റിയാദ് കലാഭവ​െൻറ കർമ പുരസ്​കാരം ഡോ. രാമചന്ദ്രന്

റിയാദ്: റിയാദ് കലാഭവ​െൻറ ഈ വർഷത്തെ കർമ പുരസ്​കാരം മൂന്ന്​ പതിറ്റാണ്ടായി റിയാദിൽ ആതുരശുശ്രൂക്ഷാ രംഗത്ത്​ പ്രശസ്​തനായ ഡോ. രാമചന്ദ്രന്. ഇന്ന്​ (വെള്ളിയാഴ്​ച) മലസ്​ ചെറീസ്​ റസ്​റ്റോറൻറ്​ ഓഡിറ്റോറിയത്തിൽ വൈകീട്ട്​ നടക്കുന്ന വിൻറർ നൈറ്റ്​ പരിപാടിയിൽ പുരസ്​കാരം സമ്മാനിക്കുമെന്ന്​ ഭാരവാഹികൾ വാർത്താക്കുറിപ്പിൽ അറിയിച്ചു.

റിയാദ്​ ഹാരയിലെ അമൽ പോളിക്ലിനിക്കിൽ മെഡിക്കൽ ഡയറക്​ടറായ അദ്ദേഹം കോഴിക്കോട്​ മെഡിക്കൽ കോളജിലെ​ 1973 എം.ബി.ബി.എസ്​ ബാച്ചുകാരനാണ്​. പ്രമുഖ വ്യവസായി കൂടിയായ ഡോ. ആസാദ്​ മൂപ്പ​ൻ അതേ ബാച്ചുകാരനും അടുത്ത സുഹൃത്തുമാണ്​. തലശ്ശേരി സ്വദേശിയായ ഡോ. രാമചന്ദ്രൻ 1995ൽ റിയാദിലെത്തി. ബത്​ഹയിലെ അൽ ഹാദി ആശുപത്രിയിലാണ്​ തുടക്കം. 2004ലാണ്​ അമൽ പോളിക്ലിനിക്കിൽ ചേർന്നത്​. റിയാദിലെ ആസ്​റ്റർ സനദ്​ ആശുപത്രിയിൽ സീനിയർ ഗൈനക്കോളജിസ്​റ്റായ ഡോ. ആനന്ദലക്ഷ്​മിയാണ്​ പത്​നി.

ക്രിസ്​തുമസ്​, പുതുവത്സരാഘോഷങ്ങളുടെ ഭാഗമായാണ്​ റിയാദ് കലാഭവൻ വിൻറർ നൈറ്റ് സംഘടിപ്പിക്കുന്നത്​. രണ്ടു പതിറ്റാണ്ട് ആരോഗ്യമേഖലയിൽ വിവിധ രംഗങ്ങളിൽ സേവനം അനുഷ്​ഠച്ചവരെയും ആദരിക്കുന്നുണ്ട്. റിയാദിലെ കലാകാരൻമാർ പങ്കെടുക്കുന്ന കലാസന്ധ്യയും അരങ്ങേറും.