പ​രി​ശോ​ധ​ന തു​ട​രു​ന്നു: കഴിഞ്ഞയാഴ്​ച പിടിയിലായത് 14,000ത്തോളം നിയമലംഘകർ

ജി​ദ്ദ: സൗ​ദി​യി​ൽ നി​യ​മ​ലം​ഘ​ക​രെ പി​ടി​കൂ​ടാ​നു​ള്ള പ​രി​ശോ​ധ​ന ആ​ഭ്യ​ന്ത​ര​മ​ന്ത്രാ​ല​യം ക​ർ​ശ​ന​മാ​യി തു​ട​രു​ക​യാ​ണ്. ക​ഴി​ഞ്ഞ​യാ​ഴ്​​ച സു​ര​ക്ഷാ​സേ​ന​യു​ടെ വി​വി​ധ യൂ​നി​റ്റു​ക​ളും ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് പാ​സ്‌​പോ​ർ​ട്ടും (ജ​വാ​സ​ത്ത്) ന​ട​ത്തി​യ സം​യു​ക്ത ഫീ​ൽ​ഡ് പ​രി​ശോ​ധ​ന​യി​ൽ രാ​ജ്യ​ത്തി‍ന്റെ വി​വി​ധ പ്ര​ദേ​ശ​ങ്ങ​ളി​ൽ​നി​ന്ന് 14,600 ഓ​ളം പേ​രെ​യാ​ണ് പി​ടി​കൂ​ടി​യ​ത്. അ​റ​സ്റ്റി​ലാ​യ​വ​രി​ൽ 8000 താ​മ​സ നി​യ​മ ലം​ഘ​ക​രും 4700 അ​തി​ർ​ത്തി സു​ര​ക്ഷാ​ച​ട്ട ലം​ഘ​ക​രും 1942 ലേ​റെ തൊ​ഴി​ൽ​നി​യ​മ ലം​ഘ​ക​രും ഉ​ൾ​പ്പെ​ടു​ന്നു. രാ​ജ്യ​ത്തേ​ക്ക് അ​ന​ധി​കൃ​ത​മാ​യി അ​തി​ർ​ത്തി ക​ട​ക്കാ​ൻ ശ്ര​മി​ക്കു​ന്ന​തി​നി​ടെ മൊ​ത്തം 428 പേ​ർ അ​റ​സ്റ്റി​ലാ​യി.

ഇ​വ​രി​ൽ 40 ശ​ത​മാ​നം യ​മ​ൻ പൗ​ര​ന്മാ​രും 55 ശ​ത​മാ​നം ഇ​ത്യോ​പ്യ​ക്കാ​രും അ​ഞ്ച് ശ​ത​മാ​നം മ​റ്റ് രാ​ജ്യ​ക്കാ​രു​മാ​ണ്. 86 പേ​ർ രാ​ജ്യ​ത്തി‍ന്റെ അ​തി​ർ​ത്തി ക​ട​ന്ന് ര​ക്ഷ​പ്പെ​ടാ​ൻ ശ്ര​മി​ച്ച​തി​നും അ​റ​സ്റ്റി​ലാ​യി. നി​യ​മ​ലം​ഘ​ക​ർ​ക്ക് വി​വി​ധ സ​ഹാ​യ​ങ്ങ​ൾ ന​ൽ​കി​യ 12 പേ​രെ​യും സു​ര​ക്ഷാ​സേ​ന അ​റ​സ്റ്റ് ചെ​യ്തു. രാ​ജ്യ​ത്ത് നി​യ​മ​ലം​ഘ​ക​രെ പി​ടി​കൂ​ടാ​നു​ള്ള പ​രി​ശോ​ധ​ന ക​ർ​ശ​ന​മാ​ക്കി​യ​തി​ന് ശേ​ഷം ആ​കെ പി​ടി​യി​ലാ​യ​വ​രു​ടെ എ​ണ്ണം ഒ​രു ല​ക്ഷം ക​വി​ഞ്ഞു.

ഇ​വ​രി​ൽ 88,000ത്തി​ല​ധി​കം പു​രു​ഷ​ന്മാ​രും 11,000ത്തി​ല​ധി​കം സ്ത്രീ​ക​ളു​മാ​ണ്. പി​ടി​ക്ക​പ്പെ​ട്ട വി​ദേ​ശി​ക​ളി​ൽ 87,000ത്തി​ല​ധി​കം നി​യ​മ​ലം​ഘ​ക​രെ അ​വ​രു​ടെ യാ​ത്രാ​രേ​ഖ​ക​ൾ ല​ഭി​ക്കു​ന്ന​തി​ന് അ​ത​ത് രാ​ജ്യ​ത്തെ ന​യ​ത​ന്ത്ര​കാ​ര്യാ​ല​യ ഓ​ഫി​സു​ക​ളി​ലേ​ക്ക് റ​ഫ​ർ ചെ​യ്തു. 8000ത്തി​ല​ധി​കം പേ​രെ ഇ​തി​നോ​ട​കം അ​വ​രു​ടെ നാ​ടു​ക​ളി​ലേ​ക്ക് തി​രി​ച്ച​യ​ച്ചു. 2949 പേ​രെ നി​ല​വി​ൽ തി​രി​ച്ച​യ​ക്കാ​നു​ള്ള ത​യാ​റെ​ടു​പ്പി​ലു​മാ​ണ്.

അ​തി​ർ​ത്തി സു​ര​ക്ഷാ​ച​ട്ട​ങ്ങ​ൾ ലം​ഘി​ച്ച് ആ​ർ​ക്കെ​ങ്കി​ലും രാ​ജ്യ​ത്തേ​ക്ക് പ്ര​വേ​ശി​ക്കാ​ൻ സൗ​ക​ര്യ​മൊ​രു​ക്കു​ക​യോ യാ​ത്രാ​സൗ​ക​ര്യ​മോ അ​ഭ​യ​മോ ഏ​തെ​ങ്കി​ലും വി​ധ​ത്തി​ൽ സ​ഹാ​യ​മോ സേ​വ​ന​മോ ന​ൽ​കു​ക​യോ ചെ​യ്താ​ൽ 15 വ​ർ​ഷം വ​രെ ത​ട​വു​ശി​ക്ഷ ല​ഭി​ക്കു​മെ​ന്ന് ആ​ഭ്യ​ന്ത​ര​മ​ന്ത്രാ​ല​യം മു​ന്ന​റി​യി​പ്പ് ന​ൽ​കി. ഒ​പ്പം 10 ല​ക്ഷം റി​യാ​ൽ വ​രെ പി​ഴ​യും അ​വ​രു​ടെ പേ​രു​ക​ൾ പ്രാ​ദേ​ശി​ക മാ​ധ്യ​മ​ങ്ങ​ളി​ൽ പ​ര​സ്യ​പ്പെ​ടു​ത്തു​ക​യും ഇ​വ​ർ അ​ന​ധി​കൃ​ത ക​ട​ത്തി​ന് ഉ​പ​യോ​ഗി​ച്ച വാ​ഹ​ന​ങ്ങ​ൾ, താ​മ​സ​ത്തി​നാ​യി ഉ​പ​യോ​ഗി​ച്ച വ​സ​തി​ക​ൾ എ​ന്നി​വ ക​ണ്ടു​കെ​ട്ടു​ക​യും ചെ​യ്യും. ഇ​ത്ത​ര​ത്തി​ൽ നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ മ​ക്ക, റി​യാ​ദ് എ​ന്നീ പ്ര​വി​ശ്യ​ക​ളി​ൽ​നി​ന്നു​ള്ള​വ​ർ 911 എ​ന്ന ന​മ്പ​റി​ലും മ​റ്റു​ള്ള പ്ര​വി​ശ്യ​യി​ൽ​നി​ന്നു​ള്ള​വ​ർ 999, 996 എ​ന്നീ ന​മ്പ​റു​ക​ളി​ൽ ഒ​ന്നി​ലും വി​ളി​ച്ച​റി​യി​ക്ക​ണ​മെ​ന്ന് സൗ​ദി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.