കേളി ഗുർണാദ യൂനിറ്റ്​ ജനകീയ ഇഫ്താർ

റിയാദ്​: കേളി കലാസാംസ്​കാരിക വേദി ഗുർണാദ യൂനിറ്റ്​ ജനകീയ ഇഫ്താർ സംഘടിപ്പിച്ചു. പ്രദേശത്തെ മലയാളി സമൂഹം പ​ങ്കെടുത്തു. ഇടയിൽ പെരുമഴ പെയ്‌തിട്ടും ആവേശം ഒട്ടും ചോരാതെ, പങ്കെടുത്ത എല്ലാവരും പരിപാടിയെ വിജയമാക്കിയതോടെ സംഗമം ആഘോഷപൂർണമായി.

ഗുർണാദ കാലിക്കറ്റ് ടേസ്​റ്റി റസ്റ്റാറന്റിലും അൽശുഹദാ പാർക്ക് പരിസരത്തും നടന്ന സംഗമത്തിൽ 150-ലധികം പേർ പങ്കെടുത്തു. പരിപാടിക്ക് കേളി റൗദ രക്ഷാധികാരി കമ്മിറ്റി കൺവീനർ സതീഷ് വളവിൽ, ഏരിയ സെക്രട്ടറി ബിജി തോമസ്, യൂനിറ്റ് സെക്രട്ടറി ശ്രീകുമാർ വാസു, പ്രഭാകരൻ ബേത്തൂർ, ഷഫീഖ്, ബിനീഷ്, നിസാർ, ഷിയാസ് എന്നിവർ നേതൃത്വം നൽകി.