പ​ർ​വ​ത ഗോ​ത്ര​ക​ല​ക​ൾ നി​റ​ഞ്ഞാ​ടി​; ‘ഖി​മ്മം ഫെ​സ്​​റ്റി​വ​ൽ’

അ​ബ്ഹ: പ​ർ​വ​ത ഗോ​ത്ര​ങ്ങ​ളു​ടെ പ​ര​മ്പ​രാ​ഗ​ത ക​ലാ​രൂ​പ​ങ്ങ​ൾ ത​നി​മ ചോ​രാ​തെ പു​ന​ര​വ​ത​രി​പ്പി​ച്ച്​​ ‘ഖി​മ്മം ഫെ​സ്​​റ്റി​വ​ൽ’. നൂ​റ്റാ​ണ്ടു​ക​ളാ​യി പ​ർ​വ​ത​മേ​ഖ​ല​ക​ളി​ൽ വ​സി​ക്കു​ന്ന ഗോ​ത്ര​വ​ർ​ഗ​ങ്ങ​ൾ ത​ങ്ങ​ളു​ടെ പ​ര​മ്പ​രാ​ഗ​ത ജീ​വി​ത​രീ​തി​യോ​ടൊ​പ്പം സം​ര​ക്ഷി​ക്കു​ന്ന ക​ലാ​രൂ​പ​ങ്ങ​ൾ​ക്കാ​യി സൗ​ദി സാം​സ്​​കാ​രി​ക മ​ന്ത്രാ​ല​യം അ​ന്താ​രാ​ഷ്​​ട്ര മാ​ന​ങ്ങ​ളോ​ടെ സം​ഘ​ടി​പ്പി​ച്ച ഖി​മ്മം ഫെ​സ്​​റ്റി​വ​ലി​​നാ​ണ്​ അ​ബ്ഹ അ​തി​ഥേ​യ​ത്വം വ​ഹി​ച്ച​ത്.

മ​ന്ത്രാ​ല​യ​ത്തി​ന്​ കീ​ഴി​ലു​ള്ള തി​യ​​റ്റ​ർ ആ​ൻ​ഡ്​ പെ​ർ​ഫോ​മി​ങ്​ ആ​ർ​ട്​​സ്​ അ​തോ​റി​റ്റി നേ​തൃ​ത്വം ന​ൽ​കി​യ ഒ​രാ​ഴ്​​ച നീ​ണ്ട അ​ന്ത​ർ​ദേ​ശീ​യ നാ​ടോ​ടി ഉ​ത്സ​വ​മേ​ള​​ക്ക്​ ഇ​ക്ക​ഴി​ഞ്ഞ വെ​ള്ളി​യാ​ഴ്​​ച രാ​ത്രി​യോ​ടെ സ​മാ​പ​ന​മാ​യി. മ​ല​​​മ്പ്ര​ദേ​ശ​ങ്ങ​ളി​ൽ നി​ന്നു​ള്ള ഗോ​ത്ര​വ​ർ​ഗ ക​ലാ​പ​രി​പാ​ടി​ക​ൾ​ക്കാ​യി മാ​ത്രം അ​ര​ങ്ങേ​റു​ന്ന ലോ​ക​ത്തി​ലെ ത​ന്നെ ആ​ദ്യ​ത്തെ ഉ​ത്സ​വ​മെ​ന്ന നി​ല​യി​ൽ ‘ഖി​മ്മം ഫെ​സ്​​റ്റി​വ​ൽ’ ശ്ര​ദ്ധേ​യ​മാ​യി.

14 അ​ന്താ​രാ​ഷ്​​ട്ര ഗോ​ത്ര​ക​ലാ​സം​ഘ​ങ്ങ​ളും സൗ​ദി​യി​ൽ​നി​ന്നു​ള്ള 16 ക​ലാ​സം​ഘ​ങ്ങ​ളും ത​ന​ത്​ പാ​ര​മ്പ​ര്യ നൃ​ത്ത​ങ്ങ​ളും മ​റ്റ്​ ക​ലാ​രൂ​പ​ങ്ങ​ളും അ​വ​ത​രി​പ്പി​ച്ചു. മൊ​റോ​ക്കോ, ചൈ​ന, ദ​ക്ഷി​ണ കൊ​റി​യ, സ്വി​റ്റ്‌​സ​ർ​ല​ൻ​ഡ്, ഇ​ന്ത്യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള ക​ലാ​കാ​ര​ന്മാ​ർ അ​ന്താ​രാ​ഷ്​​ട്ര സം​ഘ​ങ്ങ​ളി​ലാ​യി എ​ത്തി. സൗ​ദി​യി​ലെ വി​വി​ധ ഗി​രി​ജ​ന ഗോ​ത്ര​ങ്ങ​ളു​ടെ ക​ലാ​രൂ​പ​ങ്ങ​ളു​മാ​യി സ്വ​ദേ​ശി ക​ലാ​കാ​ര​ന്മാ​രും അ​ണി​നി​ര​ന്നു.

