അബഹയിൽ ജസീറ സാന്ത്വനം ഏകദിന ഫുട്ബാൾ മത്സരം: ജൂബിലി വിവ ഖമീസ് ടീം ജേതാക്കൾ
text_fieldsഅബ്ഹയിൽ ജസീറ സാന്ത്വനം കൂട്ടായ്മ സംഘടിപ്പിച്ച ഫുട്ബാൾ മത്സരത്തിൽ ജേതാക്കളായ
ജൂബിലി വിവ ഖമീസ് ടീം
അബഹ: ഖമീസ് മുശൈത്തിലെ ജസീറ സാന്ത്വനം മലയാളി കൂട്ടായ്മയുടെ 13ാം വാർഷികത്തിന്റെ ഭാഗമായി ഏകദിന ഫുട്ബാൾ മത്സരം സംഘടിപ്പിച്ചു. ദിയാഫ സ്റ്റേഡിയത്തിൽ നടന്ന മത്സരത്തിൽ ഖമീസ് മുശൈത്തിലെ എട്ടു ടീമുകൾ മാറ്റുരച്ചു. ഫൈനൽ മത്സരത്തിൽ ലൈഫ് ടൈം മെട്രോയും ജൂബിലി വിവ ഖമീസും ഏറ്റുമുട്ടിയ കളിയിൽ ലൈഫ് ടൈം മെട്രോയെ ഒന്നിനെതിരെ നാലു ഗോളുകൾക്ക് തോൽപിച്ച് ജൂബിലി വിവ ഖമീസ് ടീം ജേതാക്കളായി. വിജയികൾക്ക് അബ്ദുൽ മജീദ് ജസീറ നൽകിയ ട്രോഫിയും സാന്ത്വനം നൽകിയ പ്രൈസ് മണിയും സമ്മാനിച്ചു.
റണ്ണേഴ്സിന് ലന സ്കൂൾ നൽകിയ ട്രോഫിയും അബയാൻ ഇൻഫോടെക് നൽകിയ പ്രൈസ് മണിയും നൽകി. ഫുട്ബാൾ മത്സരത്തിൽ ലഭിച്ച വരുമാനം ലവ്ഷോറിലെ കുട്ടികൾക്കും കിടപ്പുരോഗികൾക്കും വേണ്ടി ചെലവഴിക്കുമെന്ന് സാന്ത്വനം ഭാരവാഹികൾ അറിയിച്ചു. ബാപ്പുട്ടി, യാഷിക്, ഇർഷാദ്, ഷഫീഖ്, മുൻഹിം, നവാസ്, സാദിക്ക്, ഫൈസൽ, ഫാറൂഖ്, മുജീബ്, ദിനേശൻ, റാസിഖ്, ഷിനു എന്നിവർ നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.