ഐ.​ടി.​ഇ.​ഇ റി​യാ​ദ് ചാ​പ്റ്റ​ർ സം​ഘ​ടി​പ്പി​ച്ച സൈ​ബ​ർ സെ​ക്യൂ​രി​റ്റി ഇ​വ​ൻ​റ്​ ശ്ര​ദ്ധേ​യ​മാ​യി

റി​യാ​ദ്​: ഐ.​ടി എ​ക്സ്പേ​ർ​ട്സ് ആ​ൻ​ഡ് എ​ൻ​ജി​നീ​യേ​ഴ്​​സ് റി​യാ​ദ് ചാ​പ്റ്റ​ർ ടോ​ർ​സെ​ക്യൂ​ർ സൈ​ബ​ർ സൈ​ക്യൂ​രി​റ്റി ക​മ്പ​നി​യു​മാ​യി ചേ​ർ​ന്ന് സൈ​ബ​ർ സെ​ക്യൂ​രി​റ്റി ഇ​വ​ൻ​റ്​ സം​ഘ​ടി​പ്പി​ച്ചു. മ​ല​സി​ലെ അ​ൽ​മാ​സ് ഓ​ഡി​റ്റോ​റി​യ​ത്തി​ൽ ‘​ചേ​ഞ്ച്​ ഇ​ൻ ത്ര​ട്ട്​ ലാ​ൻ​ഡ്​​സ്​​കേ​പ്​’ എ​ന്ന ശീ​ർ​ഷ​ക​ത്തി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ ടോ​ർ​സെ​ക്യൂ​ർ സ​ഹ​സ്ഥാ​പ​ക​ൻ ശൈ​ഖ്​ സ​ലീം ഉ​ദ്​​ഘാ​ട​നം നി​ർ​വ​ഹി​ച്ചു.

പ്ര​സി​ഡ​ൻ​റ്​ മു​നീ​ബ് പാ​ഴൂ​ർ അ​ധ്യ​ക്ഷ​ത വ​ഹി​ച്ചു. ജ​ന​റ​ൽ സെ​ക്ര​ട്ട​റി റ​ഫ്‌​സാ​ദ് വാ​ഴ​യി​ൽ പ​രി​പാ​ടി നി​യ​ന്ത്രി​ച്ചു. റി​യാ​ദി​ലെ നി​ര​വ​ധി ഐ.​ടി വി​ദ​ഗ്ധ​രും എ​ൻ​ജി​നീ​യ​ർ​മാ​രും പ​രി​പാ​ടി​യി​ൽ പ​ങ്കെ​ടു​ത്തു. ആ​ദ്യ സെ​ഷ​നി​ൽ ‘​ചേ​ഞ്ച്​ ഇ​ൻ ത്ര​ട്ട്​ ലാ​ൻ​ഡ്​​സ്​​കേ​പ്​’ എ​ന്ന വി​ഷ​യ​ത്തി​ൽ ന​ട​ന്ന സൈ​ബ​ർ സെ​ക്യൂ​രി​റ്റി ശി​ൽ​പ​ശാ​ല​യി​ൽ ട്രെ​ൻ​ഡ് മൈ​ക്രോ സി​സ്​​റ്റം എ​ൻ​ജി​നീ​റി​ങ് മാ​നേ​ജ​ർ അ​മീ​ർ ഖാ​ൻ സം​സാ​രി​ച്ചു.

ഐ​ടി മേ​ഖ​ല​യി​ൽ ജോ​ലി ചെ​യ്യു​ന്ന​വ​രു​ടെ സാ​ധ്യ​ത​ക​ളെ​യും തു​ട​ർ വി​ദ്യാ​ഭ്യാ​സ​ത്തി​​ന്‍റെ പ്രാ​ധാ​ന്യ​ത്തെ​യും ക​മ്പ​നി​യു​ടെ സു​ര​ക്ഷ അ​പ​ര്യാ​പ്ത​ത​യെ​യും അ​തി​നെ മ​റി​ക​ട​ക്കാ​ൻ ചെ​യ്യേ​ണ്ട മു​ൻ ക​രു​ത​ലു​ക​ളെ​യും കു​റി​ച്ച്​ അ​ദ്ദേ​ഹം വി​ശ​ദീ​ക​രി​ച്ചു.

പ​രി​പാ​ടി​യി​ൽ പ​ങ്കെ​ടു​ത്ത​വ​ർ​ക്ക് സൈ​ബ​ർ സെ​ക്യൂ​രി​റ്റി വി​ഷ​യ​ത്തി​ലു​ള്ള ഗ്രൂ​പ് ച​ർ​ച്ച​യും ചോ​ദ്യോ​ത്ത​ര സെ​ഷ​നു​മു​ണ്ടാ​യി​രു​ന്നു. മു​നീ​ബ് പാ​ഴൂ​ർ ‘ഐ.​ടി.​ഇ.​ഇ വേ ​ഫോ​ർ​വേ​ഡ്’ എ​ന്ന വി​ഷ​യ​ത്തി​ൽ കൂ​ട്ടാ​യ്മ​യു​ടെ പ്രാ​ധാ​ന്യ​വും ഭാ​വി​പ​രി​പാ​ടി​ക​ളും വി​ശ​ദീ​ക​രി​ച്ചു. ഗ്രൂ​പ് ച​ർ​ച്ച​ക​ൾ​ക്ക്​ സു​ഹാ​സ് ചെ​പ്പാ​ലി, യാ​സ​ർ ബ​ക്ക​ർ, പി.​വി. അ​മീ​ർ എ​ന്നി​വ​ർ നേ​തൃ​ത്വം ന​ൽ​കി. മു​ഹ​മ്മ​ദ് അ​ഹ​മ്മ​ദ് സ്വാ​ഗ​ത​വും എ​ൻ.​കെ. ഷ​മീം ന​ന്ദി​യും പ​റ​ഞ്ഞു.