‘ഇ​ന്ത്യ​ൻ ആ​ൻ​ഡ് സൗ​ദി നൈ​റ്റ്’; ജി​ദ്ദ​യി​ൽ ഇ​ന്ത്യ-​സൗ​ദി ക​ലാ​സാം​സ്ക​രി​കോ​ത്സ​വം

ജി​ദ്ദ: ജി​ദ്ദ സീ​സ​ണി​​ന്റെ ഭാ​ഗ​മാ​യി ഇ​ന്ത്യ-​സൗ​ദി ക​ലാ സാം​സ്ക​രി​കോ​ത്സ​വം സം​ഘ​ടി​പ്പി​ക്കു​ന്നു. അ​ന്താ​രാ​ഷ്​​ട്ര നി​ല​വാ​ര​ത്തി​ൽ സം​ഘ​ടി​പ്പി​ക്കു​ന്ന പ​രി​പാ​ടി​യി​ൽ ഇ​രു​രാ​ജ്യ​ങ്ങ​ളി​ൽ നി​ന്നു​ള്ള പ്ര​ശ​സ്ത​രാ​യ ക​ലാ​കാ​ര​ന്മാ​ർ പ​ങ്കെ​ടു​ക്കും. ‘ഇ​ന്ത്യ​ൻ ആ​ൻ​ഡ് സൗ​ദി നൈ​റ്റ്’ എ​ന്ന പേ​രി​ലാ​ണ് ജ​ന​റ​ൽ എ​ൻ​റ​ർ​ടെ​യി​ൻ​മെൻറ് അ​തോ​റി​റ്റി ഇ​ന്ത്യ-​സൗ​ദി ക​ലാ സാം​സ്ക​രി​കോ​ത്സ​വം സം​ഘ​ടി​പ്പി​ക്കു​ന്ന​ത്. ഇ​ന്ത്യ-​സൗ​ദി സം​സ്കാ​ര​ങ്ങ​ൾ പ​ര​സ്പ​രം കൈ​മാ​റാ​നും മ​ന​സ്സി​ലാ​ക്കാ​നും സ​ഹാ​യ​ക​ര​മാ​കു​ന്ന പ​രി​പാ​ടി​യി​ൽ ഇ​രു രാ​ജ്യ​ങ്ങ​ളി​ലേ​യും പ്ര​ശ​സ്ത​രാ​യ ക​ലാ​കാ​ര​ന്മാ​ർ പ​ങ്കെ​ടു​ക്കും.

ജൂ​ലൈ 26ന് ​വൈ​കീ​ട്ട്​ ജി​ദ്ദ ഇ​ക്വി​സ്ട്രി​യ​ൻ ക്ല​ബി​ലാ​ണ് പ​രി​പാ​ടി. അ​ന്താ​രാ​ഷ്​​ട്ര നി​ല​വാ​ര​ത്തി​ലൊ​രു​ക്കു​ന്ന ക​ലാ സാം​സ്കാ​രി​കോ​ത്സ​വ​ത്തി​ൽ പ്ര​ശ​സ്ത റാ​പ്പ് ഗാ​യ​ക​ൻ ഡെ​ബ്സി, നി​കി​ത ഗാ​ന്ധി, സ​ൽ​മാ​ൻ അ​ലി എ​ന്നി​വ​ർ ഒ​രു​ക്കു​ന്ന സം​ഗീ​ത​പ്പെ​രു​മ​ഴ​യോ​ടൊ​പ്പം സ​ഞ്ജി​ത്ത് ഡാ​ൻ​സ് ക്രൂ ​ഒ​രു​ക്കു​ന്ന നൃ​ത്ത​ച്ചു​വ​ട​ക​ളും ഇ​ന്ത്യ​ൻ-​സൗ​ദി നൈ​റ്റി​നെ അ​വി​സ്മ​ര​ണീ​യ​മാ​ക്കും. കൂ​ടാ​തെ പ്ര​മു​ഖ ബോ​ളി​വു​ഡ് ന​ടി ഗൗ​ഹ​ർ അ​ലി ഖാ​നും പ​രി​പാ​ടി​യി​ൽ സം​ബ​ന്ധി​ക്കു​മെ​ന്ന് ജ​ന​റ​ൽ എ​ൻ​റ​ർ​ടെ​യി​ൻ​മെൻറ് അ​തോ​റി​റ്റി ക​മ്യൂ​ണി​റ്റി പ്രോ​ഗ്രാം മാ​നേ​ജ​ർ നൗ​ഷീ​ൻ വ​സീം ജി​ദ്ദ​യി​ൽ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

