അതിനിപുണ ജോലിക്കാർക്ക്​ തൊഴിലുടമയെ മാറ്റാം; നിയമ ഭേദഗതി പരിഗണനയിൽ

ജിദ്ദ: സൗദിയിലെ തൊഴിലാളി^തൊഴിലുടമ ബന്ധ​ത്തിൽ മാറ്റം വരുത്തുന്ന നിലയിൽ തൊഴിൽ നിയമഭേദഗതി മന്ത്രാലയത്തി​​​െൻറ പരിഗണനയിൽ. 
അതിനിപുണ വിദേശ തൊഴിലാളികൾക്ക്​ നിശ്​ചിത കാലത്തിനുള്ളിൽ തൊഴിലുടമയെ സ്വയം തെരഞ്ഞെടുക്കാൻ അനുമതി നൽകുന്ന തരത്തിലാണ്​ ഭേദഗതി ആലോചിക്കുന്നത്​. 

ഇതുസംബന്ധിച്ച്​ തൊഴിൽ മന്ത്രാലയം തയാറാക്കിയ കരട്​ നിയമം അന്തിമ അംഗീകാരത്തിനായി സമർപ്പിച്ചിരിക്കുകയാണ്​. നിലവിലെ തൊഴിൽകരാർ അവസാനിച്ചശേഷമേ ഇൗ രീതിയിൽ സ്​പോൺസറെ സ്വീകരിക്കാനാകുകയുള്ളു. അതീവ വൈദഗ്​ധ്യമുള്ള വിദേശ ജോലിക്കാർക്ക്​ കമ്പനികൾ മാറാൻ കഴിയുന്ന തരത്തിൽ നിയമം അയവുള്ളതാക്കുന്നതാകും ഇൗ കരടെന്ന്​ തൊഴിൽ മന്ത്രാലയം അണ്ടർ സെക്രട്ടറി (ലേബർ ​നയങ്ങൾ) ഡോ. അഹമദ്​ അൽഖത്താൻ അറിയിച്ചു. 

ശിപാർശയോട്​ കൂടിയ കരട്​ ഭേദഗതി അന്തിമ അംഗീകാരത്തിനായി സമർപ്പിച്ചിരിക്കുകയാണെന്നും​ ഡോ. അഹമദ്​ ‘അൽ ഇഖ്​തിസാദിയ’ക്ക്​ നൽകിയ കുറിപ്പിൽ വ്യക്​തമാക്കി. ജോലിക്കാർക്ക്​ ഇൗ രീതിയിൽ സ്വാതന്ത്ര്യം നൽകുന്നത്​ സൗദി തൊഴിൽ വിപണി കൂടുതൽ ആകർഷമാക്കുന്നതിനും വിഷൻ 2030 ​​​െൻറ അടിസ്​ഥാനത്തിൽ വ്യാപാര സൗഹൃദ അന്തരീക്ഷം സൃഷ്​ടിക്കുന്നതിനു​ം ഉപകരിക്കുമെന്നും അദ്ദേഹം പറഞ്ഞു.