വർഷം ആറ് ലക്ഷം ടൺ മത്സ്യ-മാംസാദികൾ പാഴാകുന്നതായി റിപ്പോർട്ട്

റി​യാ​ദ്: സൗ​ദി അ​റേ​ബ്യ​യി​ൽ പ്ര​തി​വ​ർ​ഷം ആ​റ് ല​ക്ഷം ട​ൺ മ​ത്സ്യ​മാം​സാ​ദി​ക​ൾ പാ​ഴാ​കു​ന്ന​താ​യി ജ​ന​റ​ൽ ഫു​ഡ് സെ​ക്യൂ​രി​റ്റി അ​തോ​റി​റ്റി​യു​ടെ (ജി.​എ​ഫ്.​എ​സ്.​എ) റി​പ്പോ​ർ​ട്ട്. ഭ​ക്ഷ്യ​ന​ഷ്​​ട​വും മാ​ലി​ന്യ​വും കു​റ​ക്കു​ന്ന​തി​നു​ള്ള ദേ​ശീ​യ പ​രി​പാ​ടി ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട പ​ഠ​ന​ത്തി​നി​ടെ​യാ​ണ് ജി.​എ​ഫ്.​എ​സ്.​എ ഇ​ക്കാ​ര്യം വ്യ​ക്ത​മാ​ക്കി​യ​ത്. ഈ ​പ്ര​തി​ഭാ​സം കു​റ​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ അ​തോ​റി​റ്റി ആ​ഹ്വാ​നം ചെ​യ്തു.

സൗ​ദി​യി​ലെ പ്ര​ധാ​ന ഭ​ക്ഷ​ണ​ങ്ങ​ളി​ൽ​പെ​ട്ട​താ​ണ് മാം​സ​മെ​ങ്കി​ലും വ​ലി​യ അ​ള​വി​ൽ ഇ​ത് പാ​ഴാ​ക്ക​പ്പെ​ടു​ന്നു​ണ്ടെ​ന്ന് ജി.​എ​ഫ്.​എ​സ്.​എ വ്യ​ക്ത​മാ​ക്കി. 4.44 ല​ക്ഷം ട​ണ്ണി​ല​ധി​കം കോ​ഴി​യി​റ​ച്ചി​യും 22,000 ട​ണ്ണി​ല​ധി​കം ആ​ടു​ക​ളു​ടെ മാം​സ​വും 13,000 ട​ണ്ണി​ല​ധി​കം ഒ​ട്ട​ക​മാം​സ​വും പാ​ഴാ​ക്ക​പ്പെ​ടു​ന്നു​ണ്ട്. 41,000 ട​ണ്ണി​ല​ധി​കം മാ​ട്ടി​റ​ച്ചി​യും 69,000 ട​ണ്ണി​ല​ധി​കം മ​ത്സ്യ​വും പാ​ഴാ​കു​ന്നു. വ​ലി​യ അ​ള​വി​ൽ ഭ​ക്ഷ​ണം വാ​ങ്ങു​ന്ന​തും ദു​രു​പ​യോ​ഗം ചെ​യ്യു​ന്ന​തും ആ​വ​ശ്യ​ത്തി​ല​ധി​കം അ​ള​വി​ൽ ഭ​ക്ഷ​ണം ത​യാ​റാ​ക്കു​ന്ന​തും പാ​ഴാ​കാ​നു​ള്ള കാ​ര​ണ​ങ്ങ​ളാ​ണ്.

ഭ​ക്ഷ്യ​ന​ഷ്​​ട​വും മാ​ലി​ന്യ​വും കു​റ​ക്കു​ന്ന​തി​നു​ള്ള ദേ​ശീ​യ പ​രി​പാ​ടി ന​ട​പ്പാ​ക്കു​ന്ന സൗ​ദി ഗ്രെ​യി​ൻ​സ് ഓ​ർ​ഗ​നൈ​സേ​ഷ​ൻ (സാ​ഗോ) ഭ​ക്ഷ്യ വൈ​വി​ധ്യ​വ​ത്ക​ര​ണ​ത്തി​​ന്റെ പ്രാ​ധാ​ന്യ​ത്തെ​ക്കു​റി​ച്ച് അ​വ​ബോ​ധം വ​ള​ർ​ത്തു​ന്ന​തി​നാ​യി ക​ഴി​ഞ്ഞ വ​ർ​ഷം മു​ത​ൽ ബോ​ധ​വ​ത്ക​ര​ണ കാ​മ്പ​യി​ൻ ആ​രം​ഭി​ച്ചി​ട്ടു​ണ്ട്.

ഉ​പ​ഭോ​ഗ​ത്തി​​ന്റെ ന​ല്ല രീ​തി​ക​ൾ പ്രോ​ത്സാ​ഹി​പ്പി​ക്കു​ക​യും ഭ​ക്ഷ​ണം പാ​ഴാ​ക്കു​ന്ന​ത് കു​റ​ക്കു​ന്ന​തി​ന് സ​ഹാ​യി​ക്കു​ക​യും പ​രി​ഹാ​ര​ങ്ങ​ൾ നി​ർ​ദേ​ശി​ക്കു​ക​യു​മാ​ണ് സാ​ഗോ ചെ​യ്യു​ന്ന​ത്. രാ​ജ്യ​ത്ത് പ്ര​തി​വ​ർ​ഷം പാ​ഴാ​ക്ക​പ്പെ​ടു​ന്ന ഭ​ക്ഷ്യ വ​സ്തു​ക്ക​ളു​ടെ മൂ​ല്യം 4,000 കോ​ടി റി​യാ​ൽ വ​രു​മെ​ന്ന് വ്യ​ക്ത​മാ​ക്കി​യ അ​തോ​റി​റ്റി ഭ​ക്ഷ്യ​മാ​ലി​ന്യ​ത്തി​​ന്റെ അ​ള​വ് മു​ൻ വ​ർ​ഷ​ത്തേ​ക്കാ​ൾ 33 ശ​ത​മാ​നം കു​റ​ഞ്ഞ​താ​യും അ​റി​യി​ച്ചു.