സു​ലൈ​മാ​ൻ ഖു​റൈ​ശി, അ​ൽ ബു​ഹാ​റ തു​ട​ങ്ങി​യ പ്ര​ശ​സ്ത​രാ​യ സൗ​ദി ക​ലാ​കാ​ര​ന്മാ​രും പ​ങ്കെ​ടു​ക്കു​ന്ന പ​രി​പാ​ടി​യി​ൽ മ​റ്റു നി​ര​വ​ധി ഇ​ന്ത്യ​ൻ-​സൗ​ദി ക​ലാ​രൂ​പ​ങ്ങ​ളും അ​ര​ങ്ങേ​റും. 35 റി​യാ​ൽ, 99 റി​യാ​ൽ എ​ന്നി​ങ്ങ​നെ​യാ​ണ് ടി​ക്ക​റ്റ് നി​ര​ക്ക്. 99 റി​യാ​ൽ ടി​ക്ക​റ്റെ​ടു​ക്കു​ന്ന​വ​ർ​ക്ക് സീ​റ്റി​ലി​രു​ന്ന് പ​രി​പാ​ടി ആ​സ്വ​ദി​ക്കാം. 12 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ​ക്ക് ടി​ക്ക​റ്റ് ആ​വ​ശ്യ​മി​ല്ല. ടി​ക്ക​റ്റ് വി​ൽ​പ​ന പ്ര​ഖ്യാ​പി​ക്കു​ന്ന​തോ​ടെ ‘വീ ​ബു​ക്ക്’ എ​ന്ന ഓ​ൺ​ലൈ​ൻ പ്ലാ​റ്റ്ഫോ​മി​ലൂ​ടെ​യും പ്ര​ശ​സ്ത ഔ​ട്ട്​​ലെ​റ്റു​ക​ളി​ലൂ​ടെ​യും ടി​ക്ക​റ്റു​ക​ൾ ല​ഭി​ക്കും.

20,000ത്തോ​ളം പേ​ർ​ക്ക് പ​രി​പാ​ടി ആ​സ്വ​ദി​ക്കാ​നാ​കും വി​ധ​മാ​ണ് ക്ര​മീ​ക​ര​ണ​ങ്ങ​ൾ. ജി​ദ്ദ​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് ഇ​ക്വി​സ്ട്രി​യ​ൻ ക്ല​ബി​ലേ​ക്ക് സൗ​ജ​ന്യ ബ​സ് സ​ർ​വി​സു​ക​ളും ഒ​രു​ക്കു​ന്നു​ണ്ട്. തു​ട​ർ​ന്നു​ള്ള ആ​ഴ്ച​ക​ളി​ൽ മ​റ്റു ഏ​ഷ്യ​ൻ രാ​ജ്യ​ങ്ങ​ൾ​ക്ക് വേ​ണ്ടി​യും സ​മാ​ന​മാ​യ സാം​സ്കാ​രി​കോ​ത്സ​വം സം​ഘ​ടി​പ്പി​ക്കു​മെ​ന്ന് നൗ​ഷീ​ൻ വ​സീം അ​റി​യി​ച്ചു. ജ​ന​റ​ൽ എ​ൻ​റ​ർ​ടെ​യി​ൻ​മെൻറ് അ​തോ​റി​റ്റി ക​ണ്ട​ൻ​റ് മാ​നേ​ജ​ർ ഫ​ർ​ഹ നാ​സും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.