കണ്ണൂർ സ്വദേശി മദീനയിൽ മരിച്ചു

മദീന: കണ്ണൂര്‍ മാട്ടൂല്‍ സ്വദേശി തൈവളപ്പില്‍ അബ്​ദുല്‍ ജബ്ബാര്‍ (57) മദീനയില്‍ നിര്യാതനായി. ഉംറ കഴിഞ്ഞ്​  മദീന സന്ദർശനത്തിനെത്തിയതായിരുന്നു. താമസിക്കുന്ന ഹോട്ടലിൽ കുഴഞ്ഞു വീണ്​ തലക്ക് പരിക്കേറ്റ്​ കിങ്​ ഫഹദ് ആശുപത്രിയില്‍ ഒരാഴ്ചയായി ചികിത്സയിലായിരുന്നു. ഭാര്യ: ആസ്യാമ്മ. മക്കൾ: ഫാത്തിമ, ജാബിര്‍, ഫാസില. നടപടിക്രമങ്ങൾക്ക്​ ശേഷം മൃതദേഹം മദീനയിൽ ഖബറടക്കുമെന്ന്​ ബന്ധുക്കൾ അറിയിച്ചു.