ട്ര വിമാനസർവിസ്​ പുനരാരംഭിക്കുന്നത്​ സംബന്ധിച്ച്​ സൗദി അറേബ്യ തീരുമാനമെടുത്തിട്ടില്ലെന്ന്​ അധികൃതർ. സർവീസ്​ വീണ്ടും ആരംഭിക്കുന്നതിനുള്ള​ തീയതി നിശ്ചയിച്ചിട്ടില്ലെന്ന്​ സൗദി സിവിൽ ഏവിയേഷൻ അതോറിറ്റിയാണ്​ അറിയിച്ചത്​.

വിമാന സർവിസ്​ ആരംഭിക്കുന്നത്​ സംബന്ധിച്ച്​ വ്യാജ പ്രചരണം നടക്കുന്നത്​ ശ്രദ്ധയിൽപെട്ട സാഹചര്യത്തിലാണ്​ ഒൗദ്യോഗിക ട്വീറ്ററിലൂടെയാണ്​ ഇക്കാര്യം അറിയിച്ചത്​. ബന്ധപ്പെട്ട വകുപ്പുകൾ വിലയിരുത്തലുകൾ നടത്തി അതി​െൻറ അടിസ്ഥാനത്തിലാവും സർവിസ്​ ആരംഭിക്കാനുള്ള തീരുമാനമെടുക്കുക. നിലവിൽ ഇതുവരെ തീയതി നിർണയിച്ചിട്ടില്ല.

സർവിസ്​ ഉടൻ ആരംഭിക്കുമെന്ന നിലയിൽ നടക്കുന്ന പ്രചാരണങ്ങൾ അടിസ്ഥാനരഹിതമാണ്​. ഒൗദ്യോഗിക ഉറവിടങ്ങളിൽ നിന്ന്​ വരുന്ന വാർത്തകളും വിവരങ്ങളും​ മാത്രമേ വിശ്വസിക്കാൻ പാടുള്ളൂവെന്നും അതല്ലാത്ത വ്യാജ, ഉൗഹ വാർത്തകൾ പ്രചരിപ്പിക്കരുതെന്നും സിവിൽ ഏവിയേഷൻ അതോറിറ്റി ജനങ്ങളോട്​ ആവശ്യപ്പെട്ടു.