കേളി ദിനാഘോഷങ്ങൾ നാളെ തുടങ്ങും

റി​യാ​ദ്: കേ​ളി ക​ലാ​സാം​സ്കാ​രി​ക വേ​ദി​യു​ടെ 23ാം വാ​ർ​ഷി​കാ​ഘോ​ഷ​ങ്ങ​ൾ​ക്ക് വെ​ള്ളി​യാ​ഴ്ച തു​ട​ക്കം കു​റി​ക്കും. ഫെ​ബ്രു​വ​രി ര​ണ്ട്, ഏ​പ്രി​ൽ 19 തീ​യ​തി​ക​ളി​ലാ​യി ന​ട​ക്കു​ന്ന ആ​ഘോ​ഷ പ​രി​പാ​ടി​ക​ളു​ടെ സാം​സ്കാ​രി​ക സ​മ്മേ​ള​നം സാ​ഹി​ത്യ നി​രൂ​പ​ക​നും ദേ​ശാ​ഭി​മാ​നി വാ​രി​ക പ​ത്രാ​ധി​പ​രു​മാ​യ ഡോ. ​കെ.​പി. മോ​ഹ​ന​ൻ ഉ​ദ്ഘാ​ട​നം ചെ​യ്യും. റി​യാ​ദ്​ ഷി​ഫ​യി​ലെ റീ​മാ​സ് ഓ​ഡി​റ്റോ​റി​യ​ത്തി​ൽ ന​ട​ക്കു​ന്ന ആ​ദ്യ ദി​ന​ത്തി​ൽ കേ​ളി, കു​ടും​ബ​വേ​ദി അം​ഗ​ങ്ങ​ളു​ടെ​യും കു​ട്ടി​ക​ളു​ടെ​യും ക​ലാ​പ​രി​പാ​ടി​ക​ളും സാം​സ്കാ​രി​ക സ​മ്മേ​ള​ന​വും റി​യാ​ദി​ലെ ഗാ​യ​ക​രു​ടെ ഗാ​ന​മേ​ള​യും അ​ര​ങ്ങേ​റും.

ഏ​പ്രി​ൽ 19ന് ​കേ​ര​ള​ത്തി​ൽ നി​ന്നു​ള്ള മു​ൻ​നി​ര ക​ലാ​കാ​ര​ന്മാ​ർ ഒ​രു​ക്കു​ന്ന സൗ​ജ​ന്യ മെ​ഗാ​ഷോ​യാ​ണ് റി​യാ​ദി​ലെ പൊ​തു​സ​മൂ​ഹ​ത്തി​നാ​യി കേ​ളി ഒ​രു​ക്കു​ന്ന​ത്. പ​തി​നാ​യി​ര​ത്തി​ൽ​പ​രം കാ​ണി​ക​ൾ പ​ങ്കെ​ടു​ത്ത 22ാം വാ​ർ​ഷി​ക​ത്തി​ൽ റി​മി​ടോ​മി​യെ ആ​ദ്യ​മാ​യി സൗ​ദി അ​റേ​ബ്യ​ക്ക്​ പ​രി​ച​യ​പ്പെ​ടു​ത്തി​യ​തും കേ​ളി​യാ​യി​രു​ന്നു. വാ​ർ​ഷി​കാ​ഘോ​ഷ​ങ്ങ​ളു​ടെ ഭാ​ഗ​മാ​യി റി​യാ​ദി​ലെ​ത്തു​ന്ന ഡോ. ​മോ​ഹ​ന​ന്, റി​യാ​ദി​ലെ ചി​ല്ല സ​ർ​ഗ​വേ​ദി സ്വീ​ക​ര​ണം ന​ൽ​കി.