‘ഖത്​മുൽ ഖുർആൻ’: മക്ക ഹറമിലെത്തിയത്​ 25 ലക്ഷത്തിലധികം വിശ്വാസികൾ

മക്ക: റമദാൻ 29-ാം രാവിൽ ‘ഖത്​മുൽ ഖുർആനി’നോടനുബന്ധിച്ച്​ മക്ക ഹറമിലെ ഇശാഅ്​, തറാവീഹ്​ നമസ്​കാരത്തിൽ പ​െങ്കടുത്തത്​ 25 ലക്ഷത്തിലധികം ആളുകൾ. ഹറമുകളിലെ നമസ്​കാരങ്ങളിലും ഖുർആൻ പാരായണ സമാപനത്തിലും പ​െങ്കടുക്കാൻ രാവിലെ മുതൽ ആളുകളുടെ ഒഴുക്ക്​ തുടങ്ങിയിരുന്നു​.

27-ാം രാവ്​ കഴിഞ്ഞ ശേഷം രാജ്യത്തി​െൻറ പല മേഖലകളിൽ നിന്നെത്തിയവരും ഹറമിനോട്​ വിട പറഞ്ഞിരുന്നുവെങ്കിൽ 29-ാം രാവിലെ നമസ്​കാരവേളയിലും നല്ല തിരക്കാണ്​ അനുഭവപ്പെട്ടത്​. നമസ്​കാര വേളയിൽ ഹറമി​െൻറ മുഴുവൻ നിലകളും മുറ്റങ്ങളും നിറഞ്ഞുകവിഞ്ഞു. മക്കയിലേക്ക്​ എത്തുന്ന എല്ലാ റോഡുകളിലും നല്ല തിരക്കായിരുന്നു. പരിസര പ്രദേശങ്ങളിൽ നിന്ന്​ പുറപ്പെട്ടവർക്ക്​ ഹറമിനടുത്തേക്ക്​ എത്താൻ മണിക്കൂറുകളെടുത്തു.

രാത്രി നമസ്​കാരത്തിനും പ്രാർഥനക്കും ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസു​ദൈസ്​ നേതൃത്വം നൽകി. 29-ാം രാവിലെ തിരക്ക് നിയന്ത്രിക്കാനും തീർഥാടകർക്ക്​ സുഗമമായും ആശ്വാസത്തോടും ആരാധകളിലേർപ്പെടാനും ഇരുഹറം കാര്യാലയം വിപുലമായ സൗകര്യങ്ങളും സംവിധാനങ്ങളും ഒരുക്കിയിരുന്നു.

സുരക്ഷക്കായി​ കൂടുതൽ പേരെ നിയോഗിക്കുകയും ചെയ്​തിരുന്നു. മദീനയിലെ മസ്​ജിദുന്നബവിയിലും 29-ാം രാവിലെ തറാവീഹ് നമസ്കാരത്തിൽ ഖത്​മുൽ ഖുർആനും ആയിരങ്ങളാണ്​ സാക്ഷിയായത്​​. പ്രാർഥനക്ക്​ ഇമാമും ഖത്തീബുമായ ശൈഖ്​ സലാഹ്​ അൽബദീർ​ നേതൃത്വം നൽകി.