അ​സീ​ർ പ്ര​വി​ശ്യ​യി​ലെ മാ​ലി​ക് ഹി​സ്​​റ്റോ​റി​ക്ക​ൽ പാ​ല​സ്, അ​ൽ മു​ശൈ​ത് കൊ​ട്ടാ​ര​ങ്ങ​ൾ, അ​ബു നു​ഖ​ത്ത അ​ൽ മു​താ​ഹ്മി, ബ​സ്ത അ​ൽ ഖാ​ബി​ൽ, അ​ൽ മ​സ്‌​കി​യി​ലെ അ​ബു ഷ​ഹ്‌​റ പാ​ല​സ്, ഷം​സാ​ൻ കാ​സി​ൽ, ബി​ൻ അ​ദ്‌​വാ​ൻ ഹെ​റി​റ്റേ​ജ് വി​ല്ലേ​ജ് എ​ന്നി​വി​ട​ങ്ങ​ളി​ലാ​ണ്​ ഉ​ത്സ​വ വേ​ദി​ക​ളൊ​രു​ങ്ങി​യ​ത്. 2017ൽ ​അ​റ​ബ്​ വി​നോ​ദ​സ​ഞ്ചാ​ര മേ​ഖ​ല​യു​ടെ ത​ല​സ്ഥാ​ന​മെ​ന്ന കി​രീ​ടം 2017ലാ​ണ്​ അ​ബ്ഹ​യെ തേ​ടി​യെ​ത്തി​യ​ത്. ആ​ഭ്യ​ന്ത​ര, വി​ദേ​ശ വി​നോ​ദ​സ​ഞ്ചാ​രി​ക​ളെ ഒ​രു​പോ​ലെ ആ​ക​ർ​ഷി​ക്കു​ന്ന മേ​ഖ​ല​യു​ടെ സാം​സ്കാ​രി​ക ക​ല​ണ്ട​റി​ലെ ഏ​റ്റ​വും പു​തി​യ പ​രി​പാ​ടി​യാ​ണ്​ ഖി​മ്മം ഫെ​സ്​​റ്റി​വ​ൽ. ഇ​ത്​ സൗ​ദി അ​റേ​ബ്യ​യെ പ​ർ​വ​ത ഗോ​ത്ര​ക​ലാ​രൂ​പ​ങ്ങ​ളു​ടെ വീ​ണ്ടെ​ടു​പ്പി​​ന്റെ അ​ന്ത​ർ​ദേ​ശീ​യ കേ​ന്ദ്ര​മാ​ക്കി മാ​റ്റു​മെ​ന്നാ​ണ്​ ക​രു​തു​ന്ന​ത്. വ​രും​വ​ർ​ഷ​ങ്ങ​ളി​ലും ഇ​ത്ത​രം പ​രി​പാ​ടി​ക​ളു​മാ​യി മു​ന്നോ​ട്ടു പോ​കാ​നാ​ണ്​ സം​ഘാ​ട​ക​രു​ടെ തീ​രു​മാ​നം.

രാ​ജ്യ​ത്തി​​ന്റെ വ​ട​ക്ക് ത​ബൂ​ക്ക് മു​ത​ൽ തെ​ക്ക് ന​ജ്റാ​ൻ വ​രെ​യു​ള്ള പ​ർ​വ​ത​പ്ര​ദേ​ശ​ങ്ങ​ളി​ൽ നി​ന്നു​ള്ള ക​ലാ​കാ​ര​ന്മാ​രാ​ണ് ഇ​ത്ത​വ​ണ ത​ദ്ദേ​ശീ​യ ക​ലാ​സം​ഘ​ങ്ങ​ളാ​യി എ​ത്തി​ പ​രി​പാ​ടി​ക​ൾ അ​വ​ത​രി​പ്പി​ച്ച​ത്. ലോ​ക​മെ​മ്പാ​ടു​മു​ള്ള പ​ർ​വ​ത ഗോ​ത്ര സം​സ്‌​കാ​ര​ങ്ങ​ളെ കോ​ർ​ത്തി​ണ​ക്കി​യ ഒ​രു പ​രി​പാ​ടി​യാ​യി​രു​ന്നു ഇ​ത്. ലോ​ക​ത്തി​​ന്റെ വ്യ​ത്യ​സ്​​ത ഭാ​ഗ​ങ്ങ​ളി​ലെ സം​സ്കാ​ര​ങ്ങ​ൾ ത​മ്മി​ലു​ള്ള സ​മാ​ന​ത​ക​ളും അ​ന്ത​ര​ങ്ങ​ളും പ​ഠി​ക്കാ​ൻ സ​ഹാ​യി​ക്കു​ന്ന​താ​ണ്​ ഖി​മ്മം മേ​ള.

നൃ​ത്ത​ച​ല​ന​ങ്ങ​ൾ​ക്ക്​ ദേ​ശാ​തി​രു​ക​ൾ​ക്ക​തീ​ത​മാ​യി ഏ​തെ​ങ്കി​ലും ത​ര​ത്തി​ലു​ള്ള സ​മാ​ന​ത​ക​ളു​ണ്ടെ​ന്നു ക​ണ്ടെ​ത്താ​നാ​വു​മെ​ന്ന്​ ക​ലാ​നി​രൂ​പ​ക​ർ പ​റ​യു​ന്നു. ആ​ളു​ക​ൾ മ​റ്റു സം​സ്കാ​ര​ങ്ങ​ൾ കാ​ണേ​ണ്ട​ത് വ​ള​രെ പ്ര​ധാ​ന​മാ​ണ്. അ​വ​ർ എ​ങ്ങ​നെ നൃ​ത്ത​ങ്ങ​ളും പാ​ട്ടു​ക​ളും ഉ​പ​യോ​ഗി​ച്ച് ആ​ഘോ​ഷി​ക്കു​ന്നു എ​ന്ന് മ​ന​സ്സി​ലാ​ക്കാ​നും ഇ​ത്​ സ​ഹാ​യി​ക്കും. ഫെ​സ്​​റ്റി​വ​ലി​​ന്റെ ഉ​ദ്ഘാ​ട​ന ച​ട​ങ്ങി​ൽ വി​വി​ധ രാ​ജ്യ​ക്കാ​രാ​യ ക​ലാ​കാ​ര​ൻ​മാ​രു​ടെ ഒ​രു​മി​ച്ചു​ള്ള സാം​സ്​​കാ​രി​ക ഘോ​ഷ​യാ​ത്ര അ​ബ്ഹ ആ​ർ​ട്സ് സ്ട്രീ​റ്റി​ൽ ന​ട​ന്നി​രു​ന്നു. വി​വി​ധ ഭാ​ഗ​ങ്ങ​ളി​ൽ​നി​ന്നെ​ത്തി​യ​വ​രു​ടെ ത​ന​ത്​ ക​ലാ​രൂ​പ​ങ്ങ​ളു​ടെ പ്ര​ക​ട​ന​ങ്ങ​ൾ ഈ ​ഘോ​ഷ​യാ​ത്ര​യി​ൽ ഉ​ണ്ടാ​യി​രു​ന്നു.

ഈ ​വ​ർ​ഷ​ത്തെ മേ​ള​യി​ൽ സൗ​ദി നാ​ടോ​ടി​നൃ​ത്ത​ങ്ങ​ൾ അ​വ​ത​രി​പ്പി​ക്ക​പ്പെ​ട്ടു. അ​സീ​ർ മേ​ഖ​ല​യി​ൽ വ്യാ​പ​ക​മാ​യി അ​ര​ങ്ങേ​റാ​റു​ള്ള ആ​യോ​ധ​ന ക​ല​ക​ളു​ടെ ഒ​രു രൂ​പ​മാ​യ അ​ർ​ദ​യാ​ണ്​ ഇ​ക്കൂ​ട്ട​ത്തി​ൽ ഏ​റ്റ​വും പ്ര​ധാ​ന​പ്പെ​ട്ട​ത്. നാ​ടോ​ടി ക​ലാ​വ​ത​ര​ണ​ങ്ങ​ൾ​ക്ക്​ ഇ​ന്ന്​ നി​ര​വ​ധി കാ​ഴ്ച​ക്കാ​രു​ണ്ടെ​ന്നും വി​നോ​ദ​സ​ഞ്ചാ​ര​ത്തി​ൽ ഇ​തി​ന്​ പ്രാ​ധാ​ന്യ​മു​ണ്ടെ​ന്നും അ​ർ​ദ ഗ്രൂ​പ്​ കോ​ഓ​ഡി​നേ​റ്റ​ർ അ​ബ്​​ദു​ല്ല അ​ൽ ഷാ​ഹ​ർ പ​റ​ഞ്ഞു. ഇ​ത്ത​രം ഉ​ത്സ​വ​ങ്ങ​ൾ രാ​ജ്യ​ത്തി​​ന്റെ പൈ​തൃ​കം പൊ​തു​വാ​യി സം​ര​ക്ഷി​ക്കു​ക​യും ഭാ​വി​ത​ല​മു​റ​ക​ൾ​ക്ക് കൈ​മാ​റു​ക​യും ചെ​യ്യു